Siyasət

Prokuror Hafiz Həsənova 9 il həbs cəzası istəyib

2 Sentyabr, 2026

sosial media

“QHT işi” üzrə ittiham olunan, “Hüquq və İnkişaf” İctimai Birliyinin rəhbəri Hafiz Həsənovun işi üzrə məhkəmə istintaqı yekunlaşıb.

APA xəbər verir ki, sentyabrın 2-də Bakı Ağır Cinayətlər Məhkəməsində hakim Eldar İsmayılovun sədrliyi ilə keçirilən prosesdə dövlət ittihamçısı çıxış edib.

Dövlət ittihamçısı Hafiz Həsənova 9 il müddətinə azadlıqdan məhrumetmə cəzası verilməsini, lakin cəzanın 5 il sınaq müddəti müəyyən edilməklə şərti hesab olunmasını təklif edib.

Hafiz Həsənov son söz üçün vaxt istəyib.

Növbəti proses 16 sentyabrda baş tutacaq.

Hafiz Həsənov Cinayət Məcəlləsinin 193-1.3.2-ci (cinayət yolu ilə əldə edilmiş xeyli miqdarda əmlakı leqallaşdırma), 308.2-ci (vəzifə səlahiyyətlərindən sui-istifadə etmə, ağır nəticələrə səbəb olduqda) və 313-cü (vəzifə saxtakarlığı) maddələri ilə ittiham edilir.

Hafiz Həsənov ona qarşı irəli sürülən ittihamla razılaşmamış və işə xitam verilməsi ilə bağlı vəsatət vermişdi.
Dövlət ittihamçısı isə vəsatəti əsassız saymışdı.

Onun barəsində Binəqədi Rayon Məhkəməsinin qərarı ilə ev dustaqlığı qətimkan tədbiri seçilib, sonradan bu qərar polis nəzarəti altına vermə qətimkan tədbiri ilə əvəz olunub.

“QHT işi” üzrə həbslər 2025-ci ilin martından başlayıb. İş çərçivəsində bir sıra vətəndaş cəmiyyəti nümayəndələri həbs olunub, 10-a yaxın şəxs barəsində isə həbsə alternativ qətimkan tədbirləri seçilib. Bəzi təqsirləndirilən şəxslərin məhkəməsi davam edir, bəziləri barəsində isə artıq hökm çıxarılıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

ABŞ-nin “Comstock” şirkəti borcunu azaltmaq üçün aktivlərini SOCAR-a satır

Goranboyda sursat anbarında partlayış: Yaxınlıqdakı insanlar təxliyə edilib

Almaniya dron hücumuna cavab olaraq Rusiya konsulluğunu və “Rus Evi”ni bağlayacaq

“QHT işi”: Asəf Əhmədov barəsində 8 illik həbs hökmü qüvvədə saxlanılıb

Britaniya Rusiyaya qarşı sanksiyalardan yayınmaya görə cərimələri iki dəfə artırıb

Əli Kərimlinin ailəsinə qarşı təxribat hazırlandığı deyilir

Redaktorun Tövsiyələri

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Siyasət

ABŞ-nin “Comstock” şirkəti borcunu azaltmaq üçün aktivlərini SOCAR-a satır

2 Sentyabr 2026

sosial media

Azərbaycan Dövlət Neft Şirkəti (SOCAR) ABŞ-nin təbii qaz istehsalçısı “Comstock Resources” şirkətinin Haynesville hövzəsindəki aktivlərində pay almağa hazırlaşır. “Reuters”in sentyabrın 1-də yaydığı məlumata görə, razılaşmanın ümumi dəyəri 1,65 milyard dollar təşkil edir. Razılaşmaya əsasən, SOCAR “Comstock”un “Legacy Haynesville” aktivlərindəki payının 20 faizini, “Western Haynesville” aktivlərindəki payının isə 15 faizini əldə edəcək. Bundan başqa, Azərbaycan şirkəti “Pinnacle Gas Services”də “Comstock”a məxsus 73 faizlik payın 15 faizinə sahib olacaq. Tərəflər sövdələşməni 2026-cı ilin sonunadək yekunlaşdırmağı planlaşdırırlar. “Comstock” əldə olunacaq vəsaiti əsasən borclarının azaldılmasına yönəltmək niyyətindədir. Şirkətin hesablamasına görə, əməliyyatdan sonra iyunun 30-na 3,1 milyard dollar olan pro-forma xalis borc təxminən 1,5 milyard...

Davamını oxu

Siyasət

“QHT işi”: Asəf Əhmədov barəsində 8 illik həbs hökmü qüvvədə saxlanılıb

2 Sentyabr 2026

sosial media

Sentyabrın 1-də Gəncə Apellyasiya Məhkəməsi “QHT işi” üzrə həbsdə olan ictimai fəal Asəf Əhmədov barəsində birinci instansiya məhkəməsinin çıxardığı hökmü qüvvədə saxlayıb. Bu barədə ictimai fəalın həyat yoldaşı Xalidə Əhmədova məlumat yayıb. O, apellyasiya instansiyasının qərarını ədalətsiz adlandırıb və birinci instansiya məhkəməsində yol verildiyini bildirdiyi hüquq pozuntularının nəzərə alınmadığını deyib. Müdafiə tərəfinin etirazlarından biri Əhmədovun ittiham olunduğu maddələrdən biri üzrə cinayət məsuliyyətinə cəlbetmə müddətinin başa çatması ilə bağlı olub. Xalidə Əhmədova bildirib ki, buna baxmayaraq, həmin maddə üzrə çıxarılan hökm də qüvvədə saxlanılıb. “Asəf Əhmədovla birlikdə 1 il 5 aydır məhkəməyə getsəm də, mən məhkəmə görmədim”, - deyə o bildirib....

Davamını oxu