Dünya

Rubio: "Hörmüzdən gəmilərin keçməsinə təkcə biz kömək edirik, digər ölkələr də pul ayırmalıdı"

20 İyul, 2026

x.com/SecRubio

ABŞ dövlət katibi Marko Rubio deyib ki, Hörmüz boğazından gəmilərin keçməsinə təkcə ölkəsi kömək edir və digər ölkələr də bunun üçün maliyyə yardımı etməlidir.

ABŞ prezidenti Donald Tramp isə daha öncə sosial media hesabında yazıb ki, boğazdan təhlükəsiz keçidin təmin olunmasına görə digər ölkələr ABŞ-yə "20 faiz ödəniş" edəcəklər.

İyulun 19-da jurnalistlərdən biri Rubiodan Trampın paylaşımına münasibətini soruşub.

"Prezidentin demək istədiyi bu idi ki, ABŞ hər gecə qlobal dəniz daşımalarının təhlükəsizliyini təmin etmək yükünü öz üzərinə götürür. Bu gəmilərin demək olar ki, heç biri ABŞ bayrağı altında üzmür. Demək olar ki, heç biri də ABŞ-yə yük və ya yanacaq daşımır. Yəni biz əslində bütün dünya naminə bu gəmilərin təhlükəsizliyini təmin edirik və bununla bağlı real addım atan yeganə ölkə də bizik", - o, cavabında deyib.

"Müəyyən bir mərhələdə boğazlardan həyata keçirilən dəniz daşımalarından faydalanan ölkələr də irəli çıxmalı və heç olmasa bu çox dəyərli təhlükəsizlik xidmətinin göstərilməsinin xərclərinin qarşılanmasına maliyyə dəstəyi verməlidirlər", - dövlət katibi əlavə edib.

Rubio başqa suala cavab olaraq bildirib ki, İranla əldə olunan anlaşma memorandumu qüvvədən düşüb, lakin ölkəsi diplomatik həllə açıqdır.

İyunun 17-də ayrı-ayrılıqda ABŞ prezidenti Donald Tramp və İran prezidenti Məsud Pezeşkian tərəfindən münaqişəni bitirmək barədə anlaşma memorandumu imzalanıb.

14 bənddən ibarət olan razılaşmada tərəflər növbəti 60 gün ərzində yekun sülh sazişinin imzalanması üçün danışıqları davam etdirməklə bağlı öhdəlik götürüblər.

Buna baxmayaraq, iyulun 8-də atəşkəs yenidən pozulub. ABŞ ordusu İranı Hörmüz boğazını yenidən bağlamaqda ittiham edərək bu ölkəyə zərbələr endirib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Ötən ay azadlığa çıxan AXCP üzvünün yenidən saxlanıldığı bildirilir

“Amnesty International” Bəhruz Səmədovla bağlı petisiya başladıb

Avropa Məhkəməsi Rusiyaya qarşı 879 şikayət ərizəsinə baxmaqdan imtina edib

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Netanyahu: "Əsas missiyamız İranda rejim dəyişikliyidir, buna yaxınıq"

Kallas: “Aİ-də rusiyalılara viza məhdudiyyətləri təklifinə geniş dəstək var”

Redaktorun Tövsiyələri

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

Dünya

Avropa Məhkəməsi Rusiyaya qarşı 879 şikayət ərizəsinə baxmaqdan imtina edib

4 Sentyabr 2026

sosial media

Avropa İnsan Hüquqları Məhkəməsi (AİHM) 2022-ci il sentyabrın 16-dək baş vermiş pozuntularla bağlı Rusiyaya qarşı verilmiş 879 şikayəti baxılan işlərin siyahısından çıxarıb. Məhkəmənin açıqlamasına görə, Rusiyanın silahlı münaqişələrdə iştirakı ilə bağlı şikayətlər bu qərara daxil edilməyib və onlara ayrıca baxılacaq. Şikayətlər ədalətli məhkəmə araşdırması, mülkiyyət və ifadə azadlığı, saxlanma şəraiti, miqrasiya, hərəkət azadlığı və şəxsi məlumatların qorunması kimi məsələləri əhatə edir. AİHM bildirib ki, qərar şikayətlərin qəbuledilməz və ya əsassız olması ilə bağlı deyil. Məhkəmə əsas səbəb kimi Rusiyanın 2022-ci ilin martından əməkdaşlığı dayandırmasını, sorğulara cavab verməməsini və qərarları icra etməyəcəyini bildirməsini göstərib. Məhkəməyə görə, şikayətlərin hər birinə ayrıca baxılması...

Davamını oxu

Dünya

Netanyahu: "Əsas missiyamız İranda rejim dəyişikliyidir, buna yaxınıq"

4 Sentyabr 2026

sosial media

İsrailin baş naziri Benyamin Netanyahu ölkəsinin əsas missiyasının İranda rejim dəyişikliyi olduğunu deyib. O, bunu sentyabrın 3-də Təl-Əvivdə keçirilən forumda dilə gətirib. "Rejim artıq sarsılır. O, heç vaxt olmadığı qədər zəifdir. Rejim öz mövcudluğunu qorumaq uğrunda mübarizə aparır", - Netanyahu qeyd edib. “Mən bu təhlükəni birdəfəlik aradan qaldırmaq, başqa sözlə, bu rejimi devirmək gücündə olduğumuza əminəm. Qarşıda bizi hələ də gözləyən əsas missiya məhz budur, amma bu məqsədə artıq yaxınıq. Bu, mümkünsüz deyil. Buna nail olmaq əlimizdədir", - o əlavə edib. Bu ilin fevralın sonunda İsrail ABŞ ilə birlikdə İrana havadan hücumlar həyata keçirməyə başlayıb. Apreldə tərəflər arasında atəşkəs əldə...

Davamını oxu