Dünya

Kallas: “Aİ-də rusiyalılara viza məhdudiyyətləri təklifinə geniş dəstək var”

3 Sentyabr, 2026

sosial media

Avropa İttifaqı (Aİ) Rusiyaya qarşı sanksiyalara əməl olunmasına nəzarəti sərtləşdirməyi, Moskvaya təzyiqi və Ukraynaya dəstəyi artırmağı planlaşdırır.

Bunu Aİ-nin xarici siyasət və təhlükəsizlik məsələləri üzrə ali nümayəndəsi Kaya Kallas sentyabrın 2-də İrlandiyada keçirilən Aİ ölkələrinin xarici işlər nazirlərinin qeyri-rəsmi görüşündən sonra deyib.

“Biz sanksiyalara əməl olunmasına nəzarətin sərtləşdirilməsi ilə bağlı yeni təkliflər üzərində işləyirik və yeni sanksiyalar tətbiq etməyə davam edirik. Avropanı qorxutmaq cəhdləri uğursuz olacaq”, - Kallas bildirib.

Onun sözlərinə görə, keçmiş rusiyalı döyüşçülərin Aİ-yə girişinin qadağan edilməsi və rusiyalı turistlərə tətbiq olunan viza məhdudiyyətlərinin sərtləşdirilməsi təklifi nazirlər arasında geniş dəstək qazanıb.

Görüşdə Rusiyanın dondurulmuş aktivlərinin Ukraynanın maliyyələşdirilməsi üçün istifadə olunması məsələsi də müzakirəyə çıxarılıb. Kallas bu mövzuda müzakirələrin davam etdiriləcəyini deyib.

Aİ rəsmisi üzv dövlətlərin Ukraynaya əlavə yardım, o cümlədən hava hücumundan müdafiə vasitələri verməyə hazır olduqlarını da açıqlayıb.

Daha əvvəl yayılan məlumata görə, Aİ Rusiyaya qarşı yeni sanksiyalar paketi hazırlayır. Məhdudiyyətlər Rusiyada, ilhaq edilmiş Krımda və Şimali Koreyada fəaliyyət göstərən uşaq düşərgələrinə, həmçinin Rusiya ordusunun nəzarətində olan Ukrayna ərazilərində təhsil sahəsinə cavabdeh məmurlara şamil oluna bilər.

Sanksiya siyahısına Tatarıstan rəhbəri Rüstəm Minnixanovun da daxil edilə biləcəyi bildirilir. Ümumilikdə Brüssel 1600 fiziki və hüquqi şəxsə qarşı məhdudiyyətlər hazırlayır. Yeni sanksiyaların oktyabrda təsdiqlənməsi planlaşdırılır.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Putin və Uitkoff görüşü: Moskva üçtərəfli danışıqlara razılaşıb, ABŞ dizel razılaşmasına görə təşəkkür edib

RSF: “Aynur Elgünəşin sağlamlığında yaranacaq fəsadlara görə hakimiyyət məsuliyyət daşıyır”

“QHT işi”: Zamin Zəkinin kassasiya şikayəti təmin edilməyib

NYT: “ABŞ və İsrail Konqresə seçkilərdən sonra İrana yeni zərbələr planı hazırlayır”

Azərbaycanlı çobanın Ermənistan ərazisinə keçərək saxlanıldığı bildirilir

Azərbaycana gələn xaricilərin sayı azalmaqda davam edir: 9 ayda 6 faiz geriləmə

Redaktorun Tövsiyələri

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Dünya

Putin və Uitkoff görüşü: Moskva üçtərəfli danışıqlara razılaşıb, ABŞ dizel razılaşmasına görə təşəkkür edib

22 Oktyabr 2026

RIA Novosti

Rusiya prezidenti Vladimir Putinlə Ağ Evin xüsusi nümayəndəsi Stiv Uitkoff oktyabrın 21-də Sankt-Peterburqda üç saatlıq görüş keçirib. Uitkoff Osloda Ukrayna prezidenti Volodimir Zelenski və Avropa tərəfdaşları ilə apardığı danışıqlarda müzakirə olunan təklifləri Putinə çatdırıb. O, ABŞ, Rusiya və Ukrayna arasında sülh nizamlanması ilə bağlı üçtərəfli danışıqların keçirilməsini təklif edib. Ağ Evin xüsusi nümayəndəsi həmçinin dizel yanacağı ilə bağlı razılaşmaya və ABŞ vətəndaşı Stiv Habbardın azad edilməsinə görə Moskvaya təşəkkür edib. Stiv Habbard 2022-ci ildən Rusiyanın nəzarətində olan ərazidə saxlanılan 74 yaşlı, təqaüddə olan amerikalı müəllimdir. Rusiya onu Ukrayna tərəfində muzdlu döyüşməkdə ittiham edərək 2024-cü ildə 6 il 10 aya yaxın...

Davamını oxu

Dünya

NYT: “ABŞ və İsrail Konqresə seçkilərdən sonra İrana yeni zərbələr planı hazırlayır”

22 Oktyabr 2026

sosial media

ABŞ və İsrailin ABŞ Konqresinə 3 noyabrda keçiriləcək aralıq seçkilərdən sonra İrana qarşı hərbi əməliyyatları bərpa etməyi planlaşdırdığı bildirilir. “The New York Times” (NYT) mümkün hərbi əməliyyatlarla bağlı müzakirələrdən xəbərdar mənbələrə istinadən yazıb ki, plan İranın nüvə obyektləri, enerji infrastrukturu, raket və pilotsuz uçuş aparatı anbarlarına qarşı qısa, lakin intensiv əməliyyatı nəzərdə tutur. Nəşr Kolanq-Qaz-La dağının altında yerləşən ehtimal edilən yeraltı nüvə obyektini də mümkün hədəflərdən biri kimi göstərib. Bəzi ABŞ rəsmiləri qəzetə bildiriblər ki, Vaşinqton İranın neft emalı zavodlarına zərbə endirməkdən yayınmaq niyyətindədir. Bu, prezident Donald Trampın benzin qiymətlərinin daha da bahalaşacağı ilə bağlı narahatlığı ilə əlaqələndirilir. NYT-nin yazdığına...

Davamını oxu