Dünya

İranda Xameneini parodiya edən satirikə qarşı cinayət işi açılıb

16 Oktyabr, 2026

sosial media

İranın Tehran prokurorluğu “Instagram”da satirik videoları ilə tanınan Səid Şəkibaya qarşı cinayət işi açıb. Buna onun ölkənin keçmiş ali rəhbəri Əli Xameneinin səsini parodiya etdiyi videonun sosial şəbəkələrdə yayılmasının səbəb olduğu bildirilir.

“Radio Farda” Şəkibanın “təhqiredici və alçaldıcı məzmun yaymaq” ittihamı ilə məsuliyyətə cəlb edildiyini, barəsində “müvafiq tədbirlər” görüldüyünü yazıb.

Son günlər hakimiyyətə yaxın sosial media istifadəçiləri videonu paylaşaraq satirikin cəzalandırılmasını tələb ediblər. SEPAH-a bağlı “Fars” agentliyi isə paylaşımı “təhqiredici və alçaldıcı” adlandırıb, videoda “kobud və nalayiq” ifadələrin işləndiyini bildirib.

Şəkiba əsasən məhşur şəxslərin səslərini təqlid etdiyi komediya videoları ilə tanınır. Onun “Instagram” hesabının təxminən 1 milyon izləyicisi olduğu, səhifənin isə hüquq-mühafizə orqanları tərəfindən bağlandığı bildirilir.

Satirik daha əvvəl də İran hakimiyyətini və ölkədəki iqtisadi vəziyyəti tənqid edib. O, yanvar etirazlarından sonra da hökumətin siyasəti barədə tənqidi paylaşımlar edib.

Əli Xamenei 1989-cu ildə Ruhullah Xomeyninin ölümündən sonra İranın ali rəhbəri seçilmişdi. Ali rəhbər vəzifəsi ölkənin ən yüksək siyasi və dini postu sayılır - silahlı qüvvələr, məhkəmə sistemi və dövlət yayım qurumları da daxil olmaqla əsas institutlar bu postun geniş səlahiyyətləri altındadır.

Xamenei 28 fevral 2026-cı ildə ABŞ və İsrailin Tehrana endirdiyi hava zərbələri zamanı öldürülüb. İran dövlət mediası onun ölümünü martın 1-də təsdiqləyib.

Onun ölümündən sonra oğlu Müctəba Xamenei İranın yeni ali rəhbəri seçilib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Hicablı şagirdlər üçün onlayn platforma yaradan fəalın bir ay həbs edildiyi bildirilir

Azərbaycan hicab qadağasını tənqid edən türkiyəli jurnalisti beynəlxalq axtarışa verib

Araşdırma: “İsrail şirkəti onlayn reklamlar vasitəsilə kütləvi casusluq əməliyyatı aparıb”

Yaxınları: “Aynur Elgünəşin səhhəti kritikləşib, təcili müalicəyə ehtiyacı var”

Fransanın XİN başçısı Azərbaycanın Yeni Kaledoniyadakı fəaliyyətini “təxribatçı” adlandırıb

İrana bağlı olduğu bildirilən haker qrupu Azərbaycanın dövlət saytlarına kiberhücuma görə məsuliyyəti üzərinə götürüb

Redaktorun Tövsiyələri

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Dünya

Araşdırma: “İsrail şirkəti onlayn reklamlar vasitəsilə kütləvi casusluq əməliyyatı aparıb”

16 Oktyabr 2026

sosial media

İsrailin “Discover-Tech” rəqəmsal reklam şirkətinin onlayn reklamlar vasitəsilə internet istifadəçilərini izlədiyi, bəzi hallarda isə onların cihazlarına casus proqram yerləşdirilməsinə şərait yaratdığı bildirilir. Bu barədə Kanadanın “Citizen Lab” araşdırma qrupu və ABŞ-nin reklam təhlükəsizliyi üzrə “Confiant” şirkətinin hesabatlarına istinadən “Reuters” yazıb. Araşdırmaya əsasən, “Discover-Tech”in mobil telefon və qulaqlıq kimi məhsulları reklam edən elanları 120 mindən çox internet saytında və 75 min tətbiqdə nümayiş etdirilib. Şirkətin gündə azı 10 milyon reklam göstərdiyi, zərərli reklamların yerləşdirildiyi saytlara daxil olan və ya tətbiqlərdən istifadə edən şəxsləri izləyə bildiyi deyilir. Bildirilir ki, bəzi hallarda şirkət smartfon istifadəçilərinin telefon nömrələrini əldə etməyə də cəhd göstərib. Tədqiqatçılar...

Davamını oxu

Dünya

Fransanın XİN başçısı Azərbaycanın Yeni Kaledoniyadakı fəaliyyətini “təxribatçı” adlandırıb

16 Oktyabr 2026

ouest-france.fr

Fransanın xarici işlər naziri Jan-Noel Barro Azərbaycanın Yeni Kaledoniyadakı fəaliyyətini “təxribatçı” adlandırıb. O, oktyabrın 13-də Parisdə keçirilən Qlobal Forumdakı çıxışında Numeada konfranslar təşkil etməklə Fransanın dənizaşırı ərazilərində üsyana çağırışlar yaydığını iddia etdiyi “Azərbaycan qrupunun” hərəkətlərini tənqid edib. Nazir qurumun adını çəkməsə də, söhbətin Bakı Təşəbbüs Qrupundan (BTQ) getdiyi bildirilir. Barro çıxışında avtoritar ölkələrin və onları dəstəkləyən qüvvələrin demokratiyaya qarşı daha geniş mübarizə çərçivəsində ictimai müzakirələri qütbləşdirməyə çalışdığını deyib. O, həmçinin Fələstin məsələsi ətrafında süni qarşıdurmalar yaratmaq üçün saxta Fransa hesabları açdığı deyilən İsrail şirkətini və Elon Maskın onlayn təqib kampaniyalarını xatırladıb. Bakı Təşəbbüs Qrupu özünü müstəmləkəçilik və neomüstəmləkəçilikdən əziyyət çəkən...

Davamını oxu