Region

Gürcüstan “rəqəmsal köçərilər”ə viza verəcək

16 Aprel, 2026

149

Reuters

Gürcüstan parlamenti “rəqəmsal köçərilər” üçün yeni viza ilə bağlı qanun dəyişikliklərini yekun oxunuşda qəbul edib. Qəbul edilən dəyişikliklərə əsasən, bu viza yüksək gəlirə malik, xarici şirkətlər üçün məsafədən çalışan əcnəbilər üçün nəzərdə tutulub. C5 kateqqoriyalı çoxgirişli, qısamüddətli viza sayılır və beş ilə qədər qüvvədə qalır. Viza sahibinə Gürcüstanda 12 ayadək fasiləsiz qalmaq imkanı verir. Dəyişikliklər “Əcnəbilərin və vətəndaşlığı olmayan şəxslərin hüquqi statusu haqqında” qanuna edilir.

Hakim “Gürcü Arzusu” partiyasının təşəbbüsü ilə irəli sürülən bu dəyişikliyin məqsədi digər ölkələrdə tətbiq olunan “rəqəmsal köçəri” modellərinə uyğun mexanizm yaradaraq, ölkəyə maliyyə baxımından təminatlı mütəxəssisləri cəlb etməkdir.

Yeni qaydalara əsasən, viza yalnız “təhlükəsiz ölkələr”in vətəndaşlarına şamil olunacaq. Müraciət edən şəxslər Gürcüstana turistik məqsədlə daxil olmalı və yalnız xarici şirkətlər üçün işləməlidirlər. Eyni zamanda, viza onların ailə üzvlərinə, həyat yoldaşına və 18 yaşadək uşaqlarına da verilə bilər. “Təhlükəsiz ölkələr” siyahısı isə açıqlanmayıb.
C5 vizasının rüsumu 20-500 ABŞ dolları arası müəyyən edilib.

Son dövrlərdə Gürcüstanda əcnəbilərlə bağlı qanunvericilik sərtləşdirilib. Ölkədə qalma müddətinin pozulmasına görə cərimələr artırılıb, həmçinin etiraz aksiyalarında iştirak qaydalarının pozulması deportasiya üçün əsas kimi müəyyən edilib. Baş nazir İrakli Kobaxidzenin sözlərinə görə, 2025-ci ilin ilk 11 ayı ərzində ölkədə qanunsuz əsaslarla yaşayan 1131 əcnəbi ölkədən çıxarılıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Məsafədən kredit götürmək istəyənlər üçün yeni qayda: Vəsait dərhal verilməyəcək

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Təqsirləndirilən şəxs Ramil Babayevə danışıb: “Ürəyimə üç dəfə stent qoyulub, amma müəssisədə dərman yoxdur”

Rusiya Kalininqradla bağlı NATO-ya nüvə xəbərdarlığı edib

Putin Azərbaycana 1 milyon rubldan artıq nağd pul aparılmasını qadağan edib

Qubad İbadoğlu Almaniyaya gedib

Redaktorun Tövsiyələri

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Region

Paşinyan Putindən Ermənistandan idxal qadağalarını götürməyi xahiş edib

28 İyul 2026

Russian Foreign Ministry

Ermənistan baş naziri Nikol Paşinyan iyulun 27-də Rusiya prezidenti Vladimir Putinlə telefon danışığı aparıb. "Armenpress" agentliyinin baş nazir aparatına istinadən verdiyi məlumata görə, tərəflər Ermənistan-Rusiya münasibətlərinin gündəliyini, xüsusilə də ikitərəfli iqtisadi əlaqələrlə bağlı məsələləri müzakirə ediblər. Paşinyan Ermənistan mənşəli məhsulların Rusiya bazarına ixracına tətbiq olunan məhdudiyyətlərin Avrasiya İqtisadi İttifaqının (Aİİ) qaydalarına zidd olduğunu bildirib. O, rusiyalı həmkarından bu problemlərin aradan qaldırılması üçün müvafiq tədbirlər görməsini xahiş edib. Kremlin rəsmi pres-relizində bu mövzuya yer verilməyib. Əvəzində telefon söhbətində Ermənistanın geosiyasi mövqeyi və Aİİ çərçivəsindəki öhdəliklərinin müzakirə olunduğu qeyd olunub. Pres-relizə əsasən, Putin vurğulayıb ki, Ermənistan Avropa İttifaqına inteqrasiya yolunu seçmək, yoxsa...

Davamını oxu

Region

Ermənistan 40 min qarabağlıya vətəndaşlıq verib

22 İyul 2026

Açıq mənbə

Ermənistan Qarabağdan köçən təxminən 40 min nəfərə vətəndaşlıq verib. Bu barədə Ermənistanın daxili işlər naziri Arpine Sarkisyan “CivilNet”-ə müsahibəsində deyib. Onun sözlərinə görə, qarabağlı qaçqınların ümumi sayı 115 mindən çoxdur və onların təxminən yarısı vətəndaşlıq üçün müraciət edib. Müraciətlərə baxılmağa davam edilir. “İki il yarımlıq müddəti nəzərə alsaq, hesab edirəm ki, bu, qaçqın əhalinin Ermənistan vətəndaşlığını almaqda və Ermənistanda tamhüquqlu, perspektivli gələcək qurmaqda maraqlı olduğunu göstərən mühüm göstəricidir”, - A.Sarkisyan deyib. Nazir xatırladıb ki, qaçqınların Ermənistana sosial-iqtisadi inteqrasiyası Ermənistan və Avropa İttifaqı arasında viza rejiminin liberallaşdırılması ilə bağlı görülən işlərin istiqamətlərindən biridir. “Düşünürəm ki, artıq görülmüş işlər avropalı tərəfdaşlar tərəfindən...

Davamını oxu