İqtisadiyyat

Azərbaycanın Avropaya qaz ixracı vədləri pessimist hasilat proqnozları ilə toqquşur

5 Noyabr, 2025

309

Foto: president.az

Azərbaycan hökuməti Avropanın enerji təchizatında rolunu davamlı olaraq qabartsa da, qarşıdakı dörd il üçün (2030-cu ilədək) açıqladığı hasilat proqnozları o qədər də optimist deyil.

Belə ki, açıqlanan 2026–2029-cu illəri əhatə edən sosial-iqtisadi inkişaf proqnozlarına əsasən, həmin dövrdə ölkənin əmtəəlik (satış üçün nəzərdə tutulan) təbii qaz hasilatının həcminin azalacağı gözlənilir.

2026-cı il üçün əmtəəlik qaz hasilatı üzrə proqnoz 38 milyard kubmetr səviyyəsində göstərilib ki, bu da 2025-ci il üçün gözlənilən göstəriciyə yaxındır.

Bu ilin doqquz ayı ərzində əmtəəlik qaz hasilatı 29 milyard kubmetr təşkil edib və ilin sonunda yekun həcmin 38,5 milyard kubmetr olacağı gözlənilir.

Hökumətin proqnozlarına əsasən, sonrakı illərdə hasilatın həcmi azalma tendensiyasını davam etdirəcək.

Sənədə görə, 2027-ci ildə əmtəəlik qaz hasilatı əvvəlki ilə nisbətən 1,3 milyard kubmetr azalaraq 36,7 milyard kubmetrə enəcək.

2028-ci ildə isə azalma daha da sürətlənəcək və hasilat 34,5 milyard kubmetrə düşəcək. Bu, 2025-ci ilin göstəricisindən 4 milyard kubmetr və ya təxminən 11 faiz azdır.

Təbii qazla yanaşı, xam neft hasilatında da azalma proqnozlaşdırılır.

Xam neft hasilatının proqnozu 2026-cı il üçün 27,6 milyon ton səviyyəsində müəyyən edilib. 2028-ci il üçün bu göstəricinin 26,6 milyon tonadək enəcəyi bildirilir ki, bu da 2025-ci il üçün gözlənilən həcmdən 1 milyon ton azdır.

Hasilatla yanaşı, hökumət enerji daşıyıcılarının qiymətlərində də enmə gözləyir. Belə ki, təbii qazın 2026-cı il üçün proqnozlaşdırılan orta illik qiyməti (2024-cü illə müqayisədə) 35 dollar, xam neftin qiyməti isə 18 dollar aşağı göstərilib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Heyvan bazarları onlayn satışa keçir: Nəticəsi nə olacaq?

Naxçıvanda çörək sexlərindən şikayət: "Çəkini azaldıb alıcını aldadırlar"

Tramp xaricdən gətirilən dronlara 100 faizə qədər rüsum tətbiq edib

Həyat yoldaşı: "Ələsgər Məmmədli iki gündür qida qəbul edə bilmir, boğulma halları davam edir"

Paşinyan: “Tezliklə Azərbaycana məhsul ixrac etməyə başlayacağıq"

İlham Əliyev: “Azərbaycan Ermənistana elektrik enerjisi ixrac edə bilər”

Redaktorun Tövsiyələri

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

İqtisadiyyat

Heyvan bazarları onlayn satışa keçir: Nəticəsi nə olacaq?

14 Avqust 2026

president.az

Azərbaycanda heyvan bazarlarının tədricən bağlanaraq onlayn satışla əvəz olunması planlaşdırılır. Bu barədə bu yaxınlarda Azərbaycan Qida Təhlükəsizliyi Agentliyinin (AQTA) sədri Qoşqar Təhməzli mətbuata müsahibəsində deyib. O, əsas kimi qurum tərəfindən aparılan yoxlamalar zamanı 28 bazarın mövcud standartlara cavab vermədiyini göstərib. “Standartlara uyğunlaşdırıldıqdan sonra 14 heyvan bazarının fəaliyyətinə yenidən icazə verildi. Digər bazarların bir hissəsində hazırda yenidənqurma işləri aparılır, bir hissəsinin isə müasir tələblərə cavab verməsi mümkün olmadığından həmin məkanlarda gələcəkdə fəaliyyətin davam etdirilməsi məqsədəuyğun hesab edilmir. Gələcəkdə identifikasiya prosesi və ikinci dövlət proqramı tam başa çatdıqdan sonra fiziki heyvan bazarlarından heyvan satış birjalarına keçid təmin olunacaq”, - o qeyd edib. ...

Davamını oxu

İqtisadiyyat

DSK: “Azərbaycanlılar xərclərinin təxminən 54 faizini ərzaq, içki və tütünə sərf edib”

13 Avqust 2026

açıq mənbə

Azərbaycan vətəndaşlarının istehlak xərclərinin təxminən 54,3 faizi ərzaq məhsulları, içkilər və tütün məmulatlarının, 45,7 faizi isə qeyri-ərzaq mallarının payına düşüb. Dövlət Statistika Komitəsinin (DSK) avqustun 13-də yaydığı məlumata görə, 2026-cı ilin yanvar-iyul aylarında pərakəndə ticarət şəbəkəsində istehlakçılara ümumilikdə 38 milyard 358,5 milyon manatlıq mal satılıb. Bunun 20 milyard 843,9 milyon manatı ərzaq məhsulları, içkilər və tütün məmulatlarının, 17 milyard 514,6 milyon manatı isə qeyri-ərzaq mallarının payına düşüb. 2025-ci ilin eyni dövrü ilə müqayisədə pərakəndə ticarət dövriyyəsi real ifadədə 3,8 faiz artıb. Bu artım ərzaq məhsulları, içkilər və tütün məmulatları üzrə 1,4 faiz, qeyri-ərzaq malları üzrə isə 6,6 faiz təşkil edib....

Davamını oxu