Məhkəmə

“Kars”da saxlanan işçi hüquqları fəalının vəkili ilə görüşməsinə icazə verilmir

4 İyun, 2025

132

Foto: VOA

6 saylı cəzaçəkmə müəssisəsində cərimə kamerasında (karser) saxlanan işçi hüquqları fəalı Elvin Mustafayevin vəkili ilə görüşməsinə icazə verilməyib.

Bu barədə vəkil Zibeydə Sadıqova iyunun 4-də “Facebook” səhifəsində xəbər verib.

Vəkilin dediyinə görə, ona bildirilib ki, müəssisənin rəisi görüşə icazə vermir.

Mayın 6-da Tofiq Yaqublunun azadlığa buraxılması tələbilə aclıq aksiyasına başlayandan sonra Mustafayev 13 saylı cəzaçəkmə müəssisəsindən 6 saylı cəzaçəkmə müəssisəsinə gətirilib və burada karserə salınıb.

Fəal mayın 19-da karserdən çıxarılmalı olsa da, onun burada saxlanma müddəti 10 gün uzadılıb.

İyunun 3-də isə ailəsi xəbər verib ki, Mustafayevin karserdə qalma müddəti daha 1 ay uzadılıb.

Ailəsi Mustafayevin davamlı karserdə saxlanılmasını “yuxarıların sifarişi” sayır və onun səhhətindən narahatlıq ifadə edir.

“İşçi Masası” Həmkarlar İttifaqları Konfederasiyasının üzvü Elvin Mustafayev 2023-cü ilin avqustunda narkotik maddələrin satışında ittiham olunaraq saxlanılıb.

2024-cü il yanvarın 31-də Bakı Ağır Cinayətlər Məhkəməsi onu 3 il müddətinə azadlıqdan məhrum edib.

Mustafayev ittihamı rədd edib və bunu onun “İşçi Masası”ndakı fəaliyyəti ilə əlaqələndirib.

2022-ci ildə yaradılan “İşçi Masası” Həmkarlar İttifaqları Konfederasiyasının dörd üzvü – sədr Afiəddin Məmmədov və üzvləri Ayxan İsrafilov, Elvin Mustafayev və Möhyəddin Orucov hazırda həbsdədir. Onlar müxtəlif ittihamlarla üzləşsələr də, ittihamların hamısını qurama, siyasi sayırlar.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Aynur Elgünəş Mirsaleh Seyidova: "Övladım bildiyim varlığa həsrət qoymağınız mübarizə metodu deyil"

Rusiyanın müharibədə itkiləri “1 milyona yaxınlaşır”

Sui-qəsdə məruz qalan federasiya rəhbəri Adil Əliyevin həbsini istəyir

Əli Zeynal təcridxanadakı vəziyyəti ictimailəşdirdiyinə görə təhdid olunub

Azərbaycan və Ermənistan itkin düşənləri birgə axtarmağa razılaşıb?

Tramp 12 ölkəyə səyahət qadağası tətbiq edir

Redaktorun Tövsiyələri

Memar: “Mətbuat Bayırşəhər söküntüsünü adiləşdirməyə çalışır”

Azərbaycanda bütün gəlirlərin 14%-i ən zəngin 1%-ə çatır

Vəkil: “Hökumət mart ayından Avropa Məhkəməsinin qərarlarını icra etmir”

Yazmaq və susmaq arasında - Fariz Namazlının yazısı

"O, həmişə zülm görənlərin tərəfində olub" - "The Washington Post" Ülviyyə Əlidən yazıb

“Bakı Moskva ilə əlaqələrini Trampın siyasətinə sörə tənzimləyir”

Məhkəmə

Aynur Elgünəş Mirsaleh Seyidova: "Övladım bildiyim varlığa həsrət qoymağınız mübarizə metodu deyil"

5 İyun 2025

Foto: Toplum TV

“Meydan TV”-nin həbsdə olan baş redaktoru Aynur Qəmbərova (Elgünəş) Penitensiar Xidmətin rəisi Mirsaleh Seyidova açıq məktub yazıb. O, məktubunda Maks adlı iti ilə təcridxanada görüşməsinə icazə verilməsini tələb edir və bununla bağlı artıq üçüncü dəfədir müraciət etdiyini deyir. Jurnalist bildirir ki, əvvəlki müraciətinə qeyri-rəsmi şəkildə “yox” cavabı verilib, bu isə onu qane etmir. “Qanunvericilikdə Maksla görüşməyimi qadağan edən heç bir müddəa yoxdur. Şəxsi həyat və heyvan haqları baxımından da bizim görüşməyimiz arzuolunandır. Lakin siz heç bir əsas gətirmədən bizim görüşümüzə icazə vermirsiz. Halbuki bu görüş şəxsi və ictimai baxımdan təhlükəli deyil, narahatlığa səbəb olmur. Siz bu qadağanızla mənim mənəvi əzab...

Davamını oxu

Məhkəmə

Əli Zeynal təcridxanadakı vəziyyəti ictimailəşdirdiyinə görə təhdid olunub

5 İyun 2025

Foto: sosial media

“Toplum TV işi” üzrə həbsdə olan, Demokratik Təşəbbüslər İnstitutunun əməkdaşı Əli Zeynal saxlandığı Bakı İstintaq Təcridxanasındakı vəziyyəti ictimailəşdirdiyinə görə təhdid olunub. O, bunu iyunun 5-də telefon zəngi ilə yaxınlarına deyib. Ə.Zeynal bildirib ki, təcridxana işçiləri bundan əvvəlki zəng imkanını əlindən alıblar, buna səbəb kimi isə onun Ədliyyə naziri Fərid Əhmədova ünvanladığı açıq məktub və təcridxanadakı vəziyyəti ictimailəşdirməsi göstərilib. Ə.Zeynalın sözlərinə görə, ona deyilib ki, təcridxanadakı vəziyyəti ictimailəşdirməyə davam edəcəyi halda onun üçün “daha pis olacaq”. Ə.Zeynal məktubunda təcridxanadakı saxlanma vəziyyətinin çox pis olduğunu, kanalizasiya sularının axdığını və siçanların dolaşdığını yazıb. Vəkili Rəsul Cəfərov Toplum TV-yə bildirib ki, Ə.Zeynalın şikayətləri ilə...

Davamını oxu