Manşet

Madonna Roma Papasından Qəzzaya getməsini istəyir

12 Avqust, 2025

166

Foto: açıq mənbə

Amerikalı müğənni Madonna Roma Papası Leodan Qəzza zolağına səfər etməsini istəyib.

Avqustun 11-də “Instagram” səhifəsində müraciət edən müğənni, papadan aclıqla mübarizə aparan uşaqlara kömək etməsini istəyib.

“Ən Müqəddəs Ata, xahiş edirəm Qəzzaya gedin və işığınızı uşaqlara gətirin, gec olmadan. Bir ana kimi onların əzabına baxmağa dözə bilmirəm. Dünyanın uşaqları hamımıza məxsusdur. Siz bizim aramızda yeganə insansınız ki, sizə giriş qadağan oluna bilməz”, - o qeyd edib.

Madonna oğlu Rokkonun doğum günündə paylaşdığı postda əlavə edib ki, ona verə biləcəyi ən yaxşı hədiyyə “hər kəsdən atəşin ortasında qalan günahsız uşaqları xilas etmək üçün bacardıqlarını etməyi xahiş etməkdir”.

Madonna siyasi olaraq tərəf tutmadığını, israilli əsirlər də daxil olmaqla hər kəs üçün dua etdiyini qeyd edib.

Ümumdünya Səhiyyə Təşkilatının baş direktoru Tedros Adhanom Qebreyesus Madonnanın paylaşımına cavab olaraq ona “Qəzza böhranından təsirlənən hər kəsə, xüsusən də uşaqlara, qayğı göstərmək üçün göstərdiyi mərhəmətinə, həmrəyliyinə və sədaqətinə” görə təşəkkür edib.

May ayında vəzifəyə başlayandan bəri Papa Leo İsrailin Qəzzadakı müharibəsini sərt şəkildə tənqid edir və bombardman altında qalan fələstinli mülki əhalinin taleyi ilə bağlı narahatlığını daim ifadə edir.

“Mülki əhalinin şiddətli aclıqdan əziyyət çəkdiyi və zorakılıqla ölüm təhlükəsi altında qaldığı Qəzzadakı ağır humanitar vəziyyəti böyük narahatlıqla izləyirəm”, - o, iyulda atəşkəs çağırışı edərək deyib.

Qəzzanın səhiyyə rəsmiləri bildirir ki, 2023-cü ilin oktyabrında İsrail Qəzzanı bombalamağa başlayandan bəri 60 mindən çox insan ölüb və onların 18 mindən çoxu azyaşlılardır.

Bundan başqa, müharibə başlayandan 101-i uşaq olmaqla ən az 222 nəfər aclıqdan ölüb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Milli Onkologiya Mərkəzi 35 milyon manatlıq tender keçirib

Lavrovla görüşdən sonra Bayramov: “Bakı və Moskva ikitərəfli münasibətləri normallaşdırıb”

ABŞ və İran arasında qarşılıqlı zərbələr davam edir: Hər iki tərəfdə itkilər artır

Qadın məhbuslar üçün aclıq edən inanclı fəallar "kars"a salınıb

Samirə Qasımlı: “Mənə qarşı irəli sürülən ittiham siyasi sifarişlidir”

Vens: “İsraildə bizi İranla danışıqlardan çəkindirmək istəyənlər var”

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Manşet

"Baksol yolu işi"ndə tikinti rəisi: "Təmir üçün material 1 ay gec ayrılıb"

17 Fevral 2026

Foto: Azərbaycan Avtomobil Yolları Dövlət Agentliyi

Ötən ilin iyununda paytaxtın "Baksol yolu" adlanan ərazisində 27 yaşlı gəncin ölümü ilə nəticələnən yol çöküntüsündə təqsirləndirilən, Bakı Su Kanal İdarəsinin sahə rəisi Azər Cümşüdovun işi üzrə növbəti məhkəmə prosesi keçirilib. APA-nın xəbərinə görə, fevralın 17-də Nərimanov Rayon Məhkəməsində hakim Gültəkin Əsədovanın sədrliyi ilə keçirilən prosesdə Bakı Şəhər Su Kanal İdarəsinin ərazi üzrə təmir-tikinti şöbəsinin rəisi Yaşar Əhmədov şahid qismində dindirilib. Y.Əhmədov ibtidai istintaqa verdiyi ifadəni təkzib edib: "Dediklərimin tam əksi yazılıb. Mən onu oxumadan imzalamışam, təsdiqləmirəm." Bu zaman dövlət ittihamçısı şahidə irad bildirib: "Ali təhsilli adamsan, niyə oxumadan imzalamısan?". Şahid isə 3 saat gözləyib yorulduğu üçün ifadəni imzaladığını deyib. ...

Davamını oxu

Manşet

Şahin Şıxlinski qətl və sui-qəsd cəhdinin təşkilində günahkar sayılıb

12 Fevral 2026

Foto: açıq mənbə

Uraldakı Azərbaycan diasporunun keçmiş rəhbəri Şahin Şıxlinski Rusiyada qətl və sui-qəsd cəhdinin təşkilində günahkar bilinib. Yerli mətbuatın yazdığına görə, bu barədə Yekaterinburqun Kirovski rayon Məhkəməsinin andlılar kollegiyası qərar çıxarıb. Andlılar Məhkəməsinin kollegiyası Şahin Şıxlinskini, Ayaz, Bakir, Kamal, Məzahir Səfərovları və Şücayəddin Rəcəbovu Yekaterinburqda qətl və sui-qəsd cəhdinin təşkilində günahkar bilib. İstintaq onların 2001-ci ildə iş adamı Yunus Paşayevin qətlində və 2010-cu ildə iş adamı Fehruz Şirinova qarşı sui-qəsd cəhdində iştirak etdiklərini hesab edir. Andlılar məhkəməsinin iclası prokurorluğun tələbi ilə məhkəmə prosesi qapalı keçirilib. Hakimin andlılar kollegiyasının qərarına əsasən hökm çıxaracağı gözlənilir. Andlılar məhkəməsinin kollegiyasının çıxardığı qərara əsasən, Şahin Şıxlinski 2010-cu ildə Fehruz...

Davamını oxu