Dünya

Aİ missiyasının Ermənistanda fəaliyyətini davam etdirəcəyi bildirilir

1 Sentyabr, 2025

182

Foto: eeas.europa.eu

Avropa İttifaqının (Aİ) Ermənistan-Azərbaycan sərhədindəki müşahidə missiyasının fəaliyyətinə davam edəcəyi bildirilir.

Bunu Aİ-nin Ermənistandakı səfiri Vasilis Maraqos "Azadlıq Radiosu"na açıqlamasında deyib.

"Bildiyimə görə, Ermənistan xalqı və hakimiyyəti Avropa İttifaqının Ermənistandakı missiyasını alqışlayır. Missiya fəaliyyətini davam etdirir. Hər hansı dəyişikliyə ehtiyac yaranarsa, bunu üzv dövlətlərimizlə və, əlbəttə, Ermənistan hakimiyyəti ilə müzakirə edəcəyik. Ancaq indiki mərhələdə erməni ictimaiyyətini əmin etmək istəyirəm ki, Avropa İttifaqının missiyası mandatına uyğun fəaliyyətini davam etdirəcək", – səfir qeyd edib.

Maraqos əlavə edib ki, Aİ missiyası Ermənistan hakimiyyətinin dəvəti ilə ölkədədir.

Avqustun 8-də Vaşinqtonda Azərbaycan və Ermənistan xarici işlər nazirlərinin parafladığı sülh sazişi mətnində deyilir ki, tərəflər sərhədlərinə üçüncü tərəf qüvvələrini yerləşdirməməlidir.

Aİ missiyası Ermənistana 2023-cü ilin fevralında gəlib. Bu ilin yanvarında missiyanın Ermənistanın sərhəd bölgələrində 2027-ci il fevralın 19-dək qalmasına qərar verilib.

Azərbaycan prezidenti İlham Əliyev dəfələrlə çıxışlarında Ermənistandakı Aİ missiyasını casusluqda ittiham edib, onun fəaliyyətini "binokl diplomatiyası" adlandırıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Paşinyan “soyqırımı abidəsi”nin direktorunu Vensə Qarabağ müharibəsi haqda kitab verdiyinə görə işdən çıxarıb

Dilənçilik edənlər cərimələnə və həbs oluna bilər

İran yeni ali liderin yaralandığını təsdiqləyib

BMT Təhlükəsizlik Şurası İranın hücumlarını pisləyən qətnamə qəbul edib

Azər Qasımlı 12 il azadlıqdan məhrum edilib

İranın idman naziri: "Ali liderimizi qətlə yetirdiklərinə görə ABŞ-dəki dünya çempionatında iştirak etməyəcəyik"

Redaktorun Tövsiyələri

Naxçıvana hücum: Azərbaycan İranla bağlı mövqeyini dəyişəcək?

ABŞ-İran-İsrail münaqişəsi: Hədəflər nədir, mümkün ssenarilər hansılardır?

Zahid Orucun əhalinin 94%-inin İlham Əliyevi dəstəklədiyini deyən mərkəzi bağlandı?

Bakıda havanın çirklənmə səviyyəsi beynəlxalq normadan 5,5 dəfə yüksəkdir

Müharibə 5-ci ilə keçdi: Kremlin planları niyə baş tutmadı?

Azərbaycanda hər üç nəfərdən yalnız birinin keyfiyyətli içməli su təminatı var

Dünya

Paşinyan “soyqırımı abidəsi”nin direktorunu Vensə Qarabağ müharibəsi haqda kitab verdiyinə görə işdən çıxarıb

12 Mart 2026

Foto/kollaj: Toplum TV

Ermənistan baş naziri Nikol Paşinyan Yerevanda yerləşən “Erməni Soyqırımı” Abidə-Kompleksinin direktorunu ABŞ vitse-prezidenti Ceyms Vensə Qarabağ müharibəsi haqda kitab verdiyinə görə işdən çıxardığını deyib. Daha öncə Ermənistan mətbuatında ötən ay Azərbaycan və Ermənistana səfər etmiş Vensin “soyqırımı abidəsi”nə ziyarəti zamanı direktor Edita Qzoyan tərəfindən Qarabağ müharibəsi haqda kitab hədiyyə aldığı və direktorun məhz buna görə işdən çıxarıldığı xəbəri yayılmışdı. Abidə-Kompleksin tabe olduğu Ermənistanın Təhsil Nazirliyi isə iddianı yalanlamış, Qzoyanın kompleksdəki təmir-bərpa işlərinə düzgün nəzarət etmədiyinə görə işdən çıxarıldığını bildirmişdi. Baş nazir martın 12-də keçirdiyi brifinqdə xəbəri təsdiqləyib və belə əsaslandırıb ki, Qzoyan Vensə bu kitabı hədiyyə etməklə Ermənistanın hazırki xarici...

Davamını oxu

Dünya

BMT Təhlükəsizlik Şurası İranın hücumlarını pisləyən qətnamə qəbul edib

12 Mart 2026

Foto: açıq mənbə

Birləşmiş Millətlər Təşkilatının (BMT) Təhlükəsizlik Şurası martın 11-də İranı qınayan qətnamə qəbul edib. Qətnamədə İranın Fars körfəzi ölkələrinə və İordaniyaya hücumları pislənilir və hücumları dərhal dayandırması tələb olunur. Şuraya üzv olan 15 ölkədən 13-ü qətnamənin lehinə səs verib. Təkcə Rusiya və Çin səsvermədə iştirak etməyib, lakin onlar daimi üzv kimi malik olduqları veto səlahiyyətindən istifadə etməyib. Səsvermədən sonra çıxış edən İranın BMT-dəki səfiri Əmir-Səid İrəvani qətnamənin qəbulunu “beynəlxalq ictimaiyyət üçün təəssüfedici gün” adlandırıb. “Bu qətnamə açıq-aşkar təcavüz aktının əsas qurbanı olan ölkəmə qarşı açıq-aşkar ədalətsizlikdir. Bu, reallıqları təhrif edir və mövcud böhranın köklü səbəblərini qəsdən görməzdən gəlir”, - o bildirib....

Davamını oxu