Siyasət

İlham Əliyev Ankaradakı zirvə görüşündə iştirak etməyəcək

29 Oktyabr, 2026

president.az

Azərbaycan prezidenti İlham Əliyev Ankarada keçiriləcək Türk Dövlətləri Təşkilatının (TDT) 13-cü Zirvə Görüşündə iştirak etməyəcək. Azərbaycanı tədbirdə xarici işlər naziri Ceyhun Bayramov təmsil edəcək.

“Report”un məlumatına görə, dövlət başçısının oktyabrın 30-da Bakıda əvvəlcədən planlaşdırılmış tədbirdə iştirakı səbəbindən Türkiyəyə səfəri baş tutmayacaq. İlham Əliyevin həmin gün Bakıda keçiriləcək FİFA U-15 Dünya Çempionatı və Festivalının finalından sonra təşkil olunacaq mükafatlandırma mərasimində iştirakı nəzərdə tutulur.

Prezidentin tapşırığı ilə Ceyhun Bayramov zirvə görüşündə, eləcə də onun çərçivəsində keçiriləcək digər tədbirlərdə Azərbaycan nümayəndə heyətinə başçılıq edəcək.

TDT-nin 13-cü Zirvə Görüşü Türkiyə prezidenti Rəcəb Tayyib Ərdoğanın ev sahibliyi ilə keçiriləcək.
Ərdoğan oktyabrın 21-də Əliyevə zəng edərək onu zirvə görüşünə dəvət etmişdi.

Dəvət Azərbaycan məktəblərində hicablı şagirdlərin və müəllimlərin tədrisə buraxılmaması ilə bağlı müzakirələrin Türkiyədə də tənqid olunduğu dövrə təsadüf edib. Türkiyə prezidentinin baş müşaviri Oktay Saral bu məhdudiyyətləri “qəbuledilməz” adlandırmış, hakim Yeni Azərbaycan Partiyası isə onun açıqlamalarını Azərbaycanın daxili işlərinə müdaxilə kimi qiymətləndirmişdi.
Daha sonra Ərdoğan Oktay Saralı vəzifəsindən azad edib.

Oktyabrın 19-da Azərbaycan Baş Prokurorluğu Türkiyədə yaşayan yeddi nəfər barəsində beynəlxalq axtarış qərarı verildiyini açıqlayıb. Ardınca Xarici İşlər Nazirliyi Türkiyənin 31 vətəndaşını “arzuolunmaz şəxslər” elan edərək onların ölkəyə girişinə qadağa qoyub.

XİN qərara həmin şəxslərin sosial şəbəkələrdə və internet platformalarında Azərbaycanın suverenliyinə, milli təhlükəsizliyinə və konstitusiya quruluşuna qarşı, həmçinin dini nifrət və düşmənçiliyi qızışdırmağa yönəlmiş açıqlamalar verdiklərini əsas göstərib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Hüquq müdafiəçisi: “Şahid qismində dindirilən polis Dəyanət Çələbini prokurorun ‘israrından’ sonra tanıdı”

Məktəblinin ölümündən sonra jurnalistlərlə baş verən insidentə görə cinayət işi başlanıb

Dnepr şəhərində dəmir yolu vağzalına dron hücumu: azı 14 nəfər ölüb

Namizəd Səfərov zərərçəkən kimi tanınan şəxs barəsində cinayət işi başlanmasını istəyib

Hacı Vəliyevin cəzası 6 ay azaldılıb

Mirzoyan: “Hikmət Hacıyevin Ermənistandan üzr tələbi sülhə töhfə vermir”

Redaktorun Tövsiyələri

Əli Zeynal, İlkin Əmrahov, Ramil Babayev və Fərid İsmayılov: “Fikirdə, hədəfdə, əməldə birlik!”

IDI hesabat yayıb: “Toplum TV işi” üzrə məhkəmə prosesi ciddi ədalətsizliklərlə müşayiət olunub

TƏBİB Səhiyyə Nazirliyinin tabeliyinə verildi: 8 il əvvəlki sistemə qayıdış?

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Siyasət

Hüquq müdafiəçisi: “Şahid qismində dindirilən polis Dəyanət Çələbini prokurorun ‘israrından’ sonra tanıdı”

29 Oktyabr 2026

sosial media

Həbsdə olan müəllim və hökumət tənqidçisi Dəyanət Çələbinin cinayət işi üzrə məhkəmə prosesi keçirilib. Oktyabrın 29-da Bakı Ağır Cinayətlər Məhkəməsində hakim Mahirə Kərimovanın sədrliyi ilə keçirilən iclasda polis əməkdaşı şahid qismində dindirilib. Hüquq müdafiəçisi Zəfər Əhmədovun “Toplum TV”yə verdiyi məlumata görə, polis əməkdaşı ifadəsində hadisə yerinə çatanda bir nəfərin yerdə uzandığını və yaxınlıqda bıçaq gördüyünü deyib. “Prokuror ondan məhkəmə zalında təqsirləndirilən şəxsi tanıyıb-tanımadığını soruşduqda, polis əməkdaşı “yox, burada yoxdur” cavabını verdi. Prokuror “yaxşı bax, necə yəni burada yoxdur?” dedi. Nəhayət, prokurorun işarəsindən sonra baxdı və Dəyanət Çələbini göstərdi. Polis əməkdaşı bildirdi ki, onu sadəcə “akvariumda” axtarırdı, sən demə, D.Çələbi vəkillərin...

Davamını oxu

Siyasət

Məktəblinin ölümündən sonra jurnalistlərlə baş verən insidentə görə cinayət işi başlanıb

29 Oktyabr 2026

sosial media

Bakının Yasamal rayonunda yerləşən 225 nömrəli tam orta məktəbdə çəkiliş aparan “Real TV” əməkdaşlarına qarşı zorakılıq iddiaları ilə bağlı cinayət işi başlanıb. Yerli medianın sorğusuna cavab olaraq Daxili İşlər Nazirliyinin Mətbuat Xidmətindən bildirilib ki, hadisədə iştirak etdiyi deyilən üç nəfərin şəxsiyyəti müəyyənləşdirilib və onlar Cinayət Məcəlləsinin müvafiq maddəsi ilə məsuliyyətə cəlb olunublar. Media orqanının yaydığı məlumata əsasən, çəkiliş qrupu məktəb həyətində bir qrup şəxsin fiziki hücumuna məruz qalıb. Operatorun və stajorun müxtəlif dərəcəli xəsarətlər aldığı bildirilib. Bakı Şəhəri üzrə Təhsil İdarəsi bildirib ki, hadisənin şahidi olan məktəb kollektivi üzvlərinin, şagird və valideynlərin iştirakı ilə araşdırma aparılacaq, nəticəyə uyğun tədbirlər görüləcək....

Davamını oxu