Dünya

Almaniya dron hücumuna cavab olaraq Rusiya konsulluğunu və “Rus Evi”ni bağlayacaq

2 Sentyabr, 2026

sosial media

Almaniya Rusiyanın Bonndakı konsulluğunu və Berlində fəaliyyət göstərən “Rus Evi”ni bağlamaq qərarına gəlib.
Qərar avqustun 4-də Leypsiq hava limanı yaxınlığında partlayıcı daşıyan dronla bağlı insidentdən sonra qəbul edilib. Almaniya hakimiyyəti hadisənin arxasında Rusiyanın dayandığını bildirir.
Bundan sonra Rusiyanın Almaniyada yalnız Berlindəki konsulluğu fəaliyyət göstərəcək.

Almaniya, həmçinin Rusiya vətəndaşlarının ölkəyə girişinə sərhəd nəzarətini sərtləşdirəcək.
Bu barədə Almaniyanın daxili işlər naziri Aleksandr Dobrindt və xarici işlər naziri Yohann Vadeful açıqlama veriblər.

Dobrindtin sözlərinə görə, Rusiyanın insidentlə əlaqəsi dronun parametrlərinin və bəzi komponentlərinin araşdırılması əsasında müəyyən edilib. Bildirilir ki, həmin komponentlər daha əvvəl digər hibrid hücumlarda da istifadə olunub.

Partlayıcı daşıyan dron avqustun 4-nə keçən gecə Leypsiq-Halle hava limanı yaxınlığında zərərsizləşdirilib.

İddialara görə, dron Ukraynaya məxsus An-124 yük təyyarəsini hədəfə almağa çalışıb. Təyyarənin Ukrayna üçün silah daşıdığı ehtimal olunur. Lakin Almaniya və Ukrayna rəsmiləri təyyarədə silah olduğunu təsdiqləməyiblər.

Daha sonra hava limanının yaxınlığında ikinci pilotsuz uçuş aparatı aşkarlanıb.
NATO-nun baş katibi Mark Rütte insidentlə əlaqədar alyansın Almaniya ilə həmrəy olduğunu bildirib. Avropa Komissiyasının sədri Ursula von der Leyen də Almaniyaya dəstəyini ifadə edib.

Aİ-nin xarici siyasət və təhlükəsizlik məsələləri üzrə ali nümayəndəsi Kaya Kallas isə bildirib ki, Rusiyanın hibrid əməliyyatları Avropa İttifaqını Ukraynaya dəstəkdən çəkindirməyəcək.

Rusiya Xarici İşlər Nazirliyinin sözçüsü Mariya Zaxarova Moskvanın konsulluğun və “Rus Evi”nin bağlanmasına cavab verəcəyini bildirib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Əvvəl zolaq çəkilir, sonra yol qazılır: Dövlət qurumları niyə bir-biri ilə əlaqəli işləmir?

Ramiz Mehdiyevin işi Bakı Ağır Cinayətlər Məhkəməsinə göndərilib

DGK: Azərbaycan bu il 9 milyard dollarlıq neft ixrac edib

Ülviyyə Əli: "Həbsimiz İlham Əliyevin şüurlu seçimidir"

İctimai fəal: “Bu hakimiyyət artıq mənim həyatımdan 1000 gündən çox oğurlayıb”

İqbal Əbilov barədə 22 səhifəlik hesabat: qaydaları pozduğu iddia olunur

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Dünya

İsrail Qəzza barədə filmin rejissorlarını vətəndaşlıqdan məhrum etməklə hədələyib

14 Sentyabr 2026

Luca Faz

İsrailin mədəniyyət naziri Miki Zohar Qəzza zolağındakı müharibədən bəhs edən “NAZA” sənədli filminin rejissorları Yuval Abraham və Rahel Şoru vətəndaşlıqdan məhrum etdirmək niyyətində olduğunu bildirib. “The Guardian”ın məlumatına görə, Zohar filmi “dövlətə xəyanət” adlandırıb, müəlliflərini isə “dünyadakı antisemitlərin alqışları naminə vətənlərinə zərər vurmağa hazır olmaqda” ittiham edib. İsrail qanunvericiliyinə əsasən, vətəndaşlıqdan məhrumetmə üçün daxili işlər nazirinin müraciəti, ədliyyə nazirinin razılığı və məhkəmə qərarı tələb olunur. Nadir hallarda tətbiq edilən bu tədbirlə bağlı Mədəniyyət Nazirliyi təkbaşına qərar verə bilməz. “NAZA” fələstinli silahlı qrupların 2023-cü il oktyabrın 7-də İsrailin cənubuna hücumundan sonra ordunun Qəzzadakı əməliyyatlardan bəhs edir. Ekran əsərində zərbələr zamanı mümkün...

Davamını oxu

Dünya

Türkiyə polisi LGBTQ+ fəallarını kütləvi şəkildə saxlayıb

14 Sentyabr 2026

sosial media

Sentyabrın 12-13-də Türkiyədə LGBTQ+ fəallarına qarşı kütləvi polis əməliyyatları keçirilib. İstanbul, Ankara, İzmir və Antalyada fəalların evlərində, LGBTQ+ təşkilatlarının ofislərində, eləcə də gecə klublarında axtarışlar aparılıb. Polisin məlumatına görə, İstanbulda 26, Ankarada isə 20 nəfər saxlanılıb. Ümumilikdə əməliyyatların ölkənin 12 vilayətini əhatə etdiyi bildirilir. LGBTQ+ hüquqlarını müdafiə edən “Kaos GL” assosiasiyası əməkdaşları da daxil olmaqla 50 nəfərin saxlanıldığını açıqlayıb. Assosiasiyanın məlumatına görə, ofisində və əməkdaşlarının evlərində aparılan axtarışlara təşkilatın saytında və sosial media hesablarında dərc olunan materiallar əsas gətirilib. Prokurorluq həmin materialları “əxlaqa zidd” hesab edib. Sentyabrın 12-də LGBTQ+ təşkilatlarına və ayrı-ayrı fəallara məxsus bir neçə sayta və sosial media...

Davamını oxu