Siyasət

Beynəlxalq təşkilat Azərbaycan hakimiyyətinə: “Aytac Tapdığın müalicəyə çıxışı təmin edilsin”

1 Oktyabr, 2026

sosial media

“Raoul Wallenberg Centre for Human Rights” (RWCHR) “Meydan TV işi” üzrə həbsdə olan jurnalist Aytac Tapdığın səhhəti ilə bağlı bəyanat yayıb.

Təşkilat Azərbaycan hakimiyyətini jurnalistin ehtiyac duyduğu ixtisaslaşmış tibbi müayinə və müalicəyə çıxışını təmin etməyə, həmçinin onu qeyd-şərtsiz azad etməyə çağırıb.

Bəyanatda bildirilir ki, 2024-cü ilin dekabrından həbsdə olan Aytac Tapdığın tənəffüs problemləri ağırlaşıb. Buna baxmayaraq, onun qulaq-burun-boğaz həkimi tərəfindən müayinə olunmasına, MRT və kompüter tomoqrafiyasından keçirilməsinə imkan verilmir.

“Jurnalist həbsdə olduğu təxminən 21 ay ərzində nəfəs almaqda çətinlik çəkdiyi üçün 80-dən çox burun spreyi istifadə edib. Onun saxlanıldığı müəssisə qurudulmuş göl ərazisində yerləşir və rütubətli hava səhhətini daha da ağırlaşdırır”, - bəyanatda deyilir.

RWCHR jurnalistin həbsini peşə fəaliyyəti ilə əlaqələndirib və hakimiyyəti ona qarşı irəli sürülmüş ittihamları ləğv etməyə çağırıb.

“Jurnalistika cinayət deyil. Heç bir jurnalist ictimai maraq naminə gördüyü işə görə həbs olunmamalıdır”, - təşkilat vurğulayıb.

Aytac Tapdıq 2024-cü il dekabrın 6-da “Meydan TV işi” çərçivəsində həbs edilib. İş üzrə ümumilikdə 12 nəfər ittiham olunur.
2024-cü il dekabrın 6-da “Meydan TV”nin baş redaktoru Aynur Elgünəş, jurnalistlər Ramin Deko (Cəbrayılzadə), Aysel Umudova, Aytac Tapdıq, Xəyalə Ağayeva, Natiq Cavadlı və vətəndaş cəmiyyəti üzvü Ülvi Tahirov saxlanılıblar.

Sonradan “Arqument.az” saytının baş redaktoru, “Meydan TV” ilə əməkdaşlıq edən jurnalist Şəmşad Ağa, jurnalistlər Nurlan Libre (Qəhrəmanlı), Fatimə Mövlamlı, Ülviyyə Əli (Quliyeva) və fotoqraf Əhməd Muxtar da “Meydan TV işi”nə görə həbs edilib.

Onlar, əsasən, qaçaqmalçılıq olmaqla bir neçə maddə ilə ittiham olunurlar.
Jurnalistlər özlərini təqsirli bilmir, peşə fəaliyyətlərinə görə həbs olunduqlarını deyirlər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

ABŞ-də edam cəzası icra edilən məhkum sağ qalıb

Nazim Bəydəmirli ədliyyə nazirinə müraciət edib: “Lazımi tibbi yardımla təmin olunmuram”

Məsafədən kredit götürmək istəyənlər üçün yeni qayda: Vəsait dərhal verilməyəcək

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Təqsirləndirilən şəxs Ramil Babayevə danışıb: “Ürəyimə üç dəfə stent qoyulub, amma müəssisədə dərman yoxdur”

Rusiya Kalininqradla bağlı NATO-ya nüvə xəbərdarlığı edib

Redaktorun Tövsiyələri

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Siyasət

Nazim Bəydəmirli ədliyyə nazirinə müraciət edib: “Lazımi tibbi yardımla təmin olunmuram”

1 Oktyabr 2026

sosial media

Həbsdə olan keçmiş deputat və iş adamı Nazim Bəydəmirli Ədliyyə naziri Fərid Əhmədova müraciət ünvanlayıb. O, saxlanıldığı 6 saylı cəzaçəkmə müəssisəsində hüquqlarının məhdudlaşdırıldığını, səhhəti ilə bağlı müraciətlərinə isə cavab verilmədiyini bildirib. N.Bəydəmirli yazıb ki, səbəbini bilmədiyi halda ona qanunla nəzərdə tutulan hüquqlar baxımından fərqli yanaşılır: “Video görüntülərin bərpa edilməsi ilə bağlı müraciətlərə müsbət cavab verilmir, həyat yoldaşıma baş etibarnamənin rəsmiləşdirilməsi mümkün olmur, həmçinin lazımi tibbi yardım və həkimlə təmin olunmuram”. Bəydəmirli bildirib ki, 13 saylı cəzaçəkmə müəssisəsindən 6 saylı müəssisəyə köçürüldükdən sonra beş aydır karantində saxlanılır və ailəsi ilə videogörüş imkanından məhrum edilib. Onun sözlərinə görə, üç ildən artıqdır qızını...

Davamını oxu

Siyasət

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

30 Sentyabr 2026

Tapdıq Fərhadoğlu

“Toplum TV işi” üzrə 14 il azadlıqdan məhrum edilən media hüquqşünası, “Toplum TV” təsisçisi Ələsgər Məmmədli Azərbaycanın İnsan Hüquqları üzrə Müvəkkili (Ombudsman) Səbinə Əliyevaya açıq məktub ünvanlayıb. O, Bakı Apellyasiya Məhkəməsində işinə baxılması zamanı bir sıra hüquq pozuntularına yol verildiyini bildirib və Ombudsmandan növbəti məhkəmə iclaslarını monitorinq etməyi istəyib. Ələsgər Məmmədlinin müraciətini olduğu kimi təqdim edirik. Bildiyiniz kimi, 8 mart 2024-cü il tarixindən etibarən 32 aydır saxta ittihamla ən təməl hüquqlardan olan azadlıq hüququm kobud şəkildə məhdudlaşdırılıb. Bir hüquqşünas kimi, ömrünün 30 ilindən çoxunu insan hüquqlarının müdafiəsinə və tədrisinə həsr edən bir vətəndaş kimi yeganə sığınacağım hüququn aliliyi, ədalətin bərqərar...

Davamını oxu