Məhkəmə

Avropa Məhkəməsi Səbaildə sökülən evə görə 130 min avrodan çox təzminat təyin edib

25 Mart, 2026

620

Foto: açıq mənbə

Avropa İnsan Hüquqları Məhkəməsi (AİHM) Bakıda sökülmüş evə görə Azərbaycan hökumətini 130 min avrodan çox məbləğdə cərimələyib.

Məhkəmə martın 24-də bu barədə qərar qəbul edib.

İş üzrə ərizəçilər Səbail rayonunun sakinləri - Zaur Məmmədov və anası Yelena Məmmədova olub. Məmmədovlar 2016-cı ildə Səbail Rayon İcra Hakimiyyətinin qərarı ilə yaşadıqları binanın sökülməsindən şikayətçi olublar.

Həmin il Nazirlər Kabineti Səbail də daxil olmaqla Bakının bir neçə rayonunda "sosial-iqtisadi inkişafın sürətləndirilməsi ilə bağlı əlavə tədbirlər haqqında" qərar qəbul edib. Yerli icra hakimiyyəti də bu qərara əsasən Məmmədovların yaşadığı binanın qəzalı vəziyyətdə olmasını əsas gətirərək sökülməsinə və yerində çoxmərtəbəli yaşayış binasının tikilməsinə qərar verib.

Məmmədovlar icra hakimiyyətinin qərarının etibarsız hesab edilməsi iddiası ilə Bakı İnzibati-İqtisadi Məhkəməsinə müraciət edib. Məhkəmə onların iddiasını təmin etməyib.

Yerli məhkəmə qərarını belə əsaslandırıb ki, ərizəçilərin mülkiyyət hüquqları pozulmayıb, çünki onlara öz mənzillərindən də böyük, yeni təmirli mənzil verilməsi və həmin vaxtadək kirayə xərclərinin ödənilməsi nəzərdə tutulub.

Bundan sonra ərizəçilər maddi təzminat tələbilə yenidən məhkəməyə müraciət ediblər, lakin məhkəmə onların bu iddiasını da təmin etməyib.

Sonrakı məhkəmə instansiyaları da qərarı qüvvədə saxlayıb.

AİHM isə qərarında qeyd edib ki, yerli məhkəmələr maddi təzminat əvəzinə yalnız yeni mənzil verilməsini əsas götürüb, lakin bunun üçün konkret hüquqi norma göstərilməyib. Buna görə də, AİHM bu cür təzminatı qanuni hesab etməyib.

Məhkəmə Avropa İnsan Hüquqları Konvensiyasının 1 saylı Protokolunun 1-ci maddəsinin pozulduğu qənaətinə gəlib.

Məhkəmə Məmmədovlara Azərbaycan hökuməti tərəfindən maddi zərərə görə 126,000, mənəvi1 zərərə görə 3,000, hüquqi xərclərə görə isə 2,919 avro təzminat ödənilməsinə qərar verib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

"Kərimə dövləti" qurmağa cəhddə ittiham olunan inanclı fəal aclıq edir

Almaniyadan Tacikistana göndərilən müxalifət fəalı ölkəyə çatan kimi saxlanılıb

Qəzza rəsmiləri: "Atəşkəsdən bəri 1000-dən çox sakin öldürülüb"

Ombudsmana zəngə görə həbs edilən şəxs Avropa Məhkəməsinə üz tutub

Akif Qurbanov hakimə: "Sanki Əliyevin sifarişi ilə həbs olunmağımıza baxmayaraq, ədalətli məhkəmə aparacaqdınız"

Ramil Babayev ədliyyə nazirinə: “Təcridxananın rəis müavininin qanundan kənara çıxmasının qarşısını alın”

Redaktorun Tövsiyələri

Dövlət borcunun görünməyən tərəfi: Təminat Fondunun resursları niyə tükənir?

300 milyardlıq fond, sanksiyaların ləğvi, aktivlərin qayıdışı: İran qalib sayıla bilər?

İcra hakimiyyəti: "Bayırşəhərdə binaların memarlıq abidələri siyahısından çıxarılması üçün tədbirlər görülür"

Azərbaycana turist axını azalır: Milyonlarla manatlıq təşviqat niyə nəticə vermir?

Akif Qurbanovla müsahibə: “‘Tək adam’ rejiminin sahibi Əliyevi daşı ətəyindən tökməyə səsləyirəm”

İcbari Tibbi Sığorta Fonduna ödənişlər niyə azalır?

Məhkəmə

Akif Qurbanov hakimə: "Sanki Əliyevin sifarişi ilə həbs olunmağımıza baxmayaraq, ədalətli məhkəmə aparacaqdınız"

23 İyun 2026

Toplum TV

İyunun 22-də Bakı Ağır Cinayətlər Məhkəməsində "Toplum TV işi" üzrə baş tutmalı olan məhkəmə prosesi təxirə salınıb. Buna səbəb təqsirləndirilən şəxslərin və müdafiəçilərinin ötən prosesdə dövlət ittihamçısının etdiyi çıxışın mətni ilə hələ tanış olmamasıdır. Proses vəkillərin müdafiə nitqləri ilə davam etməli olsa da, təqsirləndirilən şəxslərdən Demokratik Təşəbbüslər İnstitutunun (IDI) rəhbəri və III Respublika Platformasının spikeri Akif Qurbanov buna etiraz edib. O bildirib ki, təqsirləndirilən şəxslərin öz müdafiələrini qura bilmələri üçün prokurorun çıxışı ilə tanış olmaq hüquqları var. Prosesə sədrlik edən hakim Azər Tağıyev isə əvvəlcə A.Qurbanovun tələbini təmin etmək istəməyib və onun çıxışını "şou" adlandırıb. "Məhkəmə adı ilə şou göstərən...

Davamını oxu

Məhkəmə

Azərbaycanda mühakimə olunan Rusiya vətəndaşlarına 3-4 il həbs cəzası kəsilib

19 İyun 2026

Açıq mənbə

Ötən ilin iyulunda Azərbaycan və Rusiya münasibətlərinin pisləşməsi fonunda Azərbaycanda həbs olunan rusiyalıların məhkəməsi başa çatıb. APA-nın xəbərinə görə, iyunun 19-da Bakı Ağır Cinayətlər Məhkəməsində hakim Firdovsi Əliyevin sədrliyi ilə keçirilən prosesdə təqsirləndirilən şəxslərə hökm oxunub. Təqsirləndirilən şəxslərdən Sergey Sofronov, Anton Draçev, Dmitri Bezuqli, Valeri Dulov 4 il, Dmitri Fedorov, Boris Timoşov, Aleksey Vasilçenko və İlya Bezuqli isə 3 il müddətinə azadlıqdan məhrum edilib. Onlar Cinayət Məcəlləsinin 234.4.1-ci (narkotik satışı, qabaqcadan əlbir olan bir qrup şəxs tərəfindən və ya mütəşəkkil dəstə tərəfindən törədildikdə) və 234.4.3-cü (külli miqdarda törədildikdə) maddələri ilə ittiham olunurdular. Lakin məhkəmə hökmdə ittihamı 234.1-1-ci (satış məqsədi olmadan...

Davamını oxu