Manşet

Sevinc Osmanqızı Baş Prokurorluğa çağırılıb

14 Noyabr, 2025

Foto: açıq mənbə

ABŞ-də yaşayan jurnalist Sevinc Osmanqızı (Mirzəyeva) Azərbaycan Baş Prokurorluğuna çağırılıb.

Baş Prokurorluğun bu barədə müraciəti noyabrın 13-də İTV-də yayımlanıb.

Müraciətdə bildirilir ki, Sevinc Osmanqızı noyabrın 20-si saat 16:00-da Baş Prokurorluğun İstintaq Baş İdarəsinin inzibati binasına gəlməlidir.

Baş Prokurorluğun məlumatına görə, S. Osmanqızı Cinayət Məcəlləsinin 281.2-ci maddəsi (dövlət əleyhinə yönələn açıq çağırışlar) ilə təqsirləndirilir. Qurumun açıqlamasında qeyd olunur: “O, istintaq orqanından qaçaraq Azərbaycanın hüdudlarından kənarda gizləndiyi üçün barəsində ittiham elan edilməsi ilə bağlı həmin tarixdə axtarış elan edilib. Bakı şəhəri Binəqədi Rayon Məhkəməsinin 2025-ci il 23 fevral tarixli qərarı ilə barəsində qiyabi həbs qətimkan tədbiri seçilib”.

Sentyabrın 18-də isə jurnalistə Cinayət Məcəlləsinin 220.2-ci maddəsi ilə (kütləvi iğtişaşlara, habelə vətəndaşlara qarşı zorakılıq etməyə çağırışlar) də ittiham irəli sürülüb.

Baş Prokurorluq iddia edir ki, S. Osmanqızı öz “YouTube” kanalında 2019 və 2020-ci illərdəki çıxışlarında Azərbaycanda “insanların iradəsinə təsir edərək hakimiyyətin qanunsuz və zor tətbiqi yolu ilə ələ keçirilməsinə” təşviq edib.

Eyni iş üzrə xaricdə yaşayan ictimai fəal Abid Qafarov da istintaqa çağırılıb. Baş Prokurorluğun məlumatına görə, o, noyabrın 20-si saat 12:00-da İstintaq Baş İdarəsinə gəlməlidir. A. Qafarov da S. Osmanqızının verilişində çıxışlarına görə eyni maddələrlə təqsirləndirilir.

Bundan başqa, Baş Prokurorluq eyni müraciətdə xaricdə yaşayan Beydulla Manafovun da istintaqa çağırıldığını açıqlayıb. O, Cinayət Məcəlləsinin 281.2-ci maddəsi ilə yanaşı, 283.1-ci maddə (milli, irqi, sosial və ya dini nifrət və düşmənçilik salınması) ilə də ittiham olunur.

Baş Prokurorluq bundan əvvəl də xaricdə fəaliyyət göstərən bir sıra blogerləri oxşar ittihamlarla istintaqa çağırıb və onların barəsində qiyabi həbs qərarları verib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Qırğız şirkəti Azərbaycanı yarımçıq ödənişə görə məhkəməyə verib

"Avroviziya" qalibi İsrailə etiraz olaraq mükafatı qaytarır

İranda Nobel mükafatçısı Nərgiz Məhəmmədinin saxlanıldığı bildirilir

MBH: "Bir aydan çox aclıq edən inanclı fəal huşunu itirib, digəri 'kars'a salınıb"

AXCP İmişli şöbəsinin fəalı saxlanılıb, evində axtarış aparılıb

"Meydan TV işi": Jurnalist kağız israfına görə müstəntiqə cinayət işi açılmasını istəyib

Redaktorun Tövsiyələri

Sovet simvolları ilə yürüş cəhdi cinayət məsuliyyəti yaradırmı?

“Tribunat“: Ev dustaqlığına buraxılan rusiyalı redaktorun Azərbaycanı tərk etməsi qanunsuzdur

“Rəhbər yaxşıdır, ətrafı pisdir” formulu: hakimiyyətin köhnə strategiyası yenidən işə düşür?

Ərdoğanın İmamoğlunu “dəfn etmək” cəhdi

AXCP sədrinin həbsdə olan mühafizəçisinə 7 ay geyim məhdudiyyəti qoyulması qanunidirmi?

SOCAR 12 il əvvəlkindən az vergi ödəyəcək, şirkət üçün postneft erası artıq başlayıb?

Manşet

MBH: "Bir aydan çox aclıq edən inanclı fəal huşunu itirib, digəri 'kars'a salınıb"

12 Dekabr 2025

İllustrasiya: Toplum TV

Həbsdə olan inanclı fəal, noyabrın 9-dan azadlığa buraxılması üçün aclıq edən Nigar Bağırovanın səhhətinin daha da pisləşdiyi bildirilir. Bu barədə Müsəlman Birliyi Hərəkatı bəyanat yayıb. Bəyanatda deyilir ki, N.Bağırova təcridxanada huşunu itirib və başı yerə dəyərək zədələnib. "Hadisədən sonra həbsxana əməkdaşları Şərqiyə Sadıqova və Aytən İbrahimovanın kamerasının qapısını açaraq onlara belə deyiblər: “Gəlin, Nigarı sürüyüb çıxarın.” Bu ifadə həm insani, həm də hüquqi baxımdan ciddi narahatlıq doğurur. Məsələyə dair şikayətlər cavabsız qalır", - deyə qeyd olunub. MBH-nin məlumatına əsasən, N.Bağırova aclıq aksiyasını davam etdirdiyi üçün həbsxana rəhbərliyinin təzyiq və hədə-qorxuları ilə üzləşir. MBH digər inanclı fəal Tərlan Sayadovun isə saxlanıldığı...

Davamını oxu

Manşet

AXCP İmişli şöbəsinin fəalı saxlanılıb, evində axtarış aparılıb

12 Dekabr 2025

Foto: açıq mənbə

Azərbaycan Xalq Cəbhəsi Partiyasının (AXCP) İmişli rayon şöbəsinin fəalı Vüqar Qədirlinin saxlanıldığı bildirilir. Bu barədə "Azadlıq Qəzeti” məlumat yayıb. Xəbərdə bildirilir ki, V.Qədirli dekabrın 12-i səhər saatlarında saxlanılıb və İmişli rayonunda işlədiyi kafedə və sonra evində polis və mülki geyimlilər tərəfindən axtarış aparılıb. Onun hazırda harada və hansı ittihamlarla saxlandığı məlum deyil. Hazırda AXCP-nin sədri Əli Kərimli də daxil olmaqla 18 üzvü həbsdədir. Dekabrın 1-də Əli Kərimli barəsində 2 ay 15 gün müddətinə həbs qətimkan tədbiri seçilib. Ona qarşı Cinayət Məcəlləsinin 278.1-ci (hakimiyyəti zorla ələ keçirməyə, dövlətin konstitusiya quruluşunu zorla dəyişdirməyə yönələn hərəkətlər) maddəsi ilə ittiham irəli sürülüb. Eyni gündə...

Davamını oxu