Dünya

Hüquq müdafiəçiləri: “Təkcə iyul ayında İranda azı 71 nəfər edam edilib”

7 Avqust, 2026

IHRNGO

İranda 2026-cı ilin ilk yeddi ayı ərzində azı 444 nəfər edam edilib. Onlardan 71-i təkcə iyul ayında edam olunub.

Bu barədə avqustun 6-da İran İnsan Haqları Təşkilatı (IHRNGO) məlumat yayıb.

Təşkilatın məlumatına görə, iyul ayında edam olunanlardan 36 nəfər qətl, 26 nəfər narkotiklə bağlı cinayətlər, 8 nəfər milli təhlükəsizlik ittihamları, 1 nəfər isə zorlama ittihamı ilə ölüm cəzasına məhkum edilib. Edam olunanlar arasında 6 etirazçı da olub.

Hüquq müdafiəçilərinin hesabatına əsasən, ilin əvvəlindən indiyədək edam edilənlər arasında 12 qadın, 17 xarici ölkə vətəndaşı və 80 etnik azlığın nümayəndəsi var. Həmçinin edam olunanlar arasında 28 etirazçı (26 nəfəri yanvar etirazları, 2 nəfəri isə “Qadın, Həyat, Azadlıq” hərəkatı ilə əlaqədar), qadağan olunmuş müxalif qruplarla əlaqədə ittiham edilən 13 siyasi məhbus və casusluq ittihamı ilə mühakimə olunan 12 nəfər də yer alır.

Təşkilat bildirir ki, hazırda İranda yüzlərlə etirazçı, o cümlədən təkcə İsfahan şəhərində 70-dən çox şəxs ölüm hökmü ilə üz-üzədir.

Təşkilatın direktoru Mahmud Əmiri-Moqəddəm bildirib ki, İran, ABŞ və İsrail arasındakı gərginlikdən ölüm hökmlərinin “milli təhlükəsizlik” adı altında daha da artırılması üçün istifadə oluna bilər.

“Biz dərin narahatlıq keçiririk ki, davam edən hərbi münaqişə İranın edamları artırmasına bəhanə olacaq. Beynəlxalq ictimaiyyət İranın ölüm cəzasından istifadəsinə qarşı daha güclü və koordinasiyalı təzyiq göstərməlidir”, - o deyib.

Hesabata görə, 2026-cı ilin 1 yanvar-31 iyul tarixləri arasında qeydə alınan 444 edamdan yalnız 67-si, yəni təxminən 15 faizi rəsmi qurumlar tərəfindən açıqlanıb. Qalan 377 edam isə IHRNGO tərəfindən iki müstəqil mənbə əsasında təsdiqlənib.

Təşkilat 400-dən çox digər edamlar barədə məlumat aldığını, lakin kifayət qədər sübut olmadığı üçün onları statistikaya daxil etmədiyini bildirib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Almaniyada seçkilər: Türkiyə əsilli Elif Eralpın təmsil etdiyi Sol Partiya Berlində qalib gəlib

“Toplum TV işi”: Müdafiə tərəfinin vəsatətləri müzakirəyə çıxarılmadan rədd edilib

Qızı: “Tofiq Yaqublu dörd həftədir həyat yoldaşına etibarnamə verə bilmir”

“The Guardian”: ‘Rusiya bir neçə ay ərzində NATO ölkəsinə hücum edə bilər’

Ramiz Mehdiyevin məhkəməsi başlayıb

Yaxınları: “Fazil Qasımov məhkəməyə aparılmadığı üçün quru aclığa başlayıb”

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Dünya

Almaniyada seçkilər: Türkiyə əsilli Elif Eralpın təmsil etdiyi Sol Partiya Berlində qalib gəlib

21 Sentyabr 2026

Toplum TV

Sentyabrın 20-də Almaniyada keçirilən əyalət seçkilərində Berlində Sol Partiya, Meklenburq-Ön Pomeraniyada isə “Almaniya üçün Alternativ” (AfD) ən çox səs toplayıb. Bu barədə “Euronews” məlumat yayıb. “Infratest dimap”ın hesablamalarına görə, Berlində Sol Partiya 25,7 faiz səslə ilk dəfə birinci olub. Kansler Fridrix Mertsin rəhbərlik etdiyi Xristian Demokrat İttifaqı (CDU) 18,8, AfD isə 16,3 faiz səs qazanıb. Bununla da şəhərdə hakimiyyətdə olan CDU-Sosial Demokrat Partiyası (SPD) koalisiyası parlament çoxluğunu itirib. Sol Partiyanın əsas namizədi Elif Eralp hökumətə rəhbərlik edə bilsə, Berlinin miqrant mənşəli ilk meri olacaq. Münxendə doğulan Eralpın valideynləri 1980-ci ildə Türkiyədən Almaniyaya sığınıblar. Eralp seçki kampaniyasında əsasən mənzil probleminə diqqət...

Davamını oxu

Dünya

“The Guardian”: ‘Rusiya bir neçə ay ərzində NATO ölkəsinə hücum edə bilər’

21 Sentyabr 2026

Kremlin.ru

Bəzi Avropa kəşfiyyat rəsmiləri Rusiyanın bir neçə ay ərzində NATO üzvü olan ölkəyə hücum edə biləcəyi barədə xəbərdarlıq ediblər. Bu barədə Britaniyanın “The Guardian” qəzeti yazıb. Nəşrə danışan Çexiyanın Təhlükəsizlik İnformasiya Xidmətinin (BIS) rəhbəri Mixal Koudelka bildirib ki, NATO ərazisinə məhdudmiqyaslı hərbi müdaxilə Kremlin planlarının bir hissəsi ola bilər. Onun sözlərinə görə, belə bir ssenari “illər deyil, aylar ərzində” reallaşa bilər. Polşanın baş naziri Donald Tusk da kəşfiyyat məlumatlarına əsaslanaraq oxşar xəbərdarlıq edib. O bildirib ki, Rusiya NATO-nun kollektiv müdafiəni nəzərdə tutan 5-ci maddəsinin praktikada işləmədiyini göstərmək üçün alyansın ərazisinə hücum edə bilər. Fransa prezidenti Emmanuel Makron Tuskun xəbərdarlığını əsaslı...

Davamını oxu