Siyasət

Bakıdan almaniyalı nazirə cavab: “COP29-dan öz seçki kampaniyası üçün istifadə etməyə çalışır”

25 Noyabr, 2024

Newscenter

Almaniyanın xarici işlər naziri Annalena Berbok COP29-da iqlim dəyişikliyilə bağlı mübarizənin maliyyələşdirilməsi məsələsində Bakının mövqeyini haqsız hesab edib (Turan). Bu barədə o, X platformasında yazıb.

Avropa İttifaqının tarixi məsuliyyətlə üzləşdiyini bildirən nazir fikrini belə davam etdirir: “Biz imkan verməyəcəyik ki, yeni zəngin emitentlər Prezidentliyin dəstəyilə kasıb ölkələri qarət etsinlər".

Azərbaycan prezidentinin xarici siyasət məsələləri üzrə köməkçisi Hikmət Hacıyev Almaniyanın nazirinə X platformasında cavab verib. O, COP29-un uğurla başa çatdığını bildirib: “və digər mühüm nailiyyətlər arasında yeni maliyyə hədəfinin müəyyənləşdirilməsilə qlobal iqlim fəaliyyəti tarixində “Bakı sıçrayışı” kimi öz damğasını vurub”.

Prezidentin köməkçisi hesab edir ki, danışıqların ən kritik və çətin anlarında dünya Qərbdən konkret maliyyə öhdəlikləri gözlədiyi bir vaxtda Almaniyanın xarici işlər nazirinin COP29-a sədrlik edən Azərbaycana və konvensiyanın digər tərəflərinə qarşı ittihamlar səsləndirməsi qəbuledilməz idi.

“Təəssüf ki, xanım Berbok Almaniyada keçiriləcək seçkiləri daxili siyasət kimi son dərəcə mürəkkəb, çoxtərəfli diplomatiya ilə qarışdırır, ola bilsin ki, COP29-dan öz seçki kampaniyası üçün platforma kimi istifadə etməyə çalışır.

O həmçinin nəzərə almalı idi ki, bu çətin danışıqlar Avropanın liderlik nümayiş etdirə bilmədiyi və dünyanın geosiyasi baxımdan dərin qütbləşdiyi bir vaxtda Almaniya kansleri və Avropa Komissiyasının iştirakı olmadan baş verib. Lakin biz Almaniya və Avropa İttifaqının iqlim danışıqları qruplarının peşəkar töhfəsini və əməkdaşlığını tanıyırıq”, H.Hacıyev yazıb.

Prezidentin köməkçisi fikrini onunla yekunlaşdırıb ki, dünya Azərbaycanın COP29-un ev sahibi və sədri kimi, nəticələr əldə etmək üçün vicdanlı vasitəçi olaraq çıxış etdiyini görüb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Məhkəmə Fərid Mehralızadənin şikayətini təmin etmədi

Britaniya Rusiyanın kölgə donanmasının 30 tankerinə sanksiya tətbiq etdi

9 milyon manatlıq mənimsəmə iddiası, 12 illik həbs – TÜRKİYƏLİ İŞ ADAMINA HÖKM OXUNUB

Yerevanda gürcüstanlı fəal Samirə Bayramovanı təyyarədən çıxmağa qoymayıblar

Rusiya ordusu Ukrayna şəhərlərini vurmağa davam edir

Teymur Kərimovun məhkəməsində vəsatət yenə təmin edilmədi

Redaktorun Tövsiyələri

Merkel Ukraynanın NATO-ya qəbul edilməsinə mane olmağa çalışıb

Azər Qasımlı: “Ola bilsin, məni həbs etmək üçün nəsə uydurublar” (Yenilənir)

Rəsulzadənin sözlərinin əks edildiyi lövhə niyə yerinə qaytarılmayıb? - Nazirlikdən cavab

AİHM-in qərarına əsasən Azadlıq qəzetinin əməkdaşına təzminat ödənəcək

Keçmiş icra başçısının oğlu 1 milyon manatlıq vergi borcuna görə ölkədən qaçdı, 2 milyonluq zərərə düşdü

Fransa səfiri də Azərbaycan XİN-ə çağırıldı

Siyasət

Məhkəmə Fərid Mehralızadənin şikayətini təmin etmədi

25 Noyabr 2024

amerikanınsəsi

Noyabrın 25-də Xətai Rayon Məhkəməsi “Abzas Media işi” üzrə həbs edilmiş iqtisadçı Fərid Mehralızadənin şikayətinə baxıb. O, mənzilindəki axtarış zamanı və götürülmüş əşyalarına baxış prosesində istintaq orqanının hərəkətlərindən şikayət edib. Məhkəmə şikayəti təmin etməyib. Mehralzadə iyunun 1-də qaçaqmalçılıq ittihamıyla həbs edilib, sonradan ittihamların sayı artırılıb, sentyabrın 6-da həbs müddəti dekabrın 19-dək uzadılıb. Özü ittihamları uydurma adlandırır.

Davamını oxu

Siyasət

Yerevanda gürcüstanlı fəal Samirə Bayramovanı təyyarədən çıxmağa qoymayıblar

25 Noyabr 2024

InterPress.ge

Yerevanda Gürcüstan vətəndaşı, tanınmış ictimai fəal Samirə Bayramovanı təyyarədən çıxmağa qoymayıblar (https://t.me/jamnewsru/20490). O, WAW aviaşirkətinin Tbilisiyə uçan, amma pis hava şəraitinə görə Ermənistan paytaxtına enmiş təyyarəsində olub. Bayramova sosial şəbəkədəki paylaşımında yazıb ki, sərhədçilər ona “Problem sənin milliyyətindir” deyiblər. “Biz niyə bu münaqişənin bir hissəsi olmalıyıq? Bu, Nikol Paşinyanın demokratik bəyanatlarına uyğun gəlmir”, o sual edir. Sonrakı paylaşımında isə Bayramova bunları yazıb: “Bəzi azərbaycanlı təbliğatçılar bu barədə yazırlar, amma təəssüf ki, Azərbaycan tərəfi də etnik ermənilərə belə münasibət göstərir. Sualımı təkrarlayıram: biz niyə bu problemin bir hissəsi olmalıyıq?”

Davamını oxu