Siyasət

Avropa Məhkəməsi keçmiş “Nardaran məhbusları” üçün 10 min avrodan çox təzminat kəsib

8 Sentyabr, 2026

euneighbourseast.eu

Avropa İnsan Hüquqları Məhkəməsi (AİHM) sentyabrın 8-də vaxtilə "Nardaran işi" üzrə həbs olunmuş iki inanclı fəalın şikayəti əsasında qərar verib.

Ərizəçilər Şamil Abduləliyev və Aqil İsmayılov 2015-ci ilin noyabrında polisin Nardaranda Müsəlman Birliyi Hərəkatına (MBH) qarşı keçirdiyi reyd zamanı həbs olunublar. Onlar 2021-ci ildə əfv fərmanı ilə azadlığa çıxıblar.

Fəallar ərizələrində bildirib ki, həmin vaxt bir evdə dini mərasimdə iştirak edirmişlər və bu zaman polis tərəfindən üzərilərinə atəş açılıb. Ş.Abduləliyev insident zamanı güllə yarası alıb.

Onlar iddia ediblər ki, polis onları həbs edərkən həddən artıq güc tətbiq edib, saxlanma zamanı aldıqları xəsarətlərlə bağlı onlara lazımi tibbi yardım göstərilməyib, eləcə də həbs və saxlanma zamanı onlarla pis rəftar edilib və hakimiyyət orqanları onların pis rəftarla bağlı şikayətləri üzrə səmərəli araşdırma aparmayıb.

Hökumət isə AİHM-ə cavabında bu versiyanı təkzib edib və polisin MBH üzvləri tərəfindən silahlı hücuma məruz qaldığını iddia edib.

AİHM qərarında ərizəçilərə qarşı Avropa İnsan Hüquqları Konvensiyasının 3-cü maddəsi (işgəncə və qeyri-insani rəftarın qadağan olunması) üzrə hüquq pozuntusunu tanıyıb.

Məhkəmə qərarında göstərib ki, polis fəallara qarşı həddən artıq güc tətbiq edib, lazımi tibbi yardım göstərməyib və aiddiyəti orqanlar şikayətlərlə bağlı əsaslı araşdırma aparmayıb. Ərizəçilərin saxlanma dövründə qeyri-insani rəftara məruz qalmaları ilə bağlı iddia isə təmin olunmayıb.

Məhkəmə yekunda ərizəçilərin hər birinə mənəvi zərərə görə 10 min, hüquqi xərclərə görə isə 1500 avro təzminat təyin edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Azərbaycan bu il Gürcüstana azı 45,3 milyon dollar sərmayə qoyub

Nazir: "Torpaqların birləşdirilməsinə Salyan və Qəbələdən başlanacaq"

Macarıstan Rusiya səfirliyinin 10 əməkdaşını ölkədən çıxarır

Tramp: "İranla müharibədə qalib gələndə neftin qiyməti aşağı düşəcək"

Nazir müavini: “Xəzərin suyunun aşağı düşməsi artıq proqnoz deyil, ekoloji problemdir”

Məhkəmə pensiyası kəsilən pilotların lehinə qərar verib: Aralarında AZAL qəzasında həlak olan da var

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Siyasət

Macarıstan Rusiya səfirliyinin 10 əməkdaşını ölkədən çıxarır

8 Sentyabr 2026

pykmancenter

Macarıstan Rusiya səfirliyinin 10 əməkdaşını ölkədən çıxarmaq qərarına gəlib. Bu barədə Macarıstanın xarici işlər naziri Anita Orban sosial media hesabında məlumat yayıb. Nazirliyin Rusiyanın Budapeştdəki səfirini qərarla bağlı məlumatlandırdığı bildirilib. Macarıstan hakimiyyəti həmin şəxslərin Vyana Konvensiyasına əsasən diplomat statusu ilə uzlaşmayan fəaliyyətlə məşğul olduğunu hesab edir. Anita Orban qeyd edib ki, adları və vəzifələri açıqlanmayan 10 əməkdaşın ölkəni tərk etməsi tələbi “Macarıstanın təhlükəsizliyinin və suverenliyinin təmin edilməsinə xidmət edir”. Onun sözlərinə görə, bu qərar Rusiya ilə diplomatik münasibətlərin kəsilməsi demək deyil. “Macarıstan qarşılıqlı hörmətə və müəyyən olunmuş qaydalara əməl edilməsinə əsaslanan zəruri dialoqu davam etdirmək niyyətindədir”, - nazir yazıb. Rusiyanın...

Davamını oxu

Siyasət

Anar Məmmədli və Anar Abdullaya hökm oxunub

7 Sentyabr 2026

Toplum TV

Sentyabrın 7-də Bakı Ağır Cinayətlər Məhkəməsində Seçkilərin Monitorinqi və Demokratiyanın Tədrisi Mərkəzinin (SMDT) həbsdə olan sədri Anar Məmmədli və ictimai fəal Anar Abdullanın işi üzrə sonuncu məhkəmə prosesi keçirilib. APA yazır ki, hakim Aygün Qurbanovanın sədrliyi ilə keçirilən prosesdə təqsirləndirilən şəxslərə hökm oxunub. Məhkəmənin hökmü ilə Anar Məmmədli 13, Anar Abdulla 12 il müddətinə azadlıqdan məhrum ediliblər. Ötən prosesdə dövlət ittihamçıs Anar Məmmədlinin 14 il, Anar Abdullanın isə 13 il müddətinə azadlıqdan məhrum edilməsini təklif etmişdi. Anar Məmmədli 2024-cü il aprelin 29-da saxlanılıb. O, Cinayət Məcəlləsinin qabaqcadan əlbir olan bir qrup şəxs tərəfindən qaçaqmalçılıq maddəsilə ittiham olunur. QHT rəhbəri özünü...

Davamını oxu