Siyasət

Latviyada Rusiyaya hərbi avadanlıq satmaqda ittiham olunan azərbaycanlıya 11 il həbs verilib

19 Mart, 2026

Foto: LTV

Latviyada təhsil alan Azərbaycan vətəndaşı Əli Xəlilov Rusiyaya hərbi təyinatlı avadanlıqlar satmaqda təqsirli bilinərək 11 il müddətinə azadlıqdan məhrum edilib.

Latviyanın “LTV” kanalının məlumatına görə, azərbaycanlıya qarşı "xarici dövlətin digər dövlətə qarşı fəaliyyətlərinə yardım etmək" və "qabaqcadan əlbir olan şəxslər tərəfindən beynəlxalq sanksiyaları pozmaq" maddələri ilə ittiham irəli sürülüb.

Dövlət ittihamçısı Robert Urzdinş telekanala bildirib ki, bu işdə fərqli ölkələrdən bir neçə şəxs iştirak edib:

“Bu işdə çox sayda insan iştirak edib. Əlaqəli şəxslər Almaniya, Latviya və Rusiyada olub. Təşkilatlanmış qrupun əsas üzvləri isə Rusiyada yerləşib. Əhəmiyyətli məqam həm də odur ki, söhbət hərbi istifadəyə yararlı mallardan gedir”, - o deyib.

Cinayət işində Xəlilovun əsas təşkilatçı olduğu iddia olunur. Onun saxta elektron hesablar yaratmaqla və başqa şəxslərin bank hesablarından istifadə etməklə "Starlink" cihazları sifariş etdiyi və Rusiyaya göndərdiyi bildirilir.

Bundan əlavə, tələbənin hərbi məqsədlər üçün nəzərdə tutulmuş bel çantaları, gödəkçələr, hava şəraitini ölçən cihazlar, silah karkasları, optik nişangahlar, kalibrator və mərmi sürətini ölçən xronoqraflar da sifariş edib göndərdiyi deyilir.

Əli Xəlilov isə ittihamları qəbul etmir. Hökm hələ qüvvəyə minmədiyinə görə, o, apellyasiya şikayəti verə bilər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

AŞPA Azərbaycan hökumətinə qarşı yeni qətnamə qəbul edib

ABŞ Senatı Trampın hərbi səlahiyyətlərini məhdudlaşdıran qətnamə qəbul edib

Müdafiəçiləri: "Əli Kərimlinin kamerasına məqsədyönlü şəkildə psixoloji problemləri olan şəxs salınıb”

Putin istefa verən Cənubi Osetiya rəhbərini özünə müşavir təyin etdi

"Kərimə dövləti" qurmağa cəhddə ittiham olunan inanclı fəal aclıq edir

Almaniyadan Tacikistana göndərilən müxalifət fəalı ölkəyə çatan kimi saxlanılıb

Redaktorun Tövsiyələri

Dövlət borcunun görünməyən tərəfi: Təminat Fondunun resursları niyə tükənir?

300 milyardlıq fond, sanksiyaların ləğvi, aktivlərin qayıdışı: İran qalib sayıla bilər?

İcra hakimiyyəti: "Bayırşəhərdə binaların memarlıq abidələri siyahısından çıxarılması üçün tədbirlər görülür"

Azərbaycana turist axını azalır: Milyonlarla manatlıq təşviqat niyə nəticə vermir?

Akif Qurbanovla müsahibə: “‘Tək adam’ rejiminin sahibi Əliyevi daşı ətəyindən tökməyə səsləyirəm”

İcbari Tibbi Sığorta Fonduna ödənişlər niyə azalır?

Siyasət

AŞPA Azərbaycan hökumətinə qarşı yeni qətnamə qəbul edib

24 İyun 2026

Toplum TV

İyunun 24-də Avropa Şurası Parlamentlər Assambleyasında (AŞPA) Azərbaycan haqqında növbəti qətnamə müzakirəyə çıxarılıb. AŞPA-nın Mədəniyyət, Elm, Təhsil və Media Komitəsinin müəllifi olduğu qətnamədə komitə Azərbaycan hakimiyyətini Avropa Şurasının Nizamnaməsi, Avropa İnsan Hüquqları Konvensiyası və digər beynəlxalq müqavilələr çərçivəsində üzərinə götürdüyü öhdəliklərə riayət etməyə çağırır. Həmçinin, komitə hökumətdən jurnalistlərə qarşı təhdidlərə, hədə-qorxuya və cinayət təqibinə son qoyulmasını, həbsdə olan jurnalistlərin dərhal azad edilməsini və onlara qarşı törədilmiş bütün cinayətlərin lazımi qaydada araşdırılmasını təcili şəkildə tələb edir. Qətnamədə Belçikadan olan parlamentari Kristof Lakruanın məruzəçi kimi hazırladığı hesabata istinad edilir və Azərbaycandakı vəziyyət “ifadə azadlığına açıq və sistemli hörmətsizlik” kimi qiymətləndirilir. "Azərbaycanda media...

Davamını oxu

Siyasət

Müdafiəçiləri: "Əli Kərimlinin kamerasına məqsədyönlü şəkildə psixoloji problemləri olan şəxs salınıb”

24 İyun 2026

Sosial media

Azərbaycan Xalq Cəbhəsi Partiyasının (AXCP) həbsdə olan sədri Əli Kərimliyə qarşı psixoloji təzyiqlərin olduğu deyilir. Ə.Kərimlinin Hüquqlarını Müdafiə Komitəsinin yaydığı məlumata görə, partiya sədrinin saxlanıldığı kameraya məqsədyönlü şəkildə psixoloji problemləri olan şəxs salınıb. "Bu şəxsin psixi sağlamlıq durumu başqaları üçün işgəncə şəraiti yaradır. Bu şəxsin gecə saatlarında uca səslə anlaşılmaz “zikr etmə vərdişi” onunla eyni kamerada yaşamağa məcbur edilənləri yuxu imkanlarından məhrum edir. Biz həmin şəxsin kimliyini də bilirik, onun bioqrafik göstəriciləri də bizə bəllidir, dəqiq bilirik ki, bu cür şəxslər mütləq təkadamlıq kameralarda yerləşdirilməli və müalicə alıb psixi sağlamlıq durumu tam normallaşana qədər mütəxəssis həkim nəzarəti altında olmalıdırlar. Biz...

Davamını oxu