Dünya

Nyu-Yorkda azərbaycanlı tələbə saxlanılıb, mer Trampla danışdıqdan sonra sərbəst buraxılıb

27 fevral, 2026
205

Foto: sosial media

Nyu-Yorkda miqrasiya polisi tərəfindən saxlanılan azərbaycanlı tələbə şəhər meri və prezidentin müdaxiləsindən sonra sərbəst buraxılıb. 

Kolumbiya Universitetinin tələbəsi Elmina Ağayeva fevralın 26-ı səhər saatlarında İmmiqrasiya və Gömrük İcrası (ICE) işçiləri tərəfindən qaldığı yataqxana binasında saxlanılıb. 

Universitetin açıqlamasına görə, miqrasiya işçiləri binaya yalan təqdimat əsasında - özlərini itmiş uşağı axtaran polis işçiləri kimi təqdim edərək daxil olublar. 

"Onlar bu adla tələbənin qapısına qədər gediblər. Təhlükəsizlik kameralarımız dəhlizdə onların guya itkin düşmüş uşağın şəkillərini göstərdiklərini qeydə alıb. Binaya daxil olduqdan sonra isə onların özlərini yanlış təqdim etdikləri aydın olub. Daha sonra ictimai təhlükəsizlik üzrə əməkdaşımız gəlib, dəfələrlə onlardan məhkəmə orderi tələb edib, lakin order təqdim olunmayıb", - universitetin prezidenti səlahiyyətlərini icra edən Kleyr Şipman deyib. 

Həmin gün Ağ Evdə prezident Donald Trampla görüşən Nyu-York meri Zöhran Mamdani "X" səhifəsində görüşdə tələbənin məsələsini də qaldırdığını bildirib. Axşam saatlarında Ağayeva sərbəst buraxılıb və qaldığı yataqxanaya dönüb. 

ICE-in tabe olduğu Vətənin Təhlükəsizliyi Departamentindən ABC telekanalına deyilib ki, Azərbaycan vətəndaşı olan Ağayevanın tələbə vizası 2016-cı ildə dərsləri buraxdığına görə ləğv olunub. 

Tələbə sərbəst buraxılsa da, onun ölkədən deportasiyası üçün prosedurun davam edəcəyi və məhkəmə prosesinin gözlənildiyi bildirilib. 

Ağayeva "Instagram" səhifəsində “story” paylaşaraq göstərilən dəstəyə görə təşəkkür edib.

“Az əvvəl buraxıldım. Özümü təhlükəsiz və yaxşı hiss edirəm. Hazırda "Uber"-lə evə qayıdıram. Hələ də şok vəziyyətindəyəm", - o yazıb. 

Ağayeva əlavə açıqlama verəcəyini bildirib. O, hələ ki ABŞ-də vizasız yaşadığı iddiasına aydınlıq gətirməyib. 

Bu, Tramp administrasiyasının Kolumbiya Universiteti tələbələrini ölkədən deportasiya etməklə bağlı ilk cəhdi deyil. 

Ötən il fələstinli fəal və universiteti yenicə bitirmiş Mahmud Xəlil terror qruplaşması kimi tanınan HƏMAS-ı dəstəklədiyi ittihamı ilə saxlanılmış və vizası ləğv olunmuşdu. O, 3 aydan sonra sərbəst buraxılsa da, ICE hələ də onu deportasiya etmək üçün məhkəmələrə müraciət edir.


Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Dünya

Almaniya ordusu kiberhücuma görə dronların istifadəsini dayandırıb

13 noyabr 2026

sosial media

Almaniya ordusu “Quantum Systems” şirkətinin istehsal etdiyi pilotsuz uçuş aparatlarının istifadəsini şirkətə qarşı kiberhücum aşkarlandıqdan sonra ehtiyat tədbiri kimi müvəqqəti dayandırıb. “Financial Times”ın məlumatına görə, naməlum şəxslər şirkətin dronların yerdən idarə edilməsi və uçuş missiyalarının planlaşdırılması üçün istifadə olunan QBase proqramının yenilənmə sistemi vasitəsilə zərərli yeniləmə faylı yayıblar. Hadisənin oktyabrın sonunda aşkarlandığı bildirilir.  “Quantum Systems” noyabrın 12-də sistemlərinə qarşı “düşmən aktorlar” tərəfindən kiberhücum edildiyini təsdiqləyib. Şirkətin açıqlamasına görə, təhlükə kibertəhlükəsizlik komandaları və dövlət qurumları ilə əməkdaşlıq nəticəsində nəzarətə götürülüb, operatorlar və son istifadəçilər üçün risk yoxdur. “Der Spiegel”in məlumatına əsasən, araşdırmaya Almaniyanın Hərbi Əks-kəşfiyyat Xidməti (MAD), Konstitusiyanın Mühafizəsi üzrə Federal...
Dünya

“Nvidia”nın rəhbəri Çinlə əlaqəli casusluq iddiaları fonunda istefa verib

13 noyabr 2026

sosial media

Süni intellekt texnologiyaları sahəsində aparıcı korporasiyalardan olan “Nvidia”nın rəhbəri Censen Huanq vəzifəsindən istefa verib. Şirkət bu barədə noyabrın 12-də məlumat yayıb. Açıqlamada bildirilib ki, Huanq prezident, baş direktor və Direktorlar Şurasının üzvü vəzifələrindən dərhal qüvvəyə minən qərarla ayrılıb. İstefanın səbəbi açıqlanmayıb. “Nvidia”nın icraçı vitse-prezidenti və maliyyə direktoru Kolet Kress müvəqqəti baş direktor təyin olunub. Şura şirkətə daimi rəhbər seçmək üçün daxili və xarici namizədlərin iştirak edəcəyi axtarışa başladığını bildirib. “The New York Times” daha əvvəl Huanqın çinli sahibkar Alice Huanqla yaxın münasibətdə olduğunu yazmışdı. Nəşrin məlumatına görə, ABŞ kəşfiyyatı Alise Huanqın Çin Dövlət Təhlükəsizliyi Nazirliyi ilə əlaqəli ola biləcəyindən şübhələnib....

Seçilmiş Videolar

Toplum TV loqo