İqtisadiyyat

ABŞ-nin “Comstock” şirkəti borcunu azaltmaq üçün aktivlərini SOCAR-a satır

2 Sentyabr, 2026

sosial media

Azərbaycan Dövlət Neft Şirkəti (SOCAR) ABŞ-nin təbii qaz istehsalçısı “Comstock Resources” şirkətinin Haynesville hövzəsindəki aktivlərində pay almağa hazırlaşır.

“Reuters”in sentyabrın 1-də yaydığı məlumata görə, razılaşmanın ümumi dəyəri 1,65 milyard dollar təşkil edir.
Razılaşmaya əsasən, SOCAR “Comstock”un “Legacy Haynesville” aktivlərindəki payının 20 faizini, “Western Haynesville” aktivlərindəki payının isə 15 faizini əldə edəcək. Bundan başqa, Azərbaycan şirkəti “Pinnacle Gas Services”də “Comstock”a məxsus 73 faizlik payın 15 faizinə sahib olacaq.

Tərəflər sövdələşməni 2026-cı ilin sonunadək yekunlaşdırmağı planlaşdırırlar. “Comstock” əldə olunacaq vəsaiti əsasən borclarının azaldılmasına yönəltmək niyyətindədir. Şirkətin hesablamasına görə, əməliyyatdan sonra iyunun 30-na 3,1 milyard dollar olan pro-forma xalis borc təxminən 1,5 milyard dollara enəcək.

SOCAR-ın açıqlamasında şirkətin prezidenti Rövşən Nəcəf bildirib ki, “Comstock”la əməkdaşlıq tərəflər arasında strateji əlaqələrin genişləndirilməsi üçün yeni imkanlar yaradır.

Onun sözlərinə görə, SOCAR “Haynesville” və “Western Haynesville” yataqlarının işlənməsi sahəsində təcrübəsi olan komanda ilə birgə investisiya qoyuluşunu müsbət qiymətləndirir və tərəfdaşlığın uzunmüddətli perspektivdə inkişaf edəcəyini gözləyir.

“Comstock”un İdarə Heyətinin sədri M. Cey Ellison bildirib ki, razılaşma şirkətə borc yükünü əhəmiyyətli dərəcədə azaltmağa və “Western Haynesville” layihəsinin nəzərdə tutulan inkişafını maliyyələşdirməyə imkan verəcək.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Qaradağ İH-də rüşvət almaqda təqsirləndirilən vəzifəlilərdən biri həbs, ikisi cərimə edilib

NEMO "Meta"nı Azərbaycandan olan müstəqil media orqanlarının şikayətlərini araşdırmağa çağırıb

CPJ: "Azərbaycandan olan media qurumlarının sosial media hesablarının bloklanmasından narahatıq"

Prokuror Hafiz Həsənova 9 il həbs cəzası istəyib

Goranboyda sursat anbarında partlayış: Yaxınlıqdakı insanlar təxliyə edilib

Almaniya dron hücumuna cavab olaraq Rusiya konsulluğunu və “Rus Evi”ni bağlayacaq

Redaktorun Tövsiyələri

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

İqtisadiyyat

Su obyektlərindən xüsusi istifadəyə görə ödənişlər qüvvəyə minib

1 Sentyabr 2026

sosial media

Sentyabrın 1-dən su obyektlərindən xüsusi məqsədlər üçün istifadəyə görə ödənişlər qüvvəyə minib. Yeni qaydalar Nazirlər Kabinetinin 6 mart 2026-cı il tarixli qərarı ilə müəyyən edilib. Qərara əsasən, xüsusi istifadə su obyektlərindən su götürülməsini, su götürülmədən akvatoriyadan istifadəni və tullantı sularının su obyektlərinə axıdılmasını əhatə edir. Xəzər dənizindən sənaye məqsədilə götürülən 10 min litr su üçün ödəniş 4 qəpik müəyyən edilib. Çay və göllərdən sənaye məqsədilə götürülən hər min litr su üçün 4 qəpik, kənd və meşə təsərrüfatı məqsədilə götürülən 10 min litr su üçün 1 qəpik, balıqçılıq və akvakultura məqsədilə götürülən 100 min litr su üçün isə 1 qəpik ödəniləcək....

Davamını oxu

İqtisadiyyat

Turizm üçün yeni dövlət proqramı: 5 ildə 1,1 faizlik artım hədəflənir

25 Avqust 2026

Report

Azərbaycan prezidenti İlham Əliyev avqustun 20-də “Turizmin inkişafına dair 2026–2030-cu illər üçün Dövlət Proqramı”nı təsdiqləyib. 47 səhifəlik proqramın məqsədləri arasında turizm sahəsində idarəetmənin və tənzimləmənin təkmilləşdirilməsi, regionlarda turizmin inkişafının təşviq edilməsi kimi məqsədlər yer alıb. Eyni zamanda, turizmlə əlaqəli olan, turoperatorluqdan tutmuş hotel tikintisinə qədər bir çox sahələrə subsidiya ayrılması nəzərdə tutulur. Bir sıra müstəqil ekspertlər isə proqramın icrasının uğurlu olacağına şübhə ilə yanaşıb. Hüquqşünas Əkrəm Həsənov sosial media hesabında proqramla bağlı qoyulan vaxt məhdudiyyətinə diqqət çəkib. Belə ki, prezident sərəncamında Nazirlər Kabinetinə altı ay ərzində “Turizm haqqında” qanunun təkmilləşdirilməsi üçün təkliflər təqdim etmək tapşırılıb. Proqramda isə qeyd olunub ki,...

Davamını oxu