Dünya

Paşinyan: “Rusiya hərbi bazasını Ermənistandan çıxarsa, etiraz etməyəcəyik”

17 Sentyabr, 2026

açıq mənbə

Ermənistanın baş naziri Nikol Paşinyan bildirib ki, Rusiya Gümrüdəki 102-ci hərbi bazasını çıxarmaq qərarı versə, hökuməti buna etiraz etməyəcək.

“Armenpress”in məlumatına görə, Paşinyan sentyabrın 17-də jurnalistlərlə brifinqdə danışıb. O deyib ki, bazanın çıxarılması məsələsini Ermənistan deyil, Rusiya müzakirəyə çıxarıb.

“Çıxarmaq istəyirlərsə, qoy çıxarsınlar. 2022-ci ilin sentyabr hadisələri göstərdi ki, 102-ci hərbi baza Ermənistanın təhlükəsizliyi üçün həyati əhəmiyyət daşımır”, - baş nazir bildirib.

Paşinyanın sözlərinə görə, Ermənistan rəsmiləri rusiyalı həmkarları qarşısında heç vaxt belə bir məsələ qaldırmayıblar. O, Moskva bazanı saxlamaq istəsə, bunu da müzakirə etməyə hazır olduqlarını deyib.

Baş nazir Ermənistanın balanslaşdırılmış xarici siyasət yürütdüyünü vurğulayıb və ölkəsini Kollektiv Təhlükəsizlik Müqaviləsi Təşkilatından (KTMT) çıxarmaqla hədələməyə ehtiyac olmadığını bildirib.

Sentyabrın 2-də Rusiya prezidenti Vladimir Putin Bişkekdə jurnalistlərlə görüşündə demişdi ki, Ermənistanın bazaya ehtiyacı yoxdursa, Moskva onu “hətta sabah” çıxarmağa hazırdır. Putin Ermənistan tərəfinin istəyəcəyi halda hərbi əməkdaşlığı davam etdirə biləcəklərini də bildirmişdi.

Paşinyan sentyabrın 3-də bu açıqlamaya cavab olaraq Yerevanın bazanın çıxarılması məsələsini qaldırmadığını söyləmişdi.

2022-ci il sentyabrında Azərbaycan-Ermənistan sərhədində genişmiqyaslı döyüşlər baş verib. Ermənistan Azərbaycanı öz ərazisinə hücumda ittiham edib, Bakı isə hərbi əməliyyatları Ermənistan tərəfinin təxribatlarına cavab kimi təqdim edib. Hərbi yardım üçün Rusiya və KTMT-yə müraciət edən Yerevan gözlədiyi dəstəyi almadığını, təşkilatın vəziyyəti qiymətləndirmək üçün missiya göndərməklə kifayətləndiyini bildirib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Şoyqu Ermənistanı Rusiya sərmayəsi yatırılmış müəssisələri ələ keçirməkdə ittiham edib

Ali Məhkəmə iki dəqiqədən az çəkən prosesdə Samir Aşurovun şikayətini rədd edib

AXCP: "Hökumət mediası yalandan Əli Kərimlinin şahid kimi dindirildiyini deyir"

QHT təmsilçisi 2020-ci ildə sərhədi qanunsuz keçdiyi iddiası ilə bu il həbs olunub

Azərbaycanda karantin rejimi yenə uzadılıb

Nümayəndələr Palatası Rusiya və İrana qarşı “cəhənnəm sanksiyaları” layihəsini qəbul edib

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Dünya

Şoyqu Ermənistanı Rusiya sərmayəsi yatırılmış müəssisələri ələ keçirməkdə ittiham edib

17 Sentyabr 2026

sosial media

Rusiya Təhlükəsizlik Şurasının katibi Sergey Şoyqu Ermənistan hakimiyyətini ölkədə fəaliyyət göstərən Rusiya biznesinə qarşı ikili standartlar tətbiq etməkdə və qeyri-dost siyasət yürütməkdə ittiham edib. TASS-ın məlumatına görə, Şoyqu bu barədə sentyabrın 17-də Təhlükəsizlik Şurasının Elmi-Ekspert Şurasının rəyasət heyətinin iclasında danışıb. “Rusiyanın milyardlarla sərmayə yatırdığı müəssisələrdə və bütöv sahələrdə baş verənləri qanunsuz ələ keçirmədən başqa cür adlandırmaq çətindir”, - o bildirib. Şoyqu Ermənistan dəmir yollarının Rusiyanın idarəçiliyində qalmasının ölkənin beynəlxalq dəmir yolu şəbəkələrinə inteqrasiyasına mane olduğu barədə Yerevanın arqumentini də “açıq-aşkar gülünc” adlandırıb. Ermənistanın dəmir yolu infrastrukturu ölkə hökumətinə məxsusdur. Lakin onu “Rusiya Dəmir Yolları” şirkətinin törəməsi olan “Cənubi Qafqaz Dəmir...

Davamını oxu

Dünya

Nümayəndələr Palatası Rusiya və İrana qarşı “cəhənnəm sanksiyaları” layihəsini qəbul edib

17 Sentyabr 2026

sosial media

ABŞ Nümayəndələr Palatası Rusiya və İrana qarşı sanksiyaları sərtləşdirən qanun layihəsini qəbul edib. “Current Time” nəşri yazır ki, sənədin lehinə 262, əleyhinə 159 konqresmen səs verib. Ötən ay Senatda da qəbul olunan layihə imzalanmaq üçün prezident Donald Trampa göndərilib. “Cəhənnəm sanksiyaları” adlandırılan sənəd Rusiyanın vəzifəli şəxslərinə, maliyyə institutlarına, enerji sektoruna və neft daşımalarında istifadə etdiyi “kölgə donanması”na qarşı məhdudiyyətlər nəzərdə tutur. Layihədə konkret şəxslərin və şirkətlərin adları göstərilmir. Sənəd prezidentə Rusiya nefti və qazının iri alıcıları olan, həmçinin Moskvaya sanksiyalardan yayınmaqda kömək edən ölkələrə 100 faizədək gömrük rüsumu tətbiq etmək səlahiyyəti verir. Layihə ABŞ-nin İrana qarşı sanksiyalarının müddətini də uzadır....

Davamını oxu