Dünya

Tramp: İran və İsrail atəşkəs barədə tam razılığa gəlib

24 İyun, 2025

449

Foto: AFP

ABŞ prezidenti Donald Tramp bəyan edib ki, İran və İsrail atəşkəs barədə razılığa gəlib.

Onun sözlərinə görə, altı saatdan sonra hərbi əməliyyatlar 12 saatlıq dayandırılacaq və bundan sonra “müharibə başa çatmış hesab olunacaq”.

Tramp bildirib ki, “24 saat ərzində dünya 12 günlük müharibənin rəsmi başa çatmasını alqışlayacaq”.

O əlavə edib ki, razılaşma hər iki tərəfin əvvəlcədən başlamış hərbi əməliyyatlarını başa çatdırmasından sonra qüvvəyə minəcək.

“Bu müharibə illərlə davam edə bilərdi və bütün Yaxın Şərqi məhv edə bilərdi, amma bu baş vermədi və heç vaxt da baş verməyəcək”, – deyə Tramp özünün “Truth Social” platformasında yazıb.

O həmçinin qeyd edib ki, İsrail və İran ona “demək olar ki, eyni anda” müraciət edərək sülh istədiklərini bildiriblər.

“Mən bilirdim ki, zaman yetişib. Sülh və Yaxın Şərq – əsl qaliblərdir!”, – deyə Tramp qeyd edib.

Trampın fikrincə, İsrail və İran “çox şey qazana bilər, amma doğru və haqq yoldan çıxarlarsa həm də çox şey itirə bilər”.

Bundan bir neçə saat sonra, İranın İsrailə raket zərbəsi endirməsi ilə bağlı xəbərlər yayıldıqda Tramp hər iki ölkəyə müraciət edib:

“Atəşkəs qüvvəyə minib. Xahiş edirəm, onu pozmayın!”.

“New York Times” xəbər verir ki, atəşkəs razılaşması Qətərin vasitəçiliyi ilə əldə olunub – məhz Qətər ABŞ-ın sülh təklifini İrana çatdırıb.

Digər tərəfdən, İranın xarici işlər naziri Abbas Əraqçi bildirib ki, hazırda atəşkəs və ya hərbi əməliyyatların dayandırılması ilə bağlı heç bir rəsmi razılaşma yoxdur. Lakin o, qeyd edib ki, İran ordusunun döyüş əməliyyatları yerli vaxtla səhər saat 4:00-da dayandırılıb.

İsrail Müdafiə Ordusunun nümayəndəsi isə 24 iyun səhəri atəşkəslə bağlı xəbərləri şərh etməkdən imtina edib.

24 iyun səhər saatlarında İran İsrailə atəş açmağa davam edib. Raketlərdən biri Bеer-Şeva şəhərində yeddi mərtəbəli yaşayış binasına düşüb.

Ölənlər var, xilasetmə işləri davam etdirilir

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: #

Şikayətlərinizi bizə göndərin: info@toplummedia.tv

Oxşar Xəbərlər

Azərbaycanda Repressiyaya Son Kampaniyası AŞPA-nı hərəkətə keçməyə çağırır

Futbol hakiminin ədalətsizliyinə etiraz edən Əliyev öz ölkəsində ədaləti niyə təmin etmir?

Məhkəmə Bəhruz Səmədovun psixoloji ekspertiza ilə bağlı vəsatətini rədd edib

Sülh danışıqları fonunda ticarət: Azərbaycan niyə Ermənistana yanacaq satır?

Qeyri-neft ixracının artımı: real genişlənmə, yoxsa qızıl və qiymət artımı effekti?

Həbsdə olan bloger: "Rəis dedi, elə etmə ki, növbəti öldürülən məhbus sən olasan"

Redaktorun Tövsiyələri

Ələsgər Məmmədli: “Bir gün hər kəs o çarxın dişləri arasında əziləcək”

Təhlükəsizlik, yoxsa təbii sərvətlər: Tramp Qrenlandiyanı almaqda niyə israr edir?

2025-ci ildə bank sektorunun yekunları: Əliyevlərə məxsus banklar ümumi mənfəətin yarısına sahibdir

4 erməni məhbus azad olundu: Digərlərini və “siyasi məhbus”ları nə gözləyir?

Xaçatryanın buraxılmasına ictimai reaksiya hakimiyyəti niyə narahat edib?

ABŞ-nin devirdiyi liderlər

Dünya

Tramp Əliyev, Paşinyan və Putini də Qəzza Sülh Şurasına dəvət edib

21 Yanvar 2026

Foto: Getty Images

ABŞ prezidenti Donald Tramp Azərbaycan prezidenti İlham Əliyev, Ermənistan baş naziri Nikol Paşinyan və Rusiya prezidenti Vladimir Putini də Qəzza üçün yaradılan Sülh Şurasına dəvət edib. Azərbaycan Xarici İşlər Nazirliyinin məlumatına görə, Azərbaycan tərəfi dəvəti qəbul edib. Paşinyanın mətbuat katibi Nazeli Bağdasaryan da deyib ki, baş nazir dəvəti qəbul edib və Ermənistanın "sülhün təşviqinə sadiqliyini təsdiqləyib". Putinin dəvət olunması xəbərini isə ilk olaraq onun mətbuat katibi Dmitri Peskov açıqlayıb. Tramp da yanvarın 19-da jurnalistlərə xəbəri təsdiqləyib. Peskov bildirib ki, Putin dəvəti nəzərdən keçirir. Sülh Şurası İsrailin iki il apardığı müharibədən sonra Qəzzanın idarəetməsinə nəzarət etmək üçün yaradılıb. Bu, Tramp administrasiyasının...

Davamını oxu

Dünya

"Reuters": Rusiyanın neft-qaz gəlirləri 2020-ci ildən bəri ən aşağı həddə düşəcək

20 Yanvar 2026

Foto: Reuters

Rusiyanın federal büdcəsinə neft və qaz satışından gələn gəlirlərin ötən ilin yanvar ayı ilə müqayisədə bu ay 46% azalacağı gözlənilir. Bunu yanvarın 19-da "Reuters"in hesablamaları göstərib. Gəlirlərin bu ay təxminən 420 milyard rubl (5,41 milyard ABŞ dolları) səviyyəsinə düşəcəyi ehtimal olunur ki, bu da COVID pandemiyasının qlobal yanacaq tələbatını iflic etdiyi 2020-ci ilin avqustundan bəri ən aşağı səviyyədir. Bu il federal büdcəyə neft və qaz satışlarından təxminən 9 trilyon rubl toplanması nəzərdə tutulur. 2026-cı ilin ümumi büdcə gəlirlərinin isə 40,283 trilyon rubl səviyyəsində olacağı proqnozlaşdırılır. Neft və qaz gəlirləri Kremlin Ukraynadakı müharibəsini maliyyələşdirməsində vacib rol oynayır. Rusiya iqtisadiyyatı 2022-ci ilin...

Davamını oxu