Məhkəmə

Avropa Məhkəməsi Gəncədə sökülmüş əmlaka görə 75 min avrodan çox təzminat təyin edib

8 İyul, 2026

316

Council of Europe

Avropa İnsan Hüquqları Məhkəməsi (AİHM) Gəncədə sökülmüş əmlaka görə 75 min avrodan çox təzminat təyin edib.

“Azadlıq Radiosu”nun xəbərinə görə, Gəncə şəhəri, Kəpəz rayonu ərazisində yerləşən, Verdiyevlər ailəsinə məxsus əmlak 2013-cü ildə Kəpəz Rayon İcra Hakimiyyətinin qərarı ilə sökülüb.

Verdiyevlər icra hakimiyyəti və yerli polis şöbəsinə qarşı məhkəmə iddiası qaldıraraq ümumilikdə 770 min manat təzminat tələb ediblər. Lakin yerli məhkəmə mülkiyyətçilərin yetərincə sübut ortaya qoymadığını əsas gətirərək iddianı təmin etməyib.

Gəncə Apellyasiya Məhkəməsi də qərarı qüvvədə saxladıqda, ərizəçilər Ali Məhkəməyə üz tutublar. Ali Məhkəmə işi yenidən baxılması üçün geri qaytardıqda, apellyasiya məhkəməsi bu dəfə ekspert rəyi əsasında icra hakimiyyətinin şikayətçilərə 50 min manat təzminat ödəməsi barədə qərar çıxarıb.

Verdiyevlər qərarla razılaşmayaraq yenidən Ali Məhkəməyə müraciət ediblər. Ali Məhkəmə isə yalnız mənəvi zərərə görə 2 min manat təzminat əlavə edib.

Şikayətçilər AİHM-ə ərizələrində əmlaklarından qanunsuz məhrum edildiklərini və ədalətli təzminat təyin olunmadığını bildiriblər. Onlar, həmçinin, əmlakın yerləşdiyi torpaq sahəsindən də istifadə edə bilmədiklərini qeyd ediblər.

AİHM Verdiyevlərin əmlakının qanunsuz söküldüyü və onlara ədalətli təzminat təyin olunmadığı qənaətinə gəlib.

"Yerli məhkəmələr maddi zərərə görə təzminat təyin edərkən yalnız bir səhifədən ibarət ekspert rəyinə əsaslanıblar. Həmin rəydə isə yalnız Dövlət Reyestrinə istinad edilib. Ancaq istifadə olunan qiymətləndirmə metodologiyası barədə heç bir izahat verilməyib", - qərarda deyilir.

Avropa Məhkəməsi yekunda Verdiyevlər üçün maddi zərərə görə 71,750 avro, mənəvi zərərə görə isə 3,700 avro təzminat təyin edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

İran XİN: “Azərbaycan xalqının hicab məsələsində məsləhətə ehtiyacı yoxdur”

Vəkil: “Həbsdə saxlanılan bir sıra şəxsin təcili tibbi yardıma ehtiyacı var”

Azərbaycan Türkiyənin 31 vətəndaşını “arzuolunmaz şəxslər” siyahısına daxil edib

Aİ səfiri: “Azərbaycan Avropa İttifaqının mühüm enerji təchizatçılarından biridir”

MBH-nin həbsdə olan üzvünün həyat yoldaşı hicabla bağlı paylaşımlarına polis xəbərdarlığı aldığını deyir

Dövlət Departamenti: “Trampın ikinci prezidentlik dövründə 300 mindən çox ABŞ vizası ləğv edilib”

Redaktorun Tövsiyələri

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Məhkəmə

5 milyonluq qaçaqmalçılıqda ittiham olunan digər vəzifəlilər də ev dustaqlığına buraxılıb

5 Oktyabr 2026

e-huquq.az

5 milyon manat dəyərində siqaret qaçaqmalçılığında ittiham olunan bir sıra vəzifəli şəxslər həbsdən ev dustaqlığına buraxılıb. APA-nın xəbərinə görə, oktyabrın 2-də Bakı Ağır Cinayətlər Məhkəməsində hakim Kamil Əliyevin sədrliyi ilə baş tutan prosesdə bu barədə təqsirləndirilən şəxslərin vəsatətləri təmin olunub. Onlar Bakı Hövsan Beynəlxalq Ticarət Dəniz Limanının direktoru Rəşad Daşdəmirov, liman xidmətinin rəisi Zaur Haşımov, limanın briqadiri Fərrux Haqverdiyev, Dövlət Gömrük Komitəsinin Bakı Hövsan Ticarət Dəniz Limanı Gömrük postunun rəisi Fərid Usubov, həmin gömrük postunun inspektoru Heydər Eyvazlı və digərləridir. Məhkəmənin növbəti iclası oktyabrın 23-nə təyin edilib. Sözügedən şəxslər ötən ilin dekabrında həbs olunublar. Onlar Birləşmiş Ərəb Əmirlikləri və İrandan...

Davamını oxu

Məhkəmə

Fərid İsmayılov: “Ədaləti meyvə-tərəvəz kimi satan mantiyalı kölələr mənim üçün məhkəmə görüntüsü yarada bilməzlər”

3 Oktyabr 2026

VOA

“Toplum TV işi” üzrə həbsdə olan jurnalist Fərid İsmayılov Məhkəmə-Hüquq Şurasına açıq müraciət edib. O bildirir ki, Umbakı Penitensiar Kompleksi məhkəmə və hakimlər barədə işlətdiyi ifadələri təhqir sayaraq əvvəlki şikayətini Şuraya göndərməkdən imtina edib. Jurnalistin açıqlamasını və açıq müraciətini təqdim edirik. "Umbakı Penitensiar Müəssisəsi Məhkəmə-Hüquq Şurasına ünvanladığım şikayəti göndərməkdən imtina edib. Buna səbəb kimi Bakı Apellyasiya Məhkəməsinə “kolxoz”, hakimlərinə isə “bazarkom” yazmağım göstərildi. Mənə bu sözlərin təhqir olduğunu deyən rəsmilərə bu sözlərin “təsvir” olduğunu desəm də, qəbul etmədilər. Ona görə də MHŞ-yə açıq müraciət etmək məcburiyyətindəyəm: “Diqqətinizə çatdırıram ki, apellyasiya şikayətimin məqsədi Avropa İnsan Haqları Məhkəməsi üçün formal prosedurdur. Yerli məhkəmələrdən...

Davamını oxu