Dünya

Qəzzada yarım milyon insan “aclıqdan əziyyət çəkir”

22 Avqust, 2025

243

Foto: Reuters

Dünyada aclığın monitorinqini aparan beynəlxalq sistem avqustun 22-də Qəzza zolağında aclığın başladığını elan edib.

Dünyada qida təhlükəsizliyini mərhələli şəkildə təsnif edən “IPC№” sistemi bildirib ki, zolağın əhalisinin təxminən dörddə biri - 514 min nəfər - aclıq yaşayır və bu gedişlə bu rəqəm sentyabrın sonuna qədər 641 minə qədər yüksələcək.

Bu, “IPC”-nin zolaqdakı vəziyyətlə bağlı ilk bu cür qiymətləndirməsidir.

Aclıqdan əziyyət çəkən əhalinin təxminən 280 min nəfəri Qəzza şəhəri də daxil olmaqla zolağın şimal bölgəsində yaşayır. Qalanlarının isə mərkəzdəki Deyr əl-Bələh və cənubdakı Xan Yunis şəhərlərində yaşadığı bildirilir.

İsrail isə hesabatı “yalan və qərəzli” adlandırıb və zolağa nəzarət edən HƏMAS qruplaşmasından “qaynaqlanan natamam məlumatlara” əsaslandığını bildirib.

“IPC” kriteriyalarına əsasən, bir bölgənin aclıq vəziyyətində təsnif olunması üçün əhalinin ən az 20%-i kəskin ərzaq çatışmazlığından əziyyət çəkməli, hər üç uşaqdan biri ağır qida çatışmazlığı ilə üzləşməli və hər 10 min nəfərə gündə ən azı iki nəfər aclıqdan və ya qida çatışmazlığından ölməlidir.

2023-cü ilin oktyabrından İsrailin Qəzzanı bombalaması ilə başlayan müharibə nəticəsində zolaq blokada şəraitindədir və məhdud miqdarda ərzaq daxil olur.

Qəzzanın səhiyyə rəsmilərinin məlumatına görə, o vaxtdan zolaqda ən az 271 nəfər aclıqdan ölüb ki, bunların 112-si uşaqlardır.

Ümumilikdə isə, İsrail hücumları nəticəsində Qəzzada 60,000-dən çox insan ölüb və onların 18,000-dən çoxu uşaqlardır.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Hesablama Palatası milyonluq maliyyə pozuntuları aşkarlayır, bəs niyə heç kim cəzalanmır?

AP-də Azərbaycanla bağlı dinləmə: “Avropa Şurasına üzvlük Azərbaycana mətbuat azadlığını qoruma öhdəliyi yaradır”

Paşinyan: "Ermənistanı 'banan respublikası' olmaqdan xilas etdik"

İnflyasiya və gəlirlər arasında uçurum: Azərbaycanda bahalaşma davam edir

Nigar Həzi: “Tofiq Yaqublunun dizlərində şiddətli ağrılar var, sərbəst yeriyə bilmir”

Zaxarova: "Zelenskinin Yerevana səfəri Aİ-nin Ermənistana hansı gələcək vəd etdiyini göstərdi"

Redaktorun Tövsiyələri

İnflyasiya və gəlirlər arasında uçurum: Azərbaycanda bahalaşma davam edir

Milli Onkologiya Mərkəzində müalicə almış şəxs: “Bəzi dərmanlar yalnız həkimin yönləndirdiyi apteklərdə və baha satılırdı”

Azərbaycan və Ermənistan bir-birinə hansı məhsulları sata bilər?

Ramil Babayev yazır: “Bakı İstintaq Təcridxanasında zorakılıq ayıdır”

Azərbaycan Rusiyadan AZAL qəzasına məsul şəxslərin cəzalanmasını tələb etməyəcək?

İranın Hörmüz silahı öz əleyhinə çevrilir?

Dünya

Paşinyan: "Ermənistanı 'banan respublikası' olmaqdan xilas etdik"

8 May 2026

sosial media

Ermənistanda parlament seçkiləri öncəsi siyasi partiyaların təbliğat kampaniyasına start verilib. Bu münasibətlə sosial media hesabında videomüraciət edən baş nazir Nikol Paşinyan başçılıq etdiyi hökumətin son 8 ildəki uğurlarını sadalayıb. Onun sözlərinə görə, hökumətin ən böyük uğuru "Ermənistanın müstəqillik tarixində ilk dəfə olaraq sülhün təmin olunmasıdır". Paşinyan müxalifətin Ermənistanda 2018-ci ildən, yəni Paşinyan hakimiyyətə gəlməzdən əvvəl sülh olduğu barədə fikrini təkzib edib. “Əsgərlərin hər il öldürüldüyü və yaralandığı bir yerdə siz sülh görmüsünüz? Bizdə sülh yox idi, bizdə davamlı müharibə və müharibənin eskalasiyasının daimi təxirə salınması var idi və həmin təxirəsalmanı biz 2016-cı ilin Aprel Müharibəsində gördük", - o qeyd edib. ...

Davamını oxu

Dünya

Zaxarova: "Zelenskinin Yerevana səfəri Aİ-nin Ermənistana hansı gələcək vəd etdiyini göstərdi"

7 May 2026

Toplum TV

Rusiya Xarici İşlər Nazirliyinin (XİN) sözçüsü Mariya Zaxarova Ukrayna prezidenti Volodimir Zelenskinin Yerevana səfərini tənqid edib. O, mayın 7-də jurnalistlər üçün brifinqdə deyib ki, Ermənistan hakimiyyəti "terrorçu Zelenskiyə səhnə verib". “Rusiya cəmiyyəti bunu təkcə müşahidə etmədi, həm də dərin hiddət və heyrət hissi ilə qəbul etdi ki, uzun illər dost və qardaş xalq hesab etdiyimiz Ermənistan bir terrorçuya, neonasist rejimin liderinə meydan verdi və o, Yerevanda çox isti qarşılandı. Zelenski ermənistanlı ev sahiblərinin bu anlaşılmaz qonaqpərvərliyindən istifadə edərək özünün artıq bezdirici hala gəlmiş köhnə anti-Rusiya çıxışlarını səsləndirdi", - Zaxarova bildirib. “Əslində Zelenskinin Yerevana səfər etməsi çox gözəldir. Qoy Ermənistan xalqı...

Davamını oxu