Dünya

Aİ Rusiyaya qarşı 21-ci sanksiyalar paketini qəbul etdi

24 İyul, 2026

X / EU Council

Avropa İttifaqı (Aİ) Rusiyaya qarşı 21-ci sanksiya paketini qəbul edib. İyulun 23-də təsdiqlənən yeni paket çərçivəsində 48 fiziki və 170 hüquqi şəxs olmaqla, ümumilikdə 218 yeni subyekt sanksiya siyahısına salınıb. Bu, son dörd ildə Aİ-nin Rusiyaya qarşı tətbiq etdiyi sanksiya paketləri arasında ən geniş siyahıdır.

Maliyyə sektorunda 94 bank və iri maliyyə qurumunun aktivləri dondurulub. Daha 33 Rusiya bankına qarşı maliyyə əməliyyatlarına qadağa qoyulub. Bir neçə ölkədə fəaliyyət göstərən kriptovalyuta platformaları da sanksiyalara məruz qalıb.

Neft sektorunda 18 şirkət və bir fiziki şəxsə qarşı məhdudiyyətlər tətbiq edilib. Sanksiya siyahısına Rusiyada fəaliyyət göstərən üç neft emalı zavodu, Belarusun iri neft emalı müəssisələrindən biri, Belarus neft məhsullarının Rusiyada satışını həyata keçirən şirkət və Rusiya neftini emal edən Gürcüstanın Kulevi limanındakı zavod daxil edilib. Beş neft treyderinə qarşı da sanksiyalar tətbiq olunub.

Aİ həmçinin neftin qiymətinə tətbiq olunan həddi avtomatik şəkildə yenilənməsini bir il müddətinə dayandırıb. Buna görə də qiymət həddi 2027-ci ilin iyuluna qədər dəyişməyəcək və bir barel üçün 44,1 dollar təşkil edəcək. Bundan başqa, Rusiyanın neft daşıdığı güman edilən “kölgə donanmasına” daha 41 gəmi əlavə olunub.

Təbliğat və hərbi cinayətlərə görə Rusiya hərbi təbliğatını yayan səkkiz şəxsə qarşı da məhdudiyyətlər tətbiq edilib. Həmçinin Ukrayna hərbçilərinə, o cümlədən hərbi əsirlərə qarşı işgəncə və edamlarda, eləcə də onların meyitlərinə qarşı təhqiramiz davranışda ittiham olunan general-mayor da sanksiyaya məruz qalıb.

Yeni sanksiya paketi Rusiyanın tərəfində döyüşən şəxslərə viza qadağasının tətbiqinə də imkan verəcək.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

ABŞ Konqresinin komitəsi Azərbaycanı erməni məhbusları azad etməyə çağırıb

Məhkəmə yağışda evlərini su basan sakinlərin lehinə qərar verib

Prokuror Anar Məmmədliyə 14, Anar Abdullaya 13 il həbs cəzası istəyib

Ərdoğan idman lasini geyinən valini vəzifəsindən azad edib

Valideyn: “Məktəbdəki yoxlamadan sonra qızım intihara cəhd edib”

İrlandiya Ukraynanın hava hücumundan müdafiəsinə 25 milyon avro ayıracaq

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Dünya

Ərdoğan idman lasini geyinən valini vəzifəsindən azad edib

24 İyul 2026

Açıq mənbə

Türkiyə prezidenti Rəcəb Tayyib Ərdoğan Ardahan vilayətinin valisi Mehmet Fatih Çiçəklini vəzifəsindən azad edib. Sərəncamda səbəb göstərilməsə də, bu, valinin idman lasini geyinməyə görə tənqid olunmasından sonra baş verib. Çiçəkli iyulun 11-də Ardahan Velosiped Festivalına iştirakçı kimi qoşulub. Festivaldan görüntüləri sosial mediada paylaşıldıqdan sonra həm müxalif, həm iqtidaryönlü siyasətçilər tərəfindən ona qarşı tənqidlər səsləndirilib. Müxalifətdə olan Cümhuriyyət Xalq Partiyasının deputatı İnan Akgün Alp parlamentdə çıxış edərək idman lasini geyinməyi valiyə yaraşdırmadığını deyib. “İdman lasini geyinib şəhərdə gəzir, bütün günü velosiped sürür. Önündə mühafizəçilər gedir, özü isə axşama qədər lasinlə velosiped sürür. Vali şəhərin mərkəzində bu cür gəzə bilməz", - o...

Davamını oxu

Dünya

İrlandiya Ukraynanın hava hücumundan müdafiəsinə 25 milyon avro ayıracaq

23 İyul 2026

president.gov.ua

İrlandiya hökuməti Ukraynaya hava hücumundan müdafiə sistemlərinin gücləndirilməsi üçün 25 milyon avro yardım ayıracaq. Bu barədə İrlandiyanın baş naziri Maykl Martin iyulun 23-də Kiyevdə Ukrayna prezidenti Volodimir Zelenski ilə birgə keçirdiyi mətbuat konfransında bildirib. “İrlandiya Ukraynanın hava hücumundan müdafiəsinin gücləndirilməsinə dəstək verməyə davam edəcək. Bu, ölkənin Rusiyanın dron hücumlarından qorunmasına kömək edəcək”, - M.Martin deyib. İrlandiya baş naziri Kiyevə səfərinə iyulun 23-də başlayıb. O, səfər çərçivəsində ilk növbədə həlak olan ukraynalı hərbçilərin xatirəsini yad edib. M.Martin səfərdən əvvəl bildirib ki, Kiyevə səfəri İrlandiyanın Avropa İttifaqına sədrliyinin ilk günlərinə təsadüf edir. Onun sözlərinə görə, səfərin məqsədi Aİ və İrlandiyanın Ukrayna hökuməti...

Davamını oxu