Dünya

Rubio: "Hörmüzdən gəmilərin keçməsinə təkcə biz kömək edirik, digər ölkələr də pul ayırmalıdı"

20 İyul, 2026

x.com/SecRubio

ABŞ dövlət katibi Marko Rubio deyib ki, Hörmüz boğazından gəmilərin keçməsinə təkcə ölkəsi kömək edir və digər ölkələr də bunun üçün maliyyə yardımı etməlidir.

ABŞ prezidenti Donald Tramp isə daha öncə sosial media hesabında yazıb ki, boğazdan təhlükəsiz keçidin təmin olunmasına görə digər ölkələr ABŞ-yə "20 faiz ödəniş" edəcəklər.

İyulun 19-da jurnalistlərdən biri Rubiodan Trampın paylaşımına münasibətini soruşub.

"Prezidentin demək istədiyi bu idi ki, ABŞ hər gecə qlobal dəniz daşımalarının təhlükəsizliyini təmin etmək yükünü öz üzərinə götürür. Bu gəmilərin demək olar ki, heç biri ABŞ bayrağı altında üzmür. Demək olar ki, heç biri də ABŞ-yə yük və ya yanacaq daşımır. Yəni biz əslində bütün dünya naminə bu gəmilərin təhlükəsizliyini təmin edirik və bununla bağlı real addım atan yeganə ölkə də bizik", - o, cavabında deyib.

"Müəyyən bir mərhələdə boğazlardan həyata keçirilən dəniz daşımalarından faydalanan ölkələr də irəli çıxmalı və heç olmasa bu çox dəyərli təhlükəsizlik xidmətinin göstərilməsinin xərclərinin qarşılanmasına maliyyə dəstəyi verməlidirlər", - dövlət katibi əlavə edib.

Rubio başqa suala cavab olaraq bildirib ki, İranla əldə olunan anlaşma memorandumu qüvvədən düşüb, lakin ölkəsi diplomatik həllə açıqdır.

İyunun 17-də ayrı-ayrılıqda ABŞ prezidenti Donald Tramp və İran prezidenti Məsud Pezeşkian tərəfindən münaqişəni bitirmək barədə anlaşma memorandumu imzalanıb.

14 bənddən ibarət olan razılaşmada tərəflər növbəti 60 gün ərzində yekun sülh sazişinin imzalanması üçün danışıqları davam etdirməklə bağlı öhdəlik götürüblər.

Buna baxmayaraq, iyulun 8-də atəşkəs yenidən pozulub. ABŞ ordusu İranı Hörmüz boğazını yenidən bağlamaqda ittiham edərək bu ölkəyə zərbələr endirib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Akif Qurbanovun son sözündən: “Bu sistemə tabe olmaq fikrimiz yoxdur”

Von der Leyenə məktub yazan jurnalist “kars”a salınıb, 20 gündür aclıq edir

Həyat yoldaşı: “Ələsgər Məmmədli məhkəmədə qəfil ürək sancısı keçirib, vəziyyəti pisləşib”

Pentaqon: "Son iki həftədə İranla münaqişədə 100-ə yaxın ABŞ hərbçisi xəsarət alıb"

Aktyordan Avropa rəsmilərinə müraciət: “İnsan hüquqları enerji maraqlarına qurban verilməməlidir”

“Toplum TV işi”: “İstəyirlər media, məhkəmə müstəqil olmasın”

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Dünya

Pentaqon: "Son iki həftədə İranla münaqişədə 100-ə yaxın ABŞ hərbçisi xəsarət alıb"

21 İyul 2026

war.gov

İyulun 7-dən bəri İranla münaqişə nəticəsində 100-ə yaxın ABŞ hərbçisi xəsarət alıb. Bu barədə ABŞ Müdafiə Nazirliyinin (Pentaqon) sözçüsü Şon Parnel CBS telekanalına açıqlamasında deyib. Onun sözlərinə görə, yaralıların əksəriyyəti artıq müalicə olunub və xidmətə qayıdıb. "Onlar yenidən döyüşə qayıtmaq əzmindədirlər. Xəsarətlərin böyük əksəriyyəti yüngül beyin silkələnməsi olub”, - sözçü deyib. Xəsarət alanların, əsasən, İordaniyadakı ABŞ hərbi bazalarında xidmət edən hərbçilər olduğu bildirilir. Ötən həftəsonu Pentaqon İordaniyadakı hərbi bazada iki ABŞ əsgərinin öldüyünü və daha birinin itkin düşdüyünü açıqlayıb. İraqda isə bir ABŞ hərbçisinin "İran dronundan qalan partlamamış sursatın zərərsizləşdirilməsi" zamanı öldüyü bildirilib. ABŞ prezidenti Donald Tramp iyulun 20-də “Truth...

Davamını oxu

Dünya

ABŞ və İran arasında qarşılıqlı zərbələr davam edir: Hər iki tərəfdə itkilər artır

17 İyul 2026

Centcom

ABŞ və İran arasında davam edən qarşıdurma fonunda tərəflər qarşılıqlı zərbələri davam etdirir. Son hücumlarda İranın cənubundakı hərbi obyektlərlə yanaşı, Körfəz regionunda yerləşən strateji infrastrukturun da hədəfə alındığı bildirilir. ABŞ Mərkəzi Komandanlığı (CENTCOM) iyulun 16-da İran ərazisində növbəti hava zərbələri endirdiyini açıqlayıb. Məlumata görə, hücumlar İranın cənubundakı hərbi obyektlərə, hava hücumundan müdafiə sistemlərinə, radar qurğularına və logistika infrastrukturuna yönəlib. Tehran isə cavab olaraq Yaxın Şərqdə yerləşən ABŞ hərbi obyektlərinə zərbələr endirdiyini bəyan edib. İran rəsmiləri Suriyadakı ABŞ mövqelərinin də hədəfə alındığını bildiriblər. İran İnqilab Keşikçiləri Korpusu (SEPAH) isə Bəhreyn, Küveyt və Oman istiqamətində raket hücumları həyata keçirdiyini iddia edib. Küveytin...

Davamını oxu