Siyasət

Deputat: “Rusiyanın mövqeyi dəyişməzsə, Azərbaycan beynəlxalq məhkəməyə müraciət edəcək”

7 Fevral, 2025

Toplum TV/kollaj

“Əgər Rusiyanın qeyri-konstruktiv mövqeyi dəyişməzsə, o zaman Azərbaycanın irəli sürdüyü tələblərin icrasını və ən vacibi isə ədaləti təmin etmək üçün beynəlxalq məhkəməyə müraciət edəcək. Təyyarənin Rusiya tərəfindən vurulması faktı ilkin hesabatda bir daha təsdiqini tapdı. Rusiya bundan dərhal sonra gerçəkliyi qəbul edib günahını etiraf etmək, bu cinayəti törədənləri cəzalandırmaq, dəymiş ziyanı və o cümlədən zərərçəkənlərə müvafiq kompensasiyanı ödəmək əvəzinə, məsuliyydən yayınmaq və hadisələri təhrif etmək taktikasını davam etdirir”.

Bunu, Real TV-nin efirində Milli Məclisin deputatı Azay Quliyev deyib.

Deputat qeyd edib ki, kifayət qədər dəlil olduğuna görə beynəlxalq məhkəmə Azərbaycanın müraciətini qəbul edəcəyinə şübhə yoxdur.

Bu gün Kremlin sözçünü Dmitri Peskov jurnalistlərə açıqlamasında deyib ki, Rusiya prezidenti Vladimir Putin Azərbaycanın AZAL aviaşirkətinin qəzaya uğraması ilə bağlı açıqlama verməyi planlaşdırmır.
“Xeyr, heç bir plan yoxdur”, - deyə o, Azərbaycan mətbuatında Rusiyanın insidentə görə məsuliyyəti öz üzərinə götürməsi təklifi ilə çıxış edən KİV-lərlə bağlı sualı cavablandırıb.

Dekabrın 25-də Bakı-Qroznı reysi ilə uçan Embaer-190 təyyarəsi Qazaxıstanın Aktau şəhəri yaxınlığında qəzaya uğrayıb. Təyyarədəki 67 nəfərdən 38-i həlak olub.

Azərbaycan rəsmiləri qəzaya görə Rusiyanın məsuliyyət daşıdığını bildiriblər. Buna görə, Azərbaycan Rusiyadan qəzaya görə günahkarların cəzalandırılmasını və kompensasiya tələb edir.

Rusiya prezidenti Vladimir Putin Azərbaycan prezidenti İlham Əliyevlə telefon danışığında qəzanın bu ölkənin səmasında baş verməsinə görə üzrxahlıq etsə də, baş verənlərə görə ölkəsinin məsuliyyət daşıdığını etiraf etməyib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Ukrayna əsgərləri: “Kurskdan geri çəkilmək qorxu filmi kimi idi”

Hüquqşünas: Hökumət repressiyanı beynəlxalq arenaya daşıyır

Azərbaycan və Ermənistan sülh razılaşması: “Nə hərb, nə sülh” vəziyyəti

ADY: Bakı-Tbilisi-Bakı dəmir yolu reysi ilə bağlı yekun qərar yoxdur

AB rəsmiləri “Azadlıq radiosu”nu müzakirə edəcək

Hüquqşünas Sübhan Həsənli axtarışa verilib

Redaktorun Tövsiyələri

Kənd təsərrüfatında durğunluq: istehsal azalır, idxal artır

Niyə Qarabağda evlər başqa rayonlarla müqayisədə çox baha tikilir?

Azərbaycan 2024-cü ildə qeyri-neft ixracını artıra bilməyib, kənd təsərrüfatı cəmi 1% böyüyüb

Trampın qərarları Azərbaycanın büdcə gəlirlərini azalda bilər

Azərbaycanda əhalinin hər üç nəfərindən yalnız birinin təhlükəsiz su xidmətlərinə çıxışı var

Regional inkişaf proqramlarının uğursuz nəticəsi: regionlarda rəsmi iş yerləri azalıb

Siyasət

Hüquqşünas: Hökumət repressiyanı beynəlxalq arenaya daşıyır

17 Mart 2025

Səməd Rəhimli/şəxsi arxiv

Azərbaycan Baş Prokurorluğu mühacirətdə olan bir neçə şəxsi İstintaq İdarəsinə çağırıb. Aralarında bəzi bloqqer, biznesmen və internet kanallarının rəhbərinin də olduğu bu şəxslər müxtəlif maddələrlə ittiham edilirlər. Onların biri son illər Azərbaycan hakimiyyətini kəskin tənqid edən ”Akkord" şirkətinin rəhbəri İlqar Hacıyevdir. Prokurorluq İ.Hacıyevin Cinayət Məcəlləsinin dələduzluq maddəsi ilə ittiham olunduğunu, onun barəsində axtarış elan edildiyini və artıq həbs-qətimkan tədbirinin seçildiyini vurğulayır. Həmçinin, bloqqerlər Məhəmməd Mirzəli, Elşad Məmmədov və Qabil Məmmədov da Baş Prokurorluğa çağırılıb. Baş Prokurorluğa çağırılan mühacirlərdən biri də hüquqşünas, "Azərifreedom" kanalının rəhbəri Qurban Məmmədovdur. Q.Məmmədov da terrorçuluq və daha bir neçə başqa maddələrlə ittiham edilir. Baş Prokurorluğa çağırılan...

Davamını oxu

Siyasət

Azərbaycan və Ermənistan sülh razılaşması: “Nə hərb, nə sülh” vəziyyəti

17 Mart 2025

Maxim Shemetov/AFP

Azərbaycan və Ermənistanın sülh müqaviləsi üzrə danışıqlarını başa çatdırmaqlarına baxmayaraq, Azərbaycan qarşı tərəf haqqında müharibəyə hazırlaşmaq iddiaları qaldırır. Azərbaycan prezidenti İlham Əliyev martın 13-dəki çıxışında bu iddianı səsləndirib və deyib ki, “Ermənistanın sözünə inanmaq olmaz”. Üstəlik, Azərbaycan tərəfi Ermənistandan sülh razılaşmasına daxil olmayacağı bildirilən məsələlərin həllində də israrlıdır. Bu zaman ortaya sual çıxır: Azərbaycan və Ermənistan sülh razılaşmasını həqiqətən imzalamağa hazırdırmı? Siyasi şərhçi Ərəstun Oruclu Toplum TV-yə bildirib ki, belə bir mühitdə sülh razılaşmasının imzalanacağına inanmaq çətindir. O düşünür ki, sülh müqaviləsi bu il də imzalanmayacaq. “Bunun səbəbi geosiyasi vəziyyətdir. Rusiya istəyir ki, müqavilə onun vasitəçiliyi ilə imzalansın. Amma Avropa...

Davamını oxu