Siyasət

Hindistanlılar sosial mediada Azərbaycana qarşı təbliğata başlayıb

8 May, 2025
140

açıq mənbədən götürülüb

Hindistanlı sosial media istifadəçiləri Azərbaycana qarşı təbliğat aparmağa başlayıb.

Buna səbəb Azərbaycanın Hindistanla Pakistan arasındakı toqquşmalarda Pakistanı müdafiə etməsidir. 

Belə ki, Azərbaycan Xarici İşlər Nazirliyi mayın 7-də verdiyi bəyanatda “Pakistana qarşı bir neçə mülki şəxsin ölümü və yaralanması ilə nəticələnən hərbi hücumları” pisləyib və “Pakistan xalqı ilə həmrəy olaraq” günahsız qurbanların ailələrinə başsağlığı verib. 

Sosial şəbəkələrdə Hindistandan olan istifadəçilər “#BoycottAzerbaijan” həştəqi açaraq həmyerlilərinə Azərbaycana səfər etməməyə çağırıb. 

“Heç bir hindistanlı, həmçinin terrora qarşı olan heç bir kəs, Azərbaycana getməməlidir. Hətta səfər planlaşdırmısınızsa belə, ləğv edin”, - 400 minə yaxın izləyicisi olan Mr Sinha adlı “X” istifadəçisi yazıb. 

Yarım milyondan çox izləyicisi olan Muthukrişan adlı “X” istifadəçisi isə Azərbaycan və Türkiyəni boykot etməyə çağırıb və turizm məqsədləri üçün Ermənistanla Yunanıstana səfər etməyi məsləhət görüb. 

“Azərbaycan və Türkiyə hindistanlı turistlərin hesabına çoxlu pul qazanırlar. Lakin bu iki ölkə açıq-aşkar Pakistanı müdafiə edir və Hindistana qarşı ciddi mövqe tutublar. Azərbaycanın regional rəqibi Ermənistan və Türkiyənin regional rəqibi Yunanıstan isə həmişə Hindistanın tərəfində olublar. Onlar indiki qarşıdurmada da Hindistanı dəstəkləyirlər. Həmçinin, Yunanıstan və Ermənistan əla turizm məkanlarıdır”, - o yazıb. 

2024-cü ildə Azərbaycana ən çox turistin gəldiyi ölkələr sırasında Hindistan Rusiyadan sonra ikinci yerdə qərarlaşıb. Bu ölkədən 235625 turist Azərbaycana səyahət edib. 

2023-cü ildə Azərbaycana 114322 hindistanlı turist səfər etmişdisə, 2024-cü ildə onların sayında 121303 nəfər və ya 2,1 dəfə artım qeydə alınıb.

Hindistan ordusu Pakistanda, eləcə də Kəşmirin Pakistan hissəsində "terrorçu" infrastruktura qarşı hərbi əməliyyatlara başladıqlarını açıqlayıb.

Mayın 7-də Hindistan “Sindur Əməliyyatı” çərçivəsində həmin ərazilərə doqquz raket zərbəsi endirib. 

Pakistan tərəfi Hindistanın bu hücumlarını “müharibə aktı” adlandıraraq, Hindistanın beş hərbi təyyarəsinin vurulduğunu və bir neçə hərbi obyektin məhv edildiyini iddia edir.

Hindistan isə bu iddiaları təkzib edir.

Hər iki tərəf arasında baş verən qarşılıqlı atışmalar nəticəsində onlarla insan həyatını itirib, çox sayda insan yaralanıb. Mülki əhali arasında da itkilər qeydə alınıb.


Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Siyasət

Tofiq Yaqublu aclığı dayandırıb

10 May 2025

sosial media

Həbsdə olan Müsavat Partiyasının və Milli Şuranın üzvü Tofiq Yaqublu 40 gündür apardığı aclıq aksiyasını dayandırıb.  Bu barədə onun qızı Nigar Həzi "Facebook" səhifəsində məlumat verib.  N.Həzi bildirib ki, onu və ailə üzvlərini nəzərə alaraq aclıq aksiyasını dayandırması üçün atasına "yalvarıb". Yaqublu da razılaşıb.  O əlavə edib ki, hazırda həkim Adil Qeybulla Penitensiar Xidmətin Müalicə Müəssisəsində Yaqublunun müayinəsi ilə məşğuldur.  T.Yaqublu aprelin 1-dən azadlığa buraxılması üçün aclıq edirdi.  Mayın 6-da Apellyasiya Məhkəməsi onun ev dustaqlığına buraxılması haqqında vəsatəti təmin etməyib.  Məhkəmənin növbəti iclası mayın 20-də baş tutacaq.
Siyasət

“Bakı Moskva ilə əlaqələrini Trampın siyasətinə sörə tənzimləyir”

9 May 2025

Toplum TV

Azərbaycan Prezidenti İlham Əliyev İkinci Dünya Müharibəsindəki qələbənin 80-ci ildönümü münasibətilə Moskvada keçirilən hərbi parada getməkdən son anda imtina edib. Bu, habelə mayın 4-də Milli Məclisin deputatı Azər Badamovun Rusiyaya buraxılmaması iki ölkə arasındakı gərginliyin hələ də davam edib-etmədiyi sualını gündəmə gətirib.  Azərbaycan və Rusiya arasında gərginlik ötən ilin dekabrın 25-də AZAL təyyarəsinin Aktauda qəzaya uğramasından sonra başlayıb. Rəsmi Bakı təyyarənin həmin gün Ukrayna dronlarından qorunan Rusiya hərbi hava qüvvələri tərəfindən vurulduğunu iddia edib.  Azərbaycanın hökumətyönlü media orqanları isə yazıb ki, təyyarənin vurulduqdan sonra Rusiya ərazisində qəza enişi etməsinə icazə verilməyib ki, təyyarə Xəzər dənizinə düşsün və izlər itirilsin.  Bir...

Seçilmiş Videolar

Toplum TV loqo