Siyasət

Azərbaycan hicab qadağasını tənqid edən türkiyəli jurnalisti beynəlxalq axtarışa verib

16 Oktyabr, 2026

sosial media

Azərbaycan Baş Prokurorluğu hicab qadağasını tənqid edən türkiyəli jurnalistə qarşı cinayət işi açıb.

Baş Prokurorluğun mətbuat xidmətinin oktyabrın 16-da yaydığı məlumata görə, barəsində cinayət işi açılan şəxs “Şanlıurfa Olay” qəzetinin köşə yazarı, Anadolu Mətbuat Birliyinin direktor müavini Cəlal Çiftçidir.

Çiftçiyə qarşı Cinayət Məcəlləsinin 281.2 (hakimiyyətin zorla ələ keçirilməsi, konstitusiya quruluşunun zorla dəyişdirilməsinə yönələn açıq çağırışlar təkrar törədildikdə), 283.2.1 (dini düşmənçilik, dini radikalizm və dini fanatizm zəminində zor tətbiq etməklə dini nifrət və düşmənçiliyin salınması) və 167-3.1-ci (dini ekstremist fəaliyyəti həyata keçirməyə çağıran, belə fəaliyyəti əsaslandıran və onun zəruriliyinə bəraət qazandıran materialların hazırlanması, saxlanması və yayılması) maddələri ilə cinayət işi açılıb. Onun barəsində beynəlxalq axtarış elan edilib.

Açıqlamada deyilir ki, cinayət işinin açılmasına səbəb sosial mediada "dini radikalizm məzmunlu, o cümlədən süni intellekt vasitəsilə hazırlanmış materialların təkrar yayılması, eləcə də radikal məzmunlu müxtəlif başlıqlar altında təkrar çağırışların edilməsi" olub.

Jurnalistin barəsindəki ittihamlara münasibəti hələ ki məlum deyil.

Çiftçi son günlərdə sosial media hesabında Azərbaycanda tətbiq olunan hicab qadağasını tənqid edib. O, prezident İlham Əliyevi "bizi arxamızdan vuracaq ilk adam" adlandırıb və ona xitabən "sonda devriləcəksən, ey zalım" yazıb.

Son həftələr ölkənin bir sıra məktəblərində hicablı şagirdlərin və müəllimlərin dərsə buraxılmaması ilə bağlı məlumatlar yayılıb. Bu hallar Nazirlər Kabinetinin dövlət ümumi təhsil müəssisələrində vahid geyim formalarının tətbiqinə dair qərarından sonra baş verib. Qərarda hicabın qadağan olunması birbaşa qeyd edilməsə də, məktəblər qərarı dünyəvilik prinsipinə zidd geyimlərə icazə verilməməsi kimi tətbiq edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Hicablı şagirdlər üçün onlayn platforma yaradan fəalın bir ay həbs edildiyi bildirilir

İranda Xameneini parodiya edən satirikə qarşı cinayət işi açılıb

Araşdırma: “İsrail şirkəti onlayn reklamlar vasitəsilə kütləvi casusluq əməliyyatı aparıb”

Yaxınları: “Aynur Elgünəşin səhhəti kritikləşib, təcili müalicəyə ehtiyacı var”

Fransanın XİN başçısı Azərbaycanın Yeni Kaledoniyadakı fəaliyyətini “təxribatçı” adlandırıb

İrana bağlı olduğu bildirilən haker qrupu Azərbaycanın dövlət saytlarına kiberhücuma görə məsuliyyəti üzərinə götürüb

Redaktorun Tövsiyələri

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Siyasət

Hicablı şagirdlər üçün onlayn platforma yaradan fəalın bir ay həbs edildiyi bildirilir

16 Oktyabr 2026

şəxsi arxivi

İctimai fəal və vizual sənətçi İlkin Hüseynovun 30 sutka müddətinə inzibati həbs edildiyi bildirilir. Bu barədə fəalın yaxınları məlumat yayıb. Onların sözlərinə görə, İlkin Hüseynov polisin qanuni tələbinə tabe olmama ilə bağlı İnzibati Xətalar Məcəlləsinin müddəası əsasında təqsirli bilinib. Onun hansı məhkəmənin qərarı ilə həbs edildiyi və işin digər təfərrüatları barədə rəsmi məlumat almaq mümkün olmayıb. İlkin Hüseynovun saxlanılması ilə bağlı ilk məlumatlar oktyabrın 14-də yayılmışdı. İctimai fəal Cavid Ağa həmin gün sosial şəbəkədə Hüseynovla əlaqə saxlamağın mümkün olmadığını bildirib. Onun sözlərinə görə, saat 16:00 radələrində Bakının İzzət Nəbiyev küçəsində yaşayan Hüseynovun evinə naməlum şəxslər gəlib. Fəal həmin şəxslərlə birlikdə...

Davamını oxu

Siyasət

Yaxınları: “Aynur Elgünəşin səhhəti kritikləşib, təcili müalicəyə ehtiyacı var”

16 Oktyabr 2026

sosial media

“Meydan TV” nin həbsdə olan baş redaktoru Aynur Elgünəşin səhhətinin kritik həddə çatdığı bildirilir. Bu barədə jurnalistin yaxınları “Meydan TV”yə məlumat veriblər. Məlumata görə, ultrasəs müayinəsi (USM) zamanı üç dəfə eyni nəticə qeydə alınıb. Həkimin rəyinə əsasən, jurnalistin böyrəyinin fəaliyyətində ciddi problem yaranıb və təcili tibbi müdaxiləyə ehtiyac olduğu bildirilib. Buna baxmayaraq, onun bir dəfə də yoxlanması gərəkdiyi deyilərək, müalicə müəssisəsinə köçürülməsi gecikdirilib. Yaxınlarının sözlərinə görə, onun vəziyyəti oktyabrın 14-də saxlanıldığı Bakı İstintaq Təcridxanasında daha da pisləşib. Onlar deyir ki, orada diaqnoza uyğun müalicə təyin edəcək həkim yoxdur. Məlumata əsasən Aynur Elgünəşin arterial təzyiqi əvvəlcə 150/80-ə yüksəlib, üzünün rəngi saralıb,...

Davamını oxu