Dünya

Rubio: “ABŞ-dəki texniki nasazlıqların kiberhücumlarla əlaqəsinə dair sübut yoxdur”

19 noyabr, 2026
48

sosial media

ABŞ dövlət katibi Marko Rubio ölkədə son günlər “Microsoft” xidmətləri, aviasiya sistemləri və banklarda baş verən texniki nasazlıqların xarici dövlətlər və ya haker qruplarının hücumları ilə bağlı olduğuna dair sübut olmadığını bildirib.
“Reuters”in məlumatına görə, Rubio noyabrın 18-də Filippinin paytaxtı Manilada jurnalistlərə deyib ki, ABŞ hakimiyyətində bu hadisələrin bir-biri ilə əlaqəli olduğunu göstərən məlumat yoxdur.
“Bu hadisələrin hər hansı birinin bir-biri ilə əlaqəli olduğuna inanmaq üçün heç bir əsasımız və sübutumuz yoxdur”, - dövlət katibi vurğulayıb.

Rubio bildirib ki, ABŞ hökuməti bu cür insidentlərə ciddi yanaşır və mümkün təhlükələrə qarşı daim ayıq-sayıqdır. O, ölkənin sistemli kiberhücuma məruz qaldığını demək üçün əsas olmadığını əlavə edib.

ABŞ-də texniki nasazlıqlar dalğası noyabrın 12-də “Microsoft”un elektron poçt və digər xidmətlərində yaranan problemlərlə başlayıb. “Outlook” və “Teams” daxil olmaqla “Microsoft 365” xidmətlərindəki qlobal nasazlıq milyonlarla istifadəçinin işinə mane olub. Şirkət problemin şəbəkə tutumunun artırılması zamanı edilən dəyişiklikdən qaynaqlandığını bildirib. Nasazlıq 24 saatdan çox davam edib.

Noyabrın 13-də ABŞ Federal Aviasiya Administrasiyası (FAA) hava hərəkətinə nəzarət sistemində yaranan problem səbəbindən ölkə üzrə uçuşları dayandırıb. Təxminən beş saat davam edən məhdudiyyət nəticəsində minlərlə sərnişin hava limanlarında gözləməli olub, 18 mindən çox uçuş ləğv edilib. FAA problemin Arkanzas ştatındakı obyektlərindən birində marşrutlaşdırıcının dəyişdirilməsi ilə bağlı olduğunu açıqlayıb.

Noyabrın 16-da “JPMorgan Chase”in sistemindəki proqram xətası bir sıra maliyyə xidmətlərinin fəaliyyətinə təsir edib. Müştərilər onlayn hesablarına daxil olmaqda və “Zelle” pulköçürmə xidmətindən istifadə etməkdə çətinlik çəkiblər. Həmin gün “United Airlines”in daxili sistemindəki nasazlıq da uçuşların gecikməsinə səbəb olub.
Noyabrın 17-də ABŞ Milli Təhlükəsizlik Agentliyinin (NSA) məxfi məlumatların ötürülməsi üçün istifadə olunan daxili şəbəkəsində fasilə yaranıb. Agentlik bunu planlı texniki xidmət zamanı baş verən müvəqqəti nasazlıq kimi izah edib.


Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Dünya

Mask: “Seçkilərdə Respublikaçılara 500 milyon dollara yaxın ianə verdiyim üçün özümü axmaq hiss edirəm”

19 noyabr 2026

sosial media

“SpaceX” və “Tesla” şirkətlərinin rəhbəri Elon Mask ABŞ-də keçirilən aralıq seçkilər ərəfəsində Respublikaçılar Partiyasına 470 milyon dollardan çox ianə etdiyinə görə özünü “olduqca axmaq” hiss etdiyini bildirib. “Financial Times”ın məlumatına görə, Mask bunu noyabrın 18-də “The New York Times”ın “DealBook Summit” tədbirində deyib. “Respublikaçılar bu seçkidə açıq şəkildə darmadağın oldular. Bu qədər pul xərcləyib qarşılığında çox şey görmədiyim üçün özümü olduqca axmaq hiss edirəm. Bəlkə də həmin pul olmasaydı, vəziyyət daha pis olardı”, - o bildirib. Aralıq seçkilərdə Respublikaçılar Nümayəndələr Palatası, Senat və bir neçə ştatdakı idarəetmə orqanı üzərində nəzarəti itiriblər. Mask həmçinin prezident Donald Trampın tərəfdarlarının yaratdığı MAGA hərəkatına...
Dünya

Tramp İranla anlaşma memorandumunu “vaxt itkisi” adlandırıb

19 noyabr 2026

whitehouse.gov

ABŞ prezidenti Donald Tramp vitse-prezident Cey Di Vensin iyunda İranla imzaladığı anlaşma memorandumunu “vaxt itkisi” adlandırıb.  Tramp bu barədə Çinə səfəri zamanı “Fox News”a müsahibəsində danışıb. “Bunu etmək istəmirdim, amma insanların fikrinə qulaq asdım”, - o bildirib. ABŞ prezidenti deyib ki, memorandum prosesi bir qədər ləngitsə də, Vaşinqtona İran rəsmilərini daha yaxından tanımaq imkanı verib. “Bu, prosesi bir qədər ləngitdi. Səhv deyildi. Əslində, həmin müddətdə onları çox yaxşı tanıdıq və etibar edilə bilməyəcəklərini anladıq”, - Tramp söyləyib. Tramp müharibə qərarını yenidən verib-verməyəcəyi barədə suala isə “Əgər bunu yenidən etməli olsaydıq, edərdikmi? Cavab qəti şəkildə bəlidir” cavabını verib. O, müharibənin siyasi...

Seçilmiş Videolar

Toplum TV loqo