Manşet

Həbsdə olan bloger: "Rəis dedi, elə etmə ki, növbəti öldürülən məhbus sən olasan"

22 Yanvar, 2026

256

Foto: sosial media

Həbsdə olan bloger Rəşad Ramazanov saxlanıldığı 11 saylı Cəzaçəkmə Müəssisəsində işgəncəyə məruz qaldığını və ağrılardan əziyyət çəkdiyini bildirib.

O, bunu "Qəzetçi"yə ünvanladığı məktubda qeyd edib.

R.Ramazanov iddia edib ki, cəzaçəkmə müəssisəsinin rəisi Şakir Qəniyev tərəfindən "qəddarcasına döyülüb".

“Şiddətli ağrılarım var. O dərəcədə ağrıyıram ki, zarıyıram və yanımda yatan məhkumlar səsimdən narahat olurlar. Rəis isə mənə deyir ki, 'Qənimət Zahidə verdiyin müsahibədə 3 nəfər məhkumun öldürüldüyünü demisən, elə etmə ki, dördüncüsü sən olasan'", - o, məktubunda yazıb.

O əlavə edib ki, Ş.Qəniyev tək siyasi məhbus kimi tanınan şəxslərə qarşı yox, digər məhbuslara qarşı da "ləyaqəti alçaldan hərəkətlərə yol verir".

"Ədliyyə naziri Fərid Əhmədov dəfələrlə bəyan edib ki, məhkumları təhqir etmək, onlara işgəncə vermək cinayət tərkibi yaradan əməldir və belə əməl törədən şəxslər kimliyindən asılı olmayaraq cəzalandırılacaq. Yalnız Şakir Qəniyevin hələ də işinin başında olması Fərid Əhmədovun yalançı olduğunu sübut edir”, - R.Ramazanov bildirib.

R.Ramazanov 2022-ci il mayın 20-də saxlanılıb və Cinayət Məcəlləsinin 234.4.3-cü (külli miqdarda narkotik maddənin qanunsuz dövriyyəsi) maddəsi ilə ittiham olunub. O, ittihamları rədd edib. Hüquq müdafiəçiləri onu siyasi məhbus kimi tanıyıblar.

2024-cü ilin fevralında məhkəmə onu 5 il 4 ay müddətinə azadlıqdan məhrum edib.

Bloger 2013-cü ilin mayında da həbs olunmuşdu və külli miqdarda narkotik maddənin qanunsuz dövriyyəsi ittihamı ilə 9 il azadlıqdan məhrum edilmişdi. O, 2019-cu ildə prezidentin əfv sərəncamı ilə azadlığa çıxmışdı.

Cəzaçəkmə müəssisəsinin rəhbərliyinin və Penitensiar Xidmətin mövqeyini dərc etməyə hazırıq.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

ABŞ Konqresinin komitəsi Azərbaycanı erməni məhbusları azad etməyə çağırıb

Məhkəmə yağışda evlərini su basan sakinlərin lehinə qərar verib

Aİ Rusiyaya qarşı 21-ci sanksiyalar paketini qəbul etdi

Prokuror Anar Məmmədliyə 14, Anar Abdullaya 13 il həbs cəzası istəyib

Ərdoğan idman lasini geyinən valini vəzifəsindən azad edib

Valideyn: “Məktəbdəki yoxlamadan sonra qızım intihara cəhd edib”

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Manşet

"Baksol yolu işi"ndə tikinti rəisi: "Təmir üçün material 1 ay gec ayrılıb"

17 Fevral 2026

Foto: Azərbaycan Avtomobil Yolları Dövlət Agentliyi

Ötən ilin iyununda paytaxtın "Baksol yolu" adlanan ərazisində 27 yaşlı gəncin ölümü ilə nəticələnən yol çöküntüsündə təqsirləndirilən, Bakı Su Kanal İdarəsinin sahə rəisi Azər Cümşüdovun işi üzrə növbəti məhkəmə prosesi keçirilib. APA-nın xəbərinə görə, fevralın 17-də Nərimanov Rayon Məhkəməsində hakim Gültəkin Əsədovanın sədrliyi ilə keçirilən prosesdə Bakı Şəhər Su Kanal İdarəsinin ərazi üzrə təmir-tikinti şöbəsinin rəisi Yaşar Əhmədov şahid qismində dindirilib. Y.Əhmədov ibtidai istintaqa verdiyi ifadəni təkzib edib: "Dediklərimin tam əksi yazılıb. Mən onu oxumadan imzalamışam, təsdiqləmirəm." Bu zaman dövlət ittihamçısı şahidə irad bildirib: "Ali təhsilli adamsan, niyə oxumadan imzalamısan?". Şahid isə 3 saat gözləyib yorulduğu üçün ifadəni imzaladığını deyib. ...

Davamını oxu

Manşet

Şahin Şıxlinski qətl və sui-qəsd cəhdinin təşkilində günahkar sayılıb

12 Fevral 2026

Foto: açıq mənbə

Uraldakı Azərbaycan diasporunun keçmiş rəhbəri Şahin Şıxlinski Rusiyada qətl və sui-qəsd cəhdinin təşkilində günahkar bilinib. Yerli mətbuatın yazdığına görə, bu barədə Yekaterinburqun Kirovski rayon Məhkəməsinin andlılar kollegiyası qərar çıxarıb. Andlılar Məhkəməsinin kollegiyası Şahin Şıxlinskini, Ayaz, Bakir, Kamal, Məzahir Səfərovları və Şücayəddin Rəcəbovu Yekaterinburqda qətl və sui-qəsd cəhdinin təşkilində günahkar bilib. İstintaq onların 2001-ci ildə iş adamı Yunus Paşayevin qətlində və 2010-cu ildə iş adamı Fehruz Şirinova qarşı sui-qəsd cəhdində iştirak etdiklərini hesab edir. Andlılar məhkəməsinin iclası prokurorluğun tələbi ilə məhkəmə prosesi qapalı keçirilib. Hakimin andlılar kollegiyasının qərarına əsasən hökm çıxaracağı gözlənilir. Andlılar məhkəməsinin kollegiyasının çıxardığı qərara əsasən, Şahin Şıxlinski 2010-cu ildə Fehruz...

Davamını oxu