Dünya

Lukaşenko Belarus və Rusiyanın İttifaq dövləti çərçivəsində daha da yaxınlaşmalarını istəyir

2 Aprel, 2021

1384

Açıq mənbələrdən götürülüb

Belarus prezidenti Aleksandr Lukaşenko rusiyalı həmkarı Vladimir Putini Xalqların birlik günü münasibətilə təbrik edib.

"RİA Novosti"nin aprelin 2-də verdiyi xəbərə görə, təbrikdə hər iki ölkənin misli görünməmiş xarici təzyiqə məruz qalmasından şikayət yer alıb.

Bununla əlaqədar Lukaşenko Putinə İttifaq dövləti çərçivəsində inteqrasiyanı dərinləşdirməyi təklif edib: “Belə halda İttifaq dövlətinin bütün müstəvilərdə konsolidasiyası bizə çağdaş həmlələrin və təhdidlərin spektrinə operativ və effektli reaksiya göstərmək imkanı verər, regionda təhlükəsizliyi və strateji sabitliyi etibarlı şəkildə təmin edər”.

Onun sözlərinə görə, inteqrasiyanın “iki dövlətin bərabərliyi və müstəqilliyi əsasında” dərinləşməsində həm ruslar, həm belaruslar maraqlıdırlar. O, qeyd edib ki, 2020-ci ildə “bir çoxlarının bəsit hesab etdiyi imkanların nə qədər vacib olduğunu bir daha gördük”.

Lukaşenko əvvəllər Belarusun Rusiyanın tərkibinə daxil olması variantını rədd etmişdi. O, bildirmişdi ki, belaruslar öz evlərində yaşayırlar. “Dünya o qədər dəyişib ki, bu istiqamətdə fəaliyyət göstərmək axmaqlıq olardı. Həm də bu tamamilə lazımsızdır”, - o demişdi.

2019-cu il ərzində və 2020-ci ildə Belarusda kütləvi etiraz aksiyalarına səbəb olan prezident seçkilərinə qədər Lukaşenko çoxvektorlu siyasət aparmağın və müstəqil dövlət qurmağın zəruriyindən danışırdı. O, dəfələrlə Rusiyanın “imperiya ədalarından” şikayətlənmiş və İttifaq dövləti çərçivəsində inteqrasiya layihəsini tənqid etmişdi.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Paşinyan Putindən Ermənistandan idxal qadağalarını götürməyi xahiş edib

Ukraynanın kəşfiyyat xidməti: "Azərbaycan Rusiyanın Qafqazda dominantlığına son qoyub"

Zelenski: “İran müharibənin ilk günlərindən Rusiyaya silah və dronlar verib”

Putin: "Qərb Rusiyaya qarşı sanksiyaların sayında rekord qırır, amma özlərinə zərər verir"

Aİ Rusiyaya qarşı 21-ci sanksiyalar paketini qəbul etdi

Kreml: "Əliyevin Ukraynanın ərazi bütövlüyü ilə bağlı mövqeyi yanlışdır"

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Dünya

Ukrayna Rusiyada iki neft emalı zavoduna zərbə endirdiyini açıqlayıb

22 Sentyabr 2026

sosial media

Ukrayna Müdafiə Qüvvələri Rusiyanın Ufa və Samara şəhərlərində yerləşən iki neft emalı zavoduna zərbə endirdiyini bildirib. Bu barədə Ukrayna Silahlı Qüvvələrinin Baş Qərargahı məlumat yayıb. Açıqlamaya görə, sentyabrın 22-nə keçən gecə Başqırdıstan Respublikasının Ufa şəhərindəki “Başneft-UNPZ” neft emalı zavodu vurulub. Zərbədən sonra müəssisənin ərazisində yanğın baş verdiyi bildirilib. Zavodun illik neft emalı gücünün təxminən 7,5 milyon ton olduğu qeyd edilib. Müəssisədə benzin, dizel və qazan yanacağı, mayeləşdirilmiş qaz, kükürd və digər məhsullar istehsal olunur. Ukrayna tərəfinin məlumatına görə, zərbə endirilən digər müəssisə Samarada yerləşən Kuybışev neft emalı zavodu olub. Həmin müəssisənin ərazisində də yanğın baş verdiyi bildirilib. “Rosneft” şirkətinə məxsus...

Davamını oxu

Dünya

Türkiyədə məktəb qarşısında silahlı hücum olub, azı 11 şagird yaralanıb

22 Sentyabr 2026

sosial media

Sentyabrıən 22-də Türkiyənin Manisa vilayətinin Turqutlu rayonunda məktəb qarşısında silahlı hücum nəticəsində ikisi ağır olmaqla azı 11 şagird yaralanıb. Bunu Türkiyənin ədliyyə naziri Akın Gürlək açıqlayıb. Hadisə səhər saat 08:00 radələrində İnci Üzməz Peşə və Texniki Anadolu Liseyinin qarşısında baş verib. DHA xəbər agentliyinin məlumatına görə, hücum edən şəxs ov tüfəngi ilə ətrafa atəş açdıqdan sonra hadisə yerindən piyada qaçıb. Manisa Valiliyi 15 yaşlı şübhəlinin tutularaq saxlanıldığını bildirib. Ədliyyə naziri yeniyetmənin valideynlərinin və silahın sahibi olduğu müəyyənləşdirilən babasının da saxlanıldığını bildirib. Nazirin sözlərinə görə, silahın yeniyetmənin əlinə necə keçməsi, saxlanma şəraiti və valideynlərin uşağa nəzarət öhdəliklərini yerinə yetirib-yetirməməsi araşdırılır. Hadisədən...

Davamını oxu