Siyasət

CPJ: “Toplum TV” işi üzrə ağır cəza tələbləri Əliyevin mediada qorxu yaratmaq məqsədinə xidmət edir”

11 İyun, 2026

Toplum TV

Beynəlxalq mətbuat azadlığı təşkilatı olan Jurnalistləri Müdafiə Komitəsi (CPJ) "Toplum TV işi" üzrə dövlət ittihamçısının tələb etdiyi cəzalara münasibət bildirib.

Təşkilat iyunun 10-da yaydığı bəyanatda Azərbaycan hakimiyyətini iş üzrə həbsdə olan şəxslərə qarşı ittihamlara son verməyə çağırıb.

“Prokurorların “Toplum TV” ilə əlaqələndirilən doqquz nəfər üçün tələb etdiyi həddindən artıq ağır həbs cəzaları göstərir ki, prezident İlham Əliyevin mediaya qarşı təzyiqləri qorxu mühiti yaratmağa və cəsarətli jurnalistikaya görə qisas almağa yönəlib. Azərbaycan hakimiyyəti "Toplum TV"-yə qarşı qaldırılmış işi dərhal dayandırmalı və haqsız olaraq həbsdə saxlanılan iyirmidən çox jurnalist və media əməkdaşını azad etməlidir", - təşkilatın Avropa və Mərkəzi Asiya üzrə proqram koordinatoru Gülnoza Səid bildirib.

İyunun 8-də Bakı Ağır Cinayətlər Məhkəməsində "Toplum TV işi" üzrə məhkəmə prosesində dövlət ittihamçısı Rauf Malışov çıxış edib.

O, 3 il dövlət və yerli özünüidarə orqanlarında vəzifə tutmaq hüququndan məhrum edilməklə Demokratik Təşəbbüslər İnstitutunun (IDI) rəhbəri Akif Qurbanovun 16, "Toplum TV" həmtəsisçisi Ələsgər Məmmədlinin 15, siyasətçi Ruslan İzzətlinin 16, IDI əməkdaşları Ramil Babayevin 14, Əli Zeynalın 15, İlkin Əmrahovun 14, "Toplum TV" əməkdaşları Müşfiq Cabbarın 14, Fərid İsmayılov və Elmir Abbasovun 13 il müddətinə azadlıqdan məhrum edilməsini təklif edib.

"Toplum TV işi" üzrə ümumilikdə 10 nəfərə cinayət işi açılıb. III Respublika Platformasının spikeri Akif Qurbanov, bu qurumun qurucu heyət üzvü Ruslan İzzətli, “Toplum TV”nin həmtəsisçisi Ələsgər Məmmədli, videoredaktor Müşfiq Cabbar, jurnalist Fərid İsmayılov, Demokratik Təşəbbüslər İnstitutunun əməkdaşları Əli Zeynal, İlkin Əmrahov və Ramil Babayev həbs olunublar.

Jurnalist Elmir Abbasov polis nəzarətinə verilib, “Toplum TV” redaktoru Şahnaz Bəylərqızı isə əvvəlcə ev dustaqlığına buraxılıb, sonra haqqında polis nəzarətinə verilməklə qətimkan tədbiri seçilib.

"Toplum TV işi" üzrə həbs edilənlər öncə qaçaqmalçılıqda ittiham edilsələr də, sonradan ittiham ağırlaşdırılıb.

Onlar ittihamları rədd edir, siyasi sifariş əsasında həbs olunduqlarını bildirirlər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Qumar oyunları üçün cəzalar sərtləşdirilir

NATO Baltik səmasında təhlükə yaradan hərbi təyyarələrin vurulmasına icazə verdi

Zabil Qəhrəmanovun vəkilinin vəsatətləri təmin olunmayıb

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Qanuna yeni dəyişiklik: "Əxlaqsız ifadələr"ə yer verən saytlara giriş bloklanacaq

İqbal Əbilovun "kars"a salındığı deyilir

Redaktorun Tövsiyələri

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Nazir universitetlərdə təhsil haqlarının artırılmasını istəyir?

Dövlət borcunun görünməyən tərəfi: Təminat Fondunun resursları niyə tükənir?

Siyasət

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

10 İyul 2026

Human Rights Watch

"Toplum TV işi" üzrə həbsdə olan, Demokratik Təşəbbüslər İnstitutunun (IDI) əməkdaşı Ramil Babayev saxlanıldığı Bakı İstintaq Təcridxanasında iki məhbusdan müsahibə alıb. Hər iki məhbus ayrı-ayrılıqda "Bandotdel" kimi tanınan Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi (BMCMİ) tərəfindən saxlanılıblar. Onlar narkotik maddə satışında ittiham edilsələr də, şərləndiklərini və yalançı ifadəyə imza atmaq üçün işgəncəyə məruz qaldıqlarını və ya təhdid edildiklərini deyirlər. R.Babayev məhbusların təhlükəsizliyini qorumaq üçün onlara şərti olaraq "İsa" və "Şəhriyar" adları verib. "Dostumla birlikdə ara küçələrin birində gedirdik. Birdən mülki geyimli bir nəfər arxadan qolumdan tutdu, eyni anda küçənin kənarında dayanan maşından düşən başqa bir nəfər də digər...

Davamını oxu

Siyasət

Qanuna yeni dəyişiklik: "Əxlaqsız ifadələr"ə yer verən saytlara giriş bloklanacaq

10 İyul 2026

Milli Məclis

Milli Məclis “İnformasiya, informasiyalaşdırma və informasiyanın mühafizəsi haqqında” qanuna yeni dəyişikliyi qəbul edib. Milli Məclisin iyulun 10-da keçirilən iclasında müzakirəyə çıxarılan dəyişikliyə əsasən, internet informasiya ehtiyatlarına giriş müəyyən hallarda müvəqqəti olaraq məhdudlaşdırıla bilər. Buraya narkotik, qumar və intiharın təbliği, pornoqrafik məzmun, əxlaqsız ifadələr, təhqir və şəxsi həyatın toxunulmazlığını pozan informasiyaların yerləşdirilməsi halları daxildir. Qanun layihəsinə əsasən, bu cür informasiyaların yerləşdirilməsi hallarında internet informasiya ehtiyatına və ya onun müvafiq hissəsinə giriş icra hakimiyyəti orqanının qərarı əsasında müvəqqəti olaraq məhdudlaşdırılacaq. Qanun layihəsi səsverməyə çıxarılaraq üçüncü oxunuşda qəbul edilib.

Davamını oxu