Dünya

Tramp: "İranda qızlar məktəbinə hücumda kimin günahkar olduğu bəlkə heç vaxt bilinməyəcək"

25 İyun, 2026

ABŞ prezidenti Donald Tramp iddia edib ki, İranla münaqişənin ilk günündə bu ölkədə qızlar məktəbinə endirilən və 100-dən çox azyaşlı qızın ölümünə səbəb olan zərbəyə görə "kimin məsuliyyət daşıdığı bəlkə də heç vaxt məlum olmayacaq".

Fevralın 28-də İranın Minab şəhərində baş tutmuş hücumda əksəriyyəti uşaqlar olmaqla azı 175 mülki şəxs həlak olub. Pentaqon hadisədən sonra məsuliyyəti öz üzərinə götürməmiş, lakin araşdırmaya başladığını açıqlamışdı.

İyunun 24-də jurnalistlərdən birinin hadisənin istintaqı barədə verdiyi suala cavabında Tramp deyib ki, bu haqda heç nə bilmir.

"Deyə bilmərəm ki, biz bunun kimin günahı olduğunu nə vaxtsa müəyyən edə biləcəyik, ya yox. Çünki həmin vaxt hər tərəfdə raketlər uçurdu və baş verənlər dəhşətli idi. Bəziləri bunun bizim raketimiz olduğunu dedi. Ola bilsin ki, bizim raketimiz deyildi. Amma mən bunun bizim raketimiz olduğuna inanmağıma səbəb olacaq heç bir dəlil görməmişəm. Məncə, bu, biz deyildik", - o bildirib.

Martda "Reuters" agentliyinə danışan ABŞ hərbi mənbələri deyib ki, zərbə köhnə məlumatlar əsasında endirilmiş ola bilər. Belə ki, həmin məktəbin yerində vaxtilə İran İslam İnqilabı Keşikçiləri Korpusunun (SEPAH) hərbi hissəsi olub.

Tramp həmin vaxt heç bir dəlil gətirmədən iddia etmişdi ki, məktəbə İran özü ABŞ-ni gözdən salmaqdan ötrü hücum etmiş ola bilər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Aİ Ombudsmanı Zelenski ilə qapalı yazışmalarına görə Avropa Komissiyasının sədrini araşdırır

"Amnesty International": 'Tofiq Yaqublunun dizində ağrılar var, o, dərhal azad olunmalıdır"

Milli Məclisdə yeni təklif: Polis şəxsi razılığı olmadan psixi müayinəyə apara bilər

İranlılara bəraət verən məhkəmə: "DSX müstəntiqi şahidlər adından ifadə yazıb"

Milli Məclisdə yeni təklif: Polis vətəndaşı razılığı olmadan psixi müayinəyə apara bilər

AŞPA Azərbaycan hökumətinə qarşı yeni qətnamə qəbul edib

Redaktorun Tövsiyələri

Dövlət borcunun görünməyən tərəfi: Təminat Fondunun resursları niyə tükənir?

300 milyardlıq fond, sanksiyaların ləğvi, aktivlərin qayıdışı: İran qalib sayıla bilər?

İcra hakimiyyəti: "Bayırşəhərdə binaların memarlıq abidələri siyahısından çıxarılması üçün tədbirlər görülür"

Azərbaycana turist axını azalır: Milyonlarla manatlıq təşviqat niyə nəticə vermir?

Akif Qurbanovla müsahibə: “‘Tək adam’ rejiminin sahibi Əliyevi daşı ətəyindən tökməyə səsləyirəm”

İcbari Tibbi Sığorta Fonduna ödənişlər niyə azalır?

Dünya

Aİ Ombudsmanı Zelenski ilə qapalı yazışmalarına görə Avropa Komissiyasının sədrini araşdırır

25 İyun 2026

Anadolu

Avropa İttifaqının Ombudsmanı Tereza Anyinyu Avropa Komissiyasının sədri Ursula fon der Leyenlə bağlı araşdırmaya başlayıb. "Berliner Zeitung" nəşrinin məlumatına görə, araşdırmaya səbəb Avropa Komissiyasının Ukrayna prezidenti Volodimir Zelenski və digər Avropa liderlərinin iştirak etdiyi qapalı çatdakı yazışmaları açıqlamaqdan imtina etməsi olub. Həmin çatda Almaniya kansleri Fridrix Merts, Fransa prezidenti Emmanuel Makron, İtaliyanın baş naziri Corca Meloni və Böyük Britaniyanın baş naziri Kir Starmer də yer alıblar. Bildirilir ki, ombudsmanın araşdırması yazışmaların məzmununu deyil, Avropa Komissiyasının həmin mesajları açıqlamaqdan imtina etməklə şəffaflıq qaydalarını pozub-pozmadığını müəyyənləşdirməyə yönəlib. Qapalı çatın mövcudluğu bu ilin yanvarında məlum olub. Bundan sonra Niderlandın "Follow the Money" araşdırmaçı...

Davamını oxu

Dünya

ABŞ Senatı Trampın hərbi səlahiyyətlərini məhdudlaşdıran qətnamə qəbul edib

24 İyun 2026

ua.depositphotos.com

ABŞ Senatı iyunun 23-də prezidentin hərbi səlahiyyətlərini məhdudlaşdıran qətnamə layihəsini qəbul edib. Sənəd prezident Donald Trampın İrana qarşı hərbi əməliyyatlar aparmaq imkanlarını məhdudlaşdırmağı nəzərdə tutur. Bundan əvvəl analoji qətnamə Nümayəndələr Palatasında da təsdiqlənmişdi. Senatda sənədin lehinə 50 qanunverici səs verib. Onların arasında dörd respublikaçı senator da olub. Qətnamənin əleyhinə isə 48 senator çıxış edib. Bu, ABŞ Konqresinin hər iki palatası tərəfindən qəbul edilən ilk belə hərbi səlahiyyət qətnaməsidir. Sənədə əsasən, administrasiyadan Konqresin razılığı olmadan İrana qarşı hərbi əməliyyatlarda ABŞ silahlı qüvvələrindən istifadə etməmək və bu cür əməliyyatları yenidən başlatmamaq tələb olunur. Bununla belə, qətnamə qanunvericilik proseduruna uyğun olaraq prezidentin imzasına...

Davamını oxu