Siyasət

“Tərtər işi” ilə bağlı ittiham olunan 4 nəfər Ali Məhkəməyə müraciət edib

5 Fevral, 2025

170

sosial media

“Tərtər işi” ilə bağlı ittiham olunan dörd nəfər barələrindəki hökmdən kassasiya şikayəti veriblər.

İş icraata verilib. Hələlik məhkəmənin keçirilmə tarixi təyin edilməyib.

Hökmdən şikayət verən şəxslərdən Ruslan Mikayılov Bakı Hərbi Məhkəməsinin hökmünə əsasən 6 il 10 ay, Cabir Qəhrəmanov 6 il 8 ay, Elçin Əliyev isə 5 il 8 ay, Sənan Maşıyev 4 il 10 ay müddətinə azadlıqdan məhrum edilib.

Bakı Apellyasiya Məhkəməsi onların hər birinin cəzasını 3 ay azaldıb.

Tərtərdəki xüsusi təyinatlı hərbi qrupun komandiri olmuş leytenant Ruslan Mikayılov və üç gizir – Sənan Maşıyev, Cabir Qəhrəmanov və Elçin Əliyev 180 nəfərdən çox hərbçiyə işgəncə verməkdə, bir neçəsini döyə-döyə öldürməkdə təqsirli sayılıblar.

2021-ci ilin dekabrında “Tərtər işi” üzrə yenidən istintaq başlayandan sonra 452 nəfər zərərçəkmiş qismində tanınıb.

İşgəncə verməyə görə cinayət məsuliyyətinə cəlb olunanlardan bütövlükdə üç qrup üzrə 13 nəfərin işi məhkəməyə göndərilib.

Onlara Cinayət Məcəlləsinin 145.3 (qanunsuz azadlıqdan məhrum etmə), 293.2 (işgəncə, işgəncə hesab olunmayan qəddar, qeyri-insani, yaxud ləyaqəti alçaldan rəftar və ya cəza), 341.2.2 (vəzifə səlahiyyətlərini aşma), 341.2.3 və 128-ci (qəsdən sağlamlığa yüngül zərər vurma) və digər maddələri ilə ittiham irəli sürülüb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Moskva vilayətindəki Azərbaycan diasporunun rəhbəri Rusiya vətəndaşlığından çıxarılıb

"Abzas"çılar aclıq aksiyasını dayandırıb

İmamoğluna 8 il 9 aya qədər həbs cəzası tələb olunur

Media qanununa dəyişikliklər: “Adlar əxlaqa zidd olmamalıdır”

“Meydan TV”-nin qadın jurnalistləri “Abzas”çılara dəstək üçün aclıq aksiyasına başlayıb

Rusiya Norveç Helsinki Komitəsini “arzuolunmaz” təşkilat elan edib

Redaktorun Tövsiyələri

“Moskva yaranmış vəziyyətdən “qalib” çıxmaq üçün ən ağlasığımaz təxribatlara əl atacaq”

İdxalda kəskin bahalaşma: Ərzaq və geyim məhsullarında rekord qiymət artımı

Paşinyan və düşmənləri arasında son döyüş

63 milyondan çox vəsaitin ayrıldığı penitensiar müəssisələrdə ağır sanitar-gigiyena problemləri

Hökumətyönlü mətbuatın “istintaq sirləri”: Sızdırılma, yoxsa təxəyyül məhsulu?

Cəmiyyətin və hökumətin əxlaq problemi - Fariz Namazlının yazısı

Siyasət

Moskva vilayətindəki Azərbaycan diasporunun rəhbəri Rusiya vətəndaşlığından çıxarılıb

4 İyul 2025

Foto: APA

Moskva vilayəti Azərbaycanlıları Regional Milli-Mədəni Muxtariyyətinin sədri Elşən İbrahimovun Rusiya vətəndaşlığı ləğv olunub. O, APA-ya məlumatı təsdiqləyib. Məlumata görə, vətəndaşlıqdan məhrumetmə “Rusiya Federasiyasının milli təhlükəsizliyinə təhdid yaradan hərəkətlərə görə” baş verib. E.İbrahimov bildirib ki, bir neçə gündən sonra Azərbaycana qayıdandan sonra bu barədə açıqlama verəcək. Elşən İbrahimov vətəndaşlığının ləğvinin səbəbini bir neçə gün sonra Azərbaycana qayıdanda açıqlayacağını bildirib. Rusiya ilə Azərbaycan arasında münasibətlər Yekaterinburqda polisin bir neçə etnik azərbaycanlının həbsi və illər əvvəl törədilmiş qətl ittihamı ilə nəticələnən reydindən sonra kəskin şəkildə pisləşib. Gərginlik fonunda Rusiyada azərbaycanlı, Azərbaycanda isə rus vətəndaşları zorakılıqla həbs edilib.

Davamını oxu

Siyasət

Tramp “Zəngəzur dəhlizi”nin açılması üçün ABŞ-ın iştirakını təklif edir

3 İyul 2025

Foto/kollaj: Toplum TV

ABŞ Prezidenti Donald Trampın administrasiyasının Azərbaycan və Ermənistan arasında mübahisəli məsələlərdən biri olan “Zəngəzur dəhlizi”nin həlli üçün ABŞ-ın iştirakını təklif etdiyi bildirilir. Bu barədə iyulun 1-də Karneqi Rusiya və Avrasiya Mərkəzinin analitiki Olesya Vartanyan yazısında xəbər verib. O, adını açıqlamadığı mənbələrə istinadən qeyd edib ki, Tramp administrasiyası təklifin həyata keçməsi üçün Azərbaycan və Ermənistana təzyiq edir. “Bu gün danışıqları dirçəltmək iqtidarında olan yeganə oyunçu, bəlkə də, Birləşmiş Ştatlardır. Qlobal münaqişələrin həllindəki səylərini nümayiş etdirməyə can atan Tramp administrasiyası, daha əvvəl Avropa İttifaqının təklif etdiyi modelə bənzər, lakin Amerika strateji məntiqinə əsaslanan yeni bir plan irəli sürüb: ABŞ biznes subyektinin “Zəngəzur...

Davamını oxu