Dünya

Yaponiya Rusiyaya qarşı yeni sanksiyalar tətbiq edib

2 oktyabr, 2026
126

sosial media

Yaponiya hakimiyyəti Rusiyaya qarşı növbəti sanksiyalar paketini tətbiq edib.
Tokionun sanksiya siyahısına Rusiyadan 33 şirkət və 9 fiziki şəxs, həmçinin Türkiyə və BƏƏ-dən 4 şirkət daxil edilib.
Yaponiya eyni zamanda Rusiya ilə əlaqəli olduğunu bildirdiyi 35 gəmiyə qarşı da məhdudlaşdırıcı tədbirlər tətbiq edib.

Sanksiyalara VNIIR-Progress şirkətinin baş direktoru Vladislav Kostin və “Rostex” şirkəti rəhbərinin müavini Dmitri Lelikov da daxil edilib.

Yaponiya Rusiyaya qarşı sonuncu sanksiyaları 12 sentyabr 2025-ci ildə, keçmiş baş nazir Şiqeru İşibanın hökuməti dövründə tətbiq etmişdi. Hazırkı baş nazir Sanae Takaçinin rəhbərlik etdiyi hökumət dövründə isə Rusiyaya qarşı yeni sanksiyalar qəbul edilməmişdi.

Bundan bir müddət əvvəl Böyük Britaniya da Rusiyaya qarşı 31 yeni sanksiyadan ibarət paket elan etmişdi. Sanksiyalar Rusiyanın mayeləşdirilmiş təbii qaz (LNG) daşıyan “kölgə donanması”na aid gəmiləri, Kremlə bağlı dezinformasiya şəbəkələrini, eləcə də bir sıra fiziki və hüquqi şəxsləri əhatə edib.
Britaniya hökuməti paketin qış ərəfəsində Rusiyaya iqtisadi təzyiqi artırmaq məqsədi daşıdığını bildirib.

Bu ilin iyulunda Avropa İttifaqı da Rusiyada dörd fiziki və beş hüquqi şəxsə qarşı sanksiyalar tətbiq edib. Sanksiya siyahısına Rusiyanın “VK Company” (“VKontakte”) şirkəti və onun törəmə müəssisəsi olan “Communication Platform” daxil edilib.

Aİ bu şirkətlərin Federal Təhlükəsizlik Xidmətinin (FSB) nəzarəti altında fəaliyyət göstərdiyini və “Max App” mobil tətbiqini hazırlayıb idarə etdiyini bildirib.

İnternet və mobil rabitənin izlənilməsi üçün istifadə olunan SORM nəzarət sistemi ilə bağlı avadanlıq və proqram təminatı hazırlayan “Citadel”, “VAS Experts” və “Norsi-Trans” şirkətlərinə də sanksiya tətbiq olunub. Həmin şirkətlərdə rəhbər vəzifə tutan dörd şəxs də siyahıya salınıb.
Bununla Aİ-nin qlobal insan hüquqları sanksiyaları rejimi çərçivəsində siyahıya daxil edilən fiziki şəxslərin sayı 98-ə, hüquqi şəxslərin sayı isə 7-yə çatıb.

Sanksiyalar aktivlərin dondurulmasını, Aİ vətəndaşları və şirkətlərinin həmin şəxslərə və qurumlara maliyyə vəsaiti ayırmasının qadağan olunmasını, həmçinin Aİ ərazisinə giriş və tranzit məhdudiyyətlərini nəzərdə tutur.


Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Dünya

Rubinyan: “Ermənistan Konstitusiya ilə bağlı Azərbaycanın yanaşmasını qəbul etmir”

17 noyabr 2026

sosial media

Ermənistan sülh sazişinin imzalanmasını yeni Konstitusiyanın qəbulu ilə şərtləndirən Azərbaycanın yanaşmasını qəbul etmir. “Armenpress”in məlumatına görə, bunu Ermənistan parlamentinin sədri Ruben Rubinyan noyabrın 17-də jurnalistlərə açıqlamasında deyib. O, konstitusiya dəyişiklikləri ilə Ermənistan-Azərbaycan münasibətlərinin normallaşdırılması arasındakı əlaqədən danışıb. “Biz bu yanaşmanı qəbul etmirik. Hesab edirik ki, sülh sazişinin imzalanmasına heç bir maneə yoxdur və biz sülh sazişini elə bu gün imzalamağa hazırıq”, - Rubinyan deyib. Onun sözlərinə görə, yeni Konstitusiyanın qəbul olunması təşəbbüsü Ermənistanın daxili gündəliyindən irəli gəlir. Bununla yanaşı, o, sənədin qəbulunun xarici siyasət baxımından nəticələr doğura biləcəyini istisna etməyib. Rubinyan müxalifətin Konstitusiya dəyişikliklərindən sonra Azərbaycanın sülh sazişini imzalayıb-imzalamayacağı və...
Dünya

İran Xameneinin öldürülməsinə görə 159 ABŞ və İsrail vətəndaşını ittiham edir

17 noyabr 2026

sosial media

İranın keçmiş ali rəhbəri Əli Xameneinin və ailə üzvlərinin öldürülməsi ilə bağlı cinayət işi üzrə 159 nəfər barəsində ittiham aktı hazırlanıb. Onlardan 92-si ABŞ, 67-si isə İsrail vətəndaşıdır. İranın “Tasnim” agentliyinin məlumatına görə, bunu ölkənin Məhkəmə-Hüquq Sisteminin sözçüsü Seyid Əli Kazemi açıqlayıb. Kazemi bildirib ki, prokurorluq mərhələsində aparılan araşdırmalar və hüquqi prosedurlar başa çatdıqdan sonra təqsirləndirilən şəxslər barəsində ittiham aktı tərtib olunaraq iş baxılması üçün İslam İnqilabı Məhkəməsinə göndərilib. Onun sözlərinə görə, məhkəmə araşdırması təkcə Əli Xameneinin deyil, ailə üzvlərinin öldürülməsi ilə bağlı epizodları da əhatə edir. Sözçü qeyd edib ki, iş çərçivəsində Xameneinin gəlini Zəhra Həddad Adilin, qızı Seyid...

Seçilmiş Videolar

Toplum TV loqo