Dünya

Paşinyan: "TRIPP layihəsini Rusiyaya da təklif etmişdim"

11 Fevral, 2026

Foto: açıq mənbə

Ermənistan baş naziri Nikol Paşinyan deyib ki, ABŞ ilə razılaşdırılan, Azərbaycanın əsas hissəsini Naxçıvanla birləşdirəcək "Beynəlxalq Sülh və Rifah naminə Tramp Marşrutu” (TRIPP) layihəsini vaxtilə Rusiyaya da təklif edib.

O, bunu fevralın 10-da Ermənistanın İctimai Televiziyasına müsahibəsində bildirib.

Paşinyanın sözlərinə görə, Rusiya tərəfi avqustun 8-də Vaşinqtonda TRIPP layihəsinin razılaşdırılmasından sonra xüsusilə narahat olub.

“Mən rus tərəfdaşlarımızın diqqətini bir fakta yönəltdim: biz son 5 il ərzində Rusiya Federasiyasına təklif etdiyimiz məzmunda razılaşma imzalamışıq. Biz beş söz istəyirdik: ərazi bütövlüyü, suverenlik, yurisdiksiya, qarşılıqlılıq, sərhədlərin toxunulmazlığı. Dedik ki, bu beş sözü kağız üzərinə yazın və mən o sənədi istənilən vaxt imzalamağa hazıram", - Paşinyan bildirib.

Baş nazir əlavə edib ki, Ermənistan xarici siyasətində Rusiyanın əleyhinə siyasət yürütməyəcək.

“Biz bütün tərəfdaşlarımızla belə bir mövqeyi bölüşürük ki, Rusiyaya və Rusiyanın maraqlarına zərər vurmaq nə bizim gündəmimizdə olub, nə də indi var ya nə vaxtsa olacaq. Bu, ümumiyyətlə, müzakirə mövzusu deyil. Heç kim, cəhd etsə belə, bizi buna təhrik edə bilməyəcək... İndiyə qədər belə cəhdlər də olmayıb. Heç kim bizi Rusiyaya qarşı hərəkət etmək məntiqinə sürükləyə bilməyəcək", - o deyib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Heyvan bazarları onlayn satışa keçir: Nəticəsi nə olacaq?

Naxçıvanda çörək sexlərindən şikayət: "Çəkini azaldıb alıcını aldadırlar"

Tramp xaricdən gətirilən dronlara 100 faizə qədər rüsum tətbiq edib

Həyat yoldaşı: "Ələsgər Məmmədli iki gündür qida qəbul edə bilmir, boğulma halları davam edir"

Paşinyan: “Tezliklə Azərbaycana məhsul ixrac etməyə başlayacağıq"

İlham Əliyev: “Azərbaycan Ermənistana elektrik enerjisi ixrac edə bilər”

Redaktorun Tövsiyələri

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

Dünya

Tramp xaricdən gətirilən dronlara 100 faizə qədər rüsum tətbiq edib

14 Avqust 2026

sosial media

ABŞ prezident Donald Tramp pilotsuz uçuş aparatları (PUA) və onların komponentlərinin idxalına yeni gömrük rüsumları tətbiq ediləcəyini açıqlayıb. Administrasiya bu addımı ABŞ-nin dron təchizatında xarici istehsalçılardan həddindən artıq asılı olması ilə əsaslandırır. Ağ Evin yaydığı məlumata görə, Tramp bununla bağlı fərman imzalayıb. Fərmana əsasən, milli təhlükəsizlik baxımından həssas hesab olunan, müəyyən texniki göstəricilərə malik dronlara 100 faizlik advalor (gömrük dəyərinə mütənasib) rüsum, daha kiçik dronlara isə 25 faizlik gömrük rüsumu tətbiq ediləcək. Bundan əlavə, Avropa İttifaqı, Yaponiya, Lixtenşteyn, Cənubi Koreya, İsveçrə və Tayvandan idxal olunan dronlar və onların komponentləri üçün 15 faiz, Böyük Britaniyadan gətirilən pilotsuz uçuş aparatları üçün isə...

Davamını oxu

Dünya

Vensin istəyindən sonra Zelenski bəzi neft tankerlərinə PUA zərbələrini dayandırıb

12 Avqust 2026

president.gov.ua

ABŞ-nin vitse-prezidenti Ceyms Vens Ukraynadan Qara dənizdə Xəzər Boru Kəməri Konsorsiumu (CPC) ilə əlaqəli obyektlərə PUA zərbələrini dayandırmağı istəyib. Bu məsələni o, Ukrayna prezidenti Volodimir Zelenski ilə telefon danışığında qaldırıb. Bu barədə “Financial Times” məlumat yayıb. Qəzetin məlumatına görə, Vensin bu tələbi iyulun 31-də səsləndirilib və bundan sonra Kiyev Rusiya limanından istifadə edən, lakin Rusiya şirkətlərinə məxsus olmayan gəmilərə zərbələri dayandırmağa razılaşıb. ABŞ administrasiyası hesab edir ki, bu hücumlar qlobal neft bazarında sabitliyi poza və ABŞ şirkətlərinin maraqlarına zərər vura bilər. CPC vasitəsilə əsasən Qazaxıstan nefti daşınır və konsorsiumda “Chevron” və “ExxonMobil” kimi ABŞ şirkətlərinin də böyük payları var. “Financial...

Davamını oxu