Dünya

Klintonlar “Epşteyn işi”nə görə Konqresmenlər tərəfindən dindirilib

28 Fevral, 2026

117

Foto: açıq mənbə

ABŞ-nin keçmiş prezidenti Bil Klinton və həyat yoldaşı, keçmiş dövlət katibi Hillari Klinton "Epşteyn işi" üzrə Konqresin Nəzarət Komitəsinin üzvləri tərəfindən dindirilib.

Dindirilmə Klintonların yaşadığı Nyu-York ştatının Vestçester əyalətində, mətbuata qapalı şəkildə baş tutub.

Fevralın 27-də dindirilən B.Klinton komitə önündə verdiyi müdafiə nitqini ictimailəşdirib.

O, nitqində bildirib ki, azyaşlıların cinsi istismarında təqsirli bilinmiş Cefri Epşteynlə yaxınlıq etsə də, onun cinayətlərindən xəbəri olmayıb.

O əlavə edib ki, sözügedən cinayət əməllərindən xəbəri olsaydı, Epşteynlə nəinki yaxınlıq etməzdi, hətta onu özü polisə şikayət edərdi.

Ondan bir gün öncə ifadə verən H.Klinton isə, ümumiyyətlə, Epşteynlə nə vaxtsa görüşdüyünü təkzib edib. O, Konqresin onların əvəzinə prezident Donald Trampa qarşı iddiaları araşdırmalı olduğunu bildirib.

Klintonlar əvvəlki açıqlamalarında onların təhqiqata cəlb edilməsinin siyasi motivli olduğunu iddia ediblər.

ABŞ-də prezidentlərin Konqres önündə dindirilməsi nadir hadisə sayılır. Sonuncu dəfə 1974-cü ildə prezident Cerald Ford Konqres önündə dindirilib.

"Epşteyn faylları” milyarder iş adamı, azyaşlıların cinsi istismar məqsədilə alverində təqsirləndirilən Cefri Epşteynə dair istintaq materiallarını əhatə edir.

Epşteyn 2019-cu ilin iyulunda həbs edilib və bir ay sonra həbsxanada ölü tapılıb. Rəsmilər onun intihar etdiyini bildirsələr də, bir çox amerikalı buna şübhə ilə yanaşır.

İttiham aktında qeyd olunur ki, Epşteyn aralarında azyaşlıların da olduğu çoxlu sayda qızı özünə məxsus adaya apararaq cinsi istismara məruz qoyub.

Açıqlanan sənədlərdə B.Klintondan başqa, Donald Tramp, milyarder iş adamı Bil Qeyts, keçmiş Britaniya şahzadəsi Endryu və başqa məşhurların da adları çəkilir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Milli Onkologiya Mərkəzi 35 milyon manatlıq tender keçirib

Lavrovla görüşdən sonra Bayramov: “Bakı və Moskva ikitərəfli münasibətləri normallaşdırıb”

ABŞ və İran arasında qarşılıqlı zərbələr davam edir: Hər iki tərəfdə itkilər artır

Qadın məhbuslar üçün aclıq edən inanclı fəallar "kars"a salınıb

Samirə Qasımlı: “Mənə qarşı irəli sürülən ittiham siyasi sifarişlidir”

Vens: “İsraildə bizi İranla danışıqlardan çəkindirmək istəyənlər var”

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Dünya

ABŞ və İran arasında qarşılıqlı zərbələr davam edir: Hər iki tərəfdə itkilər artır

17 İyul 2026

Centcom

ABŞ və İran arasında davam edən qarşıdurma fonunda tərəflər qarşılıqlı zərbələri davam etdirir. Son hücumlarda İranın cənubundakı hərbi obyektlərlə yanaşı, Körfəz regionunda yerləşən strateji infrastrukturun da hədəfə alındığı bildirilir. ABŞ Mərkəzi Komandanlığı (CENTCOM) iyulun 16-da İran ərazisində növbəti hava zərbələri endirdiyini açıqlayıb. Məlumata görə, hücumlar İranın cənubundakı hərbi obyektlərə, hava hücumundan müdafiə sistemlərinə, radar qurğularına və logistika infrastrukturuna yönəlib. Tehran isə cavab olaraq Yaxın Şərqdə yerləşən ABŞ hərbi obyektlərinə zərbələr endirdiyini bəyan edib. İran rəsmiləri Suriyadakı ABŞ mövqelərinin də hədəfə alındığını bildiriblər. İran İnqilab Keşikçiləri Korpusu (SEPAH) isə Bəhreyn, Küveyt və Oman istiqamətində raket hücumları həyata keçirdiyini iddia edib. Küveytin...

Davamını oxu

Dünya

Vens: “İsraildə bizi İranla danışıqlardan çəkindirmək istəyənlər var”

16 İyul 2026

Government Press Office

ABŞ vitse-prezidenti Ceyms Vens növbəti dəfə İsraili ölkəsi ilə İran arasında danışıqlara müdaxilə etməkdə ittiham edib. O, iyulun 15-də yayımlanan müsahibədə podkastçı Co Roqana deyib ki, İsraildə bəzi hökumət üzvləri ABŞ-İran danışıqlarına təsir etməyə çalışır. “Şübhəsiz ki, İsrail hökuməti daxilində İrana qarşı hərbi kampaniyanı davam etdirmək istədikləri üçün bizi danışıqlar siyasətindən uzaqlaşdırmağa çalışan insanlar var. Həmçinin, şübhəsiz ki, onların sistemində bəzi insanlar var ki, müharibəni qeyri-müəyyən müddətə davam etdirmək üçün Amerika ictimai rəyini manipulyasiya edir və dəyişdirməyə çalışırlar. Yenə də, heç bir məqsədə doğru deyil, sadəcə qeyri-müəyyən müddətə”, - o qeyd edib. Vens daha öncə də İsrail hökumətini İranla anlaşmaya...

Davamını oxu