Məhkəmə

İctimai fəal Nicat İbrahim məhkəmədə özünə xəsarət yetirib

7 May, 2025

113

sosial media

Həbsdə olan ictimai fəal Nicat İbrahim məhkəmə zalında özünə xəsarət yetirib.

Hadisə mayın 6-da Bakı Ağır Cinayətlər Məhkəməsinin zalında baş verib. Bu barədə “Azadlıq Radiosu”na fəalın yaxınları məlumat verib.

Onlar bildirib ki, məhkəmədə ekspert dindirilən zaman N.İbrahim başını saxlandığı şüşə qəfəsə çırpmaqla ekspertin dediklərinə etiraz edib.

Ekspert ifadəsində deyib ki, ittihama əsasən fəalın bıçaqladığı Bəhmən Əliyev adlı şəxsin qarın nahiyəsində bıçaq izləri var.

"Yalan danışırsınız, saxta rəy verirsiniz. Sizin kimilərin yalanları üzündən, mən səkkiz aydır həbsdəyəm", - N.İbrahim deyərək özünə xəsarət yetirib. Ona təcili yardım göstərilməsi üçün məhkəmə zalından çıxarılıb.

Məhkəmə prosesi mayın 26-a təxirə salınıb.

Fəalın həyat yoldaşı Pərvin İbrahimova “Azadlıq Radiosu”ma deyib ki, hadisə ilə əlaqədar N.İbrahimə saxlandığı Bakı İstintaq Təcridxanasında töhmət verilib.

N.İbrahim əvvəlki məhkəmə proseslərinin birində də özünə xəsarət yetirmiş və töhmət almışdı.

2024-cü ilin sentyabrında həbs olunan N.İbrahim Cinayət Məcəlləsinin 126.2.4-cü (ümumi təhlükəli üsulla, xuliqanlıq niyyətiylə qəsdən sağlamlığa ağır zərər vurma) və 221.1-ci (xuliqanlıq) maddələriylə ittiham olunur.

O, ittihamları rədd edir və deyir ki, Bəhmən Əliyev adlı şəxsi, ümumiyyətlə, tanımır.

N.İbrahim 2020-ci ilin iyulunda Prezident Administrasiyasının önündə İlham Əliyevə istefa tələbi ilə etiraz aksiyası keçirməyə gedərkən saxlanılmış və koronavirus yaymaq ittihamı ilə 1 il 3 ay həbs cəzası almışdı. Fəal o vaxt da təqsirsiz olduğunu, etiraz aksiyası keçirmək istədiyinə görə cəzalandırıldığını demişdi.

O, 2017-ci ildə ağzını tikərək aclıq etməklə polislərə qarşı etiraz aksiyası da keçirmişdi.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Əhməd Məmmədli barəsində 4 ay həbs qətimkan tədbiri seçilib

Ceyms Vens: “Ruslar müharibəni bitirmək üçün çox şey istəyir”

Hindistanlılar sosial mediada Azərbaycana qarşı təbliğata başlayıb

İmamoğlunun “X” hesabına Türkiyədən giriş bloklanıb

Əli Kərimlinin mühafizəçisinin qardaşı da həbs olunub

İlham Əliyev 9 May paradı üçün Moskvaya getməyəcək

Redaktorun Tövsiyələri

Kartlardan pul oğurluğu: Banklar nə qədər günahkardır?

Bakı İstintaq Təcridxanasının “rüşvət rentgeni”

Norveç qəzetində Toplum TV-yə məqalə həsr edilib

Bakının tarixi məhəllələri sökülmək təhlükəsi ilə üz-üzədir

Sərhədsiz Reportyorlar: “Azərbaycanda müstəqil media qalmayıb”

İran və Azərbaycan münasibətləri düzəlirmi?

Məhkəmə

Əhməd Məmmədli barəsində 4 ay həbs qətimkan tədbiri seçilib

8 May 2025

açıq mənbədən götürülüb

İctimai fəal və “Yoldaş Media”nın təsisçisi Əhməd Məmmədli barəsində mayın 8-də 4 aylıq həbs qətimkan tədbiri seçilib. Məmmədli Binəqədi Rayon Məhkəməsinə gətirilərkən “Yoldaş Media”nın fəaliyyətinə görə həbs olunduğunu deyib və “Azad media susdurula bilməz!” deyə qışqırıb. O, Cinayət Məcəlləsinin sağlamlığa qəsdən ağır zərər vurma və xuliqanlıq maddələri ilə ittiham olunur. Mayın 6-ı axşam radələrindən yaxınları ondan xəbər ala bilməyib. Bir gün sonra isə APA-da onun Biləcəri qəsəbəsində taksidə yer mübahisəsi üstündə bir nəfəri bıçaqladığı haqqında xəbər gedib. Həyat yoldaşı Türkan Məmməd isə fəalın şərləndiyini və belə bir ssenari qurulduğunu bildirir. Əhməd Məmmədli yaxınlarına polis idarəsində telefonunun şifrəsini verməsi üçün döyüldüyünü...

Davamını oxu

Məhkəmə

Jurnalist Ülviyyə Əli həbs olunub

7 May 2025

Fərqanə Novruzova

Jurnalist Ülviyyə Əli (Quliyeva) barəsində 1 ay 29 gün müddətinə həbs qətimkan tədbiri seçilib. Bu barədə qərarı mayın 7-də Xətai rayon Məhkəməsi çıxarıb. Ülviyyə Əli “Meydan TV” işi ilə əlaqədar saxlanılıb və barəsində Cinayət Məcəlləsinin 206.3.2 (Qaçaqmalçılıq, qabaqcadan əlbir olan bir qrup şəxs tərəfindən törədildikdə) maddəsi ilə ittiham irəli sürülüb. Jurnalist Ülviyyə Əli mayın 7-ə keçən gecə saxlanılıb. Jurnalistin evində axtarış aparılıb, siyirmələr və şkaf rəflərinin qapaqları sındırılıb. Vəkili Elvin Ələmovun sözlərinə görə, Ülviyyə Əlinin evində axtarış aparılarkən 6 min avro aşkarlanıb. Jurnalist pulun ona aid olmadığını və evə axtarışa gələn polislər tərəfindən yerləşdirdiyini bildirib. Ülviyyə Əli vəkilə saxlanılarkən zorakılığa...

Davamını oxu