Siyasət

Azərbaycan Aİ-yə Rusiya qazı göndərmədiyini sübut etməli olacaq

4 Fevral, 2026

254

Foto/kollaj: Toplum TV

Azərbaycan və Türkiyə Avropa İttifaqı (Aİ) ölkələrinə Rusiya qazı göndərmədiyini sübut etməli olacaq.

Bu, Aİ-nin rəsmi jurnalında dərc olunan yeni qaydalarda öz əksini tapıb.

"Strandja 1 nöqtəsi Aİ-ni elə bir boru kəməri sisteminə bağlayır ki, bu sistem təkcə Azərbaycan Respublikasından və ya Türkiyə Respublikasından deyil, həm də Rusiya Federasiyasından əhəmiyyətli həcmdə qaz nəql edir. Buna görə də, qazın istehsal ölkəsinin Rusiya Federasiyası olmadığını təsdiqləyən birmənalı sübutların təqdim edilməsi tələb olunmalıdır və Strandja 1 nöqtəsi vasitəsilə idxal olunan qazın birbaşa və ya dolayısı ilə Rusiya Federasiyasından mənşə almadığına və ya oradan ixrac edilmədiyinə əmin olmaq üçün səlahiyyətli orqanlara kifayət qədər yoxlama müddəti verilməlidir”, - jurnalda qeyd olunub.

Əlavə olaraq bildirilib ki, gələcəkdə Rusiya qazının əhəmiyyətli həcmlərini nəql edən boru kəməri sistemlərinə digər nöqtələr də qoşularsa, eyni nəzarət standartları onlara da tətbiq olunmalıdır.

Yanvarın 26-da Aİ Şurası 1 yanvar 2027-ci ildən başlamaqla Rusiya mənşəli mayeləşdirilmiş təbii qazın Aİ-yə tədarükünə tam qadağanı təsdiqləyib. Boru vasitəsilə nəql olunan Rusiya qazına qoyulan qadağa isə 30 sentyabr 2027-ci ildən qüvvəyə minəcək.

Rusiya 2022-ci ildə başlatdığı Ukrayna müharibəsinə qədər Aİ-nin qaz tədarükünün 40%-dən çoxunu təmin edirdi. 2025-ci ildə bu pay təxminən 13%-ə düşüb.

Aİ-nin Rusiya qazından asılılığını azaltması fonunda Azərbaycanın qaz ixrac etdiyi Aİ ölkələrinin sayı artıb. Bu ilin yanvarından etibarən Azərbaycan qazını alan Aİ ölkələrinin sayı 10-a çatıb.

Azərbaycan hökumətinin tənqidçiləri isə Azərbaycanın Avropaya boru vasitəsilə Rusiya qazı da satdığı, bununla Rusiyaya sanksiyalardan yayınmağa kömək etdiyini iddia edir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

İlkin Əmrahov və Ramil Babayev yazır: “Ad olsun ki, paylanılıb”

Bəhruz Səmədov məhkəmədə özünə xəsarət yetirib

Əli Kərimlinin işi üzrə istintaq başa çatıb

Aİ Ermənistandan idxal olunan məhsullara iki il rüsum tətbiq etməyəcək

Lukaşenko siyasi məhbus kimi tanınan daha 15 nəfəri əfv edib

Abgül Süleymanov 30 sutka həbs edilib

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Siyasət

İlkin Əmrahov və Ramil Babayev yazır: “Ad olsun ki, paylanılıb”

26 Sentyabr 2026

Toplum TV

Demokratik Təşəbbüslər İnstitutunun (IDI) “Toplum TV işi” üzrə həbsdə olan əməkdaşları Ramil Babayev və İlkin Əmrahov cəzaçəkmə müəssisələrində zəruri ehtiyac mallarının paylanılması barədə yazıblar. Yazını olduğu kimi təqdim edirik. “Məhbuslara zəruri ehtiyac mallarının paylanılması barədə siyasi məhbuslar dəfələrlə yazıb. Reallığın icmalı budur ki, Penitensiar Xidmət (PX) 2-3 ildən bir məhbusların yalnız bir hissəsinə zəruri ehtiyac mallarını paylayır. Yəni, həbsxana sabununu, diş pastasını üç ildə bir dəfə, o da lotereya qazanmış azlığın içində təsadüfən yer almışsınızsa, əldə edə biləcəksiniz. Biz bu gün malların paylanmamasından yox, ad üçün paylanılan məhsulların keyfiyyətindən bəhs edəcəyik. Elə həmin sabunun və diş pastasının keyfiyyətindən başlayaq. Paylanılan...

Davamını oxu

Siyasət

Bəhruz Səmədov məhkəmədə özünə xəsarət yetirib

25 Sentyabr 2026

şəxsi arxivi

Sentyabrın 25-də Ali Məhkəmədə həbsdə olan sülh fəalı və akademik tədqiqatçı Bəhruz Səmədovun kassasiya şikayətinə baxılıb. İnsan Haqları Naminə Həmrəylik Komitəsinin məlumatına görə, hakim İlkin Abdullayevin sədrlik etdiyi prosesdə əvvəlcə B.Səmədov çıxış edərək azadlığa buraxılması üçün beynəlxalq təşkilatların müraciətlər etdiyini, lakin Azərbaycan hakimiyyətinin bu çağırışları nəzərə almadığını xatırladıb. Vəkil Zibeydə Sadıqova isə çıxışında dövlətə xəyanət ittihamının və buna sübut kimi təqdim olunan dəlillərin mübahisəli olduğunu bildirib. Onun sözlərinə görə, müvəkkilinin əcnəbilərlə, o cümlədən erməni əsilli şəxslərlə ünsiyyət saxlaması öz-özlüyündə dövlətə xəyanət kimi qiymətləndirilə bilməz. Müdafiə tərəfi həmçinin həmin şəxslərlə onlayn əlaqə saxlanılaraq onların xüsusi xidmət orqanlarının nümayəndələri olub-olmadığının araşdırılması ilə...

Davamını oxu