Dünya

Orban: "Ukrayna tərəfindən mümkün hücumların qarşısını almaq üçün əsgərləri səfərbər edəcəyik"

26 Fevral, 2026

Foto: Reuters

Macarıstan baş naziri Viktor Orban ölkəsinin əsas enerji infrastrukturu obyektlərində əlavə təhlükəsizlik tədbirləri görülməsi barədə göstəriş verib.

O, fevralın 25-də sosial media hesabında paylaşdığı videomüraciətdə Ukraynanı Macarıstanın enerji infrastrukturunu iflic etmək cəhdlərində ittiham edib.

Digər Avropa ölkələri liderlərindən fərqli olaraq, Ukraynaya qarşı müharibə aparan Rusiya ilə yaxın münasibətlər saxlayan Orban iddia edib ki, Ukrayna hökuməti Macarıstana təzyiq göstərmək üçün “neft blokadası”ndan istifadə edir.

O, ölkəsinin kəşfiyyat xidmətlərinə istinadən əlavə edib ki, Kiyev Macarıstanın enerji sisteminin fəaliyyətini pozmaq üçün “əlavə tədbirlər hazırlayır”, lakin iddiaları üçün detal və sübutlar təqdim etməyib.

“Buna görə də, əsas enerji obyektləri yaxınlığında hücumların qarşısını almaq üçün əsgərləri və zəruri avadanlığı səfərbər edəcəyik. Polis müəyyən olunmuş elektrik stansiyaları, paylayıcı məntəqələr və idarəetmə mərkəzləri ətrafında artırılmış qüvvələrlə patrul xidmətləri həyata keçirəcək", - Orban bildirib.

Budapeşt son vaxtlar Kiyevi Rusiyanın neft tədarüklərini Ukrayna ərazisindən keçən Drujba boru kəməri vasitəsilə qəsdən saxlatdırmaqda ittiham edir. Ukrayna rəsmiləri iddiaları təkzib edərək bildiriblər ki, sözügedən boru kəməri məhz Rusiya tərəfindən dron hücumuna məruz qalıb.

2022-ci ilin fevralında Rusiyanın Ukraynada işğalçı müharibəyə başlamasından bəri əksər Avropa ölkələri Rusiyadan enerji idxalını ciddi şəkildə azaldıb və ya tamamilə dayandırıb. Lakin Macarıstan və Slovakiya Rusiya nefti və qazının idxalını nəinki saxlayıb, hətta artırıb.

Fevralın 22-də Macarıstan Avropa İttifaqı (Aİ) tərəfindən Kiyevə ayrılmış 90 milyard avroluq krediti bloklamaqla hədələyib və bir gün sonra Rusiyaya qarşı yeni Aİ sanksiyalarını veto edib. Orban ölkəsinə neft tədarükləri bərpa olunana qədər Ukrayna üçün yardım məqsədilə ediləcək digər Aİ tədbirlərini bloklamağa söz verib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Heyvan bazarları onlayn satışa keçir: Nəticəsi nə olacaq?

Naxçıvanda çörək sexlərindən şikayət: "Çəkini azaldıb alıcını aldadırlar"

Tramp xaricdən gətirilən dronlara 100 faizə qədər rüsum tətbiq edib

Həyat yoldaşı: "Ələsgər Məmmədli iki gündür qida qəbul edə bilmir, boğulma halları davam edir"

Paşinyan: “Tezliklə Azərbaycana məhsul ixrac etməyə başlayacağıq"

İlham Əliyev: “Azərbaycan Ermənistana elektrik enerjisi ixrac edə bilər”

Redaktorun Tövsiyələri

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

Dünya

Tramp xaricdən gətirilən dronlara 100 faizə qədər rüsum tətbiq edib

14 Avqust 2026

sosial media

ABŞ prezident Donald Tramp pilotsuz uçuş aparatları (PUA) və onların komponentlərinin idxalına yeni gömrük rüsumları tətbiq ediləcəyini açıqlayıb. Administrasiya bu addımı ABŞ-nin dron təchizatında xarici istehsalçılardan həddindən artıq asılı olması ilə əsaslandırır. Ağ Evin yaydığı məlumata görə, Tramp bununla bağlı fərman imzalayıb. Fərmana əsasən, milli təhlükəsizlik baxımından həssas hesab olunan, müəyyən texniki göstəricilərə malik dronlara 100 faizlik advalor (gömrük dəyərinə mütənasib) rüsum, daha kiçik dronlara isə 25 faizlik gömrük rüsumu tətbiq ediləcək. Bundan əlavə, Avropa İttifaqı, Yaponiya, Lixtenşteyn, Cənubi Koreya, İsveçrə və Tayvandan idxal olunan dronlar və onların komponentləri üçün 15 faiz, Böyük Britaniyadan gətirilən pilotsuz uçuş aparatları üçün isə...

Davamını oxu

Dünya

Vensin istəyindən sonra Zelenski bəzi neft tankerlərinə PUA zərbələrini dayandırıb

12 Avqust 2026

president.gov.ua

ABŞ-nin vitse-prezidenti Ceyms Vens Ukraynadan Qara dənizdə Xəzər Boru Kəməri Konsorsiumu (CPC) ilə əlaqəli obyektlərə PUA zərbələrini dayandırmağı istəyib. Bu məsələni o, Ukrayna prezidenti Volodimir Zelenski ilə telefon danışığında qaldırıb. Bu barədə “Financial Times” məlumat yayıb. Qəzetin məlumatına görə, Vensin bu tələbi iyulun 31-də səsləndirilib və bundan sonra Kiyev Rusiya limanından istifadə edən, lakin Rusiya şirkətlərinə məxsus olmayan gəmilərə zərbələri dayandırmağa razılaşıb. ABŞ administrasiyası hesab edir ki, bu hücumlar qlobal neft bazarında sabitliyi poza və ABŞ şirkətlərinin maraqlarına zərər vura bilər. CPC vasitəsilə əsasən Qazaxıstan nefti daşınır və konsorsiumda “Chevron” və “ExxonMobil” kimi ABŞ şirkətlərinin də böyük payları var. “Financial...

Davamını oxu