Dünya

Tramp Baydenin sərəncamlarını ləğv etdiyini deyir

29 Noyabr, 2025

Foto: Reuters

ABŞ prezidenti Donald Tramp keçmiş prezident Co Baydenin "şəxsən imzalamadığı" bütün sərəncamları ləğv etdiyini deyir.

O, bu barədə noyabrın 28-də "Truth Social" platformasında bildirib.

“Yuxulu Co Bayden tərəfindən avtoqələmlə imzalanmış istənilən sənəd - yəni ümumi sənədlərin təxminən 92%-i - bundan sonra ləğv edilir və hüquqi qüvvəsi qalmır. Avtoqələmdən istifadə, əgər ABŞ Prezidentinin xüsusi təsdiqi yoxdursa, icazəli deyil”, - Tramp yazıb.

O, daha sonra Baydenə qarşı cinayət işi açıla biləcəyi barədə xəbərdarlıq edib.

“Oval Ofisdəki gözəl masanın ətrafında Baydenin başına toplaşan Radikal Solçu lunatiklər onun əlindən prezidentliyi aldılar. Mən buradan Saxtakar Co Bayden tərəfindən birbaşa imzalanmamış bütün İcra Sərəncamlarını və digər sənədləri ləğv edirəm, çünki avtoqələmi işlədən şəxslər bunu qanunsuz şəkildə ediblər. Co Bayden avtoqələm prosesində iştirak etməyib və əgər iştirak etdiyini desə, o zaman yalan ifadə verməkdə ittiham olunacaq. Bu məsələyə diqqətiniz üçün təşəkkür edirəm!”, - Tramp əlavə edib.

Daha öncə Ağ Ev sentyabrda Oval Ofisin qarşısında bütün prezidentlərin portretləri olan “Prezidentlərin Şöhrət Xiyabanı”nı təqdim edib. Onların arasında təkcə Baydenin portreti yoxdur, əvəzində avtoqələm şəkli var.

Trampın qərarının hüquqiliyi ABŞ ictimaiyyətində suallar doğurub. Belə ki, bu ölkənin qanunvericiliyinə əsasən, prezidentlərin sərəncamları fiziki imzalamaq öhdəliyi yoxdur və onların tapşırığı ilə avtoqələmdən istifadə oluna bilər.

Tramp və tərəfdarları hələ Baydenin prezidentliyi dövründə iddia edirdilər ki, onun ahıl yaşı və əqli durumu ilə əlaqədar sərəncamlardan xəbəri yoxdur və ətrafındakı insanlar onun yerinə qərarlar verir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Qırğız şirkəti Azərbaycanı yarımçıq ödənişə görə məhkəməyə verib

"Avroviziya" qalibi İsrailə etiraz olaraq mükafatı qaytarır

İranda Nobel mükafatçısı Nərgiz Məhəmmədinin saxlanıldığı bildirilir

MBH: "Bir aydan çox aclıq edən inanclı fəal huşunu itirib, digəri 'kars'a salınıb"

AXCP İmişli şöbəsinin fəalı saxlanılıb, evində axtarış aparılıb

"Meydan TV işi": Jurnalist kağız israfına görə müstəntiqə cinayət işi açılmasını istəyib

Redaktorun Tövsiyələri

Sovet simvolları ilə yürüş cəhdi cinayət məsuliyyəti yaradırmı?

“Tribunat“: Ev dustaqlığına buraxılan rusiyalı redaktorun Azərbaycanı tərk etməsi qanunsuzdur

“Rəhbər yaxşıdır, ətrafı pisdir” formulu: hakimiyyətin köhnə strategiyası yenidən işə düşür?

Ərdoğanın İmamoğlunu “dəfn etmək” cəhdi

AXCP sədrinin həbsdə olan mühafizəçisinə 7 ay geyim məhdudiyyəti qoyulması qanunidirmi?

SOCAR 12 il əvvəlkindən az vergi ödəyəcək, şirkət üçün postneft erası artıq başlayıb?

Dünya

"Avroviziya" qalibi İsrailə etiraz olaraq mükafatı qaytarır

13 Dekabr 2025

Foto: AP

Ötən il "Avroviziya" mahnı müsabiqəsinin qalibi olmuş isveçli müğənni Nemo gələn il yarışda İsrailin iştirakına etiraz olaraq mükafatını qaytaracağını deyir. Bu barədə o, "İnstagram" səhifəsində xəbər verib. Onun sözlərinə görə, İsrailin müsabiqədə iştirakı ilə müsabiqənin müdafiə etdiyini bildirdiyi "birlik, inklüzivlik və ləyaqət idealları arasında açıq bir ziddiyyət" var. Nemo bunu İsrailin Qəzza zolağında "soyqırımı" törətməsi ilə izah edib. "Avroviziya" Mahnı Müsabiqəsinin direktoru Martin Qrin bildirib ki, bu xəbərdən “kədərlənib”, lakin Nemonun mövqeyinə hörmət edir. İsrailin gələn il "Avroviziya"da iştirakına qərar verilməsi Qəzzadakı müharibə fonunda qalmaqala səbəb olub. Beş ölkə - İslandiya, İspaniya, İrlandiya, Sloveniya və Niderland İsrailin iştirakına görə gələn...

Davamını oxu

Dünya

İranda Nobel mükafatçısı Nərgiz Məhəmmədinin saxlanıldığı bildirilir

12 Dekabr 2025

Foto: açıq mənbə

2023-cü ildə Nobel Sülh Mükafatını qazanmış hüquq müdafiəçisi Nərgiz Məhəmmədinin İranda saxlanıldığı bildirilir. Bu barədə onun yaxınları məlumat yayıb. Məhəmmədinin Parisdə yaşayan həyat yoldaşı Tağı Rəhmani "X" səhifəsində bildirib ki, fəal Məşəd şəhərində keçirilən tədbirdə digər tanınmış fəal Sepide Qolyanla birlikdə saxlanılıb. Həmin tədbirdə iştirak edən Məhəmmədinin qardaşı da xəbəri təsdiqləyib. İran hüquq-mühafizə orqanları isə 53 yaşlı Məhəmmədinin saxlanılması ilə bağlı dərhal açıqlama verməyib. Bununla belə, tərəfdarları aylardır onun yenidən həbs edilmə riski altında olduğu barədə xəbərdarlıq edirdilər. Daha öncə də həbsdə olan N.Məhəmmədi 2024-cü ilin dekabrında səhhətindəki problemlərlə əlaqədar həbsdən müvəqqəti olaraq azad edilmişdi. O, İranda ölüm cəzasına və məcburi...

Davamını oxu