Dünya

Tramp: "Venesuelanı 51-ci ştat edə bilərik, 40 trilyon dollarlıq neftləri var"

12 May, 2026

AP Foto

ABŞ prezidenti Donald Tramp Venesuelanı ölkəsinin 51-ci ştatına çevirməyi "ciddi şəkildə nəzərdən keçirdiyini" deyib.

O, bunu mayın 11-də "Fox News" telekanalına müsahibəsində bildirib. Tramp düşüncəsini Venesuelanın 40 trilyon ABŞ dolları dəyərində neft ehtiyatlarına malik olması ilə əsaslandırıb.

Venesuelada prezident səlahiyyətlərini icra edən Delsi Rodrigez həmin gün jurnalistlərin sualına cavab olaraq deyib ki, ölkəsi ABŞ-nin 51-ci ştatı olmağı planlaşdırmır. “Biz öz bütövlüyümüzü, suverenliyimizi, müstəqilliyimizi və tariximizi müdafiə etməyə davam edəcəyik. Venesuela koloniya deyil, azad ölkədir", - o əlavə edib.

Venesuela prezidenti Nikolas Maduronun bu ilin əvvəlində ABŞ hərbçiləri tərəfindən qaçırılmasından sonra həmin vaxt vitse-prezident olan Rodrigez prezident səlahiyyətlərinə başlayıb. O, Madurodan fərqli olaraq ABŞ ilə enerji və başqa sahələrdə əməkdaşlıq edir.

Tramp administrasiyası Maduronun devrilməsindən sonra ABŞ-nin enerji şirkətlərini Venesuelaya sərmayə qoymağa çağırır. Son 20 ildə Venesuelada ABŞ şirkətlərindən yalnız "Chevron" fəaliyyət göstərib.

Venesuelanın neft ixracatı apreldə 2018-ci ildən bu yana ən yüksək səviyyəyə - günə ortalama 1 milyon barelə çatıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Hökumət 11 min məhkumluq yeni həbsxanalar tikməyi planlaşdırır

Polad Aslanovun həyat yoldaşı: “Onu 15 saylı cəzaçəkmə müəssisəsindən aparıblar”

Hicablı şagirdlər üçün onlayn platforma yaradan fəalın bir ay həbs edildiyi bildirilir

Azərbaycan hicab qadağasını tənqid edən türkiyəli jurnalisti beynəlxalq axtarışa verib

İranda Xameneini parodiya edən satirikə qarşı cinayət işi açılıb

Araşdırma: “İsrail şirkəti onlayn reklamlar vasitəsilə kütləvi casusluq əməliyyatı aparıb”

Redaktorun Tövsiyələri

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Dünya

İranda Xameneini parodiya edən satirikə qarşı cinayət işi açılıb

16 Oktyabr 2026

sosial media

İranın Tehran prokurorluğu “Instagram”da satirik videoları ilə tanınan Səid Şəkibaya qarşı cinayət işi açıb. Buna onun ölkənin keçmiş ali rəhbəri Əli Xameneinin səsini parodiya etdiyi videonun sosial şəbəkələrdə yayılmasının səbəb olduğu bildirilir. “Radio Farda” Şəkibanın “təhqiredici və alçaldıcı məzmun yaymaq” ittihamı ilə məsuliyyətə cəlb edildiyini, barəsində “müvafiq tədbirlər” görüldüyünü yazıb. Son günlər hakimiyyətə yaxın sosial media istifadəçiləri videonu paylaşaraq satirikin cəzalandırılmasını tələb ediblər. SEPAH-a bağlı “Fars” agentliyi isə paylaşımı “təhqiredici və alçaldıcı” adlandırıb, videoda “kobud və nalayiq” ifadələrin işləndiyini bildirib. Şəkiba əsasən məhşur şəxslərin səslərini təqlid etdiyi komediya videoları ilə tanınır. Onun “Instagram” hesabının təxminən 1 milyon izləyicisi olduğu, səhifənin...

Davamını oxu

Dünya

Araşdırma: “İsrail şirkəti onlayn reklamlar vasitəsilə kütləvi casusluq əməliyyatı aparıb”

16 Oktyabr 2026

sosial media

İsrailin “Discover-Tech” rəqəmsal reklam şirkətinin onlayn reklamlar vasitəsilə internet istifadəçilərini izlədiyi, bəzi hallarda isə onların cihazlarına casus proqram yerləşdirilməsinə şərait yaratdığı bildirilir. Bu barədə Kanadanın “Citizen Lab” araşdırma qrupu və ABŞ-nin reklam təhlükəsizliyi üzrə “Confiant” şirkətinin hesabatlarına istinadən “Reuters” yazıb. Araşdırmaya əsasən, “Discover-Tech”in mobil telefon və qulaqlıq kimi məhsulları reklam edən elanları 120 mindən çox internet saytında və 75 min tətbiqdə nümayiş etdirilib. Şirkətin gündə azı 10 milyon reklam göstərdiyi, zərərli reklamların yerləşdirildiyi saytlara daxil olan və ya tətbiqlərdən istifadə edən şəxsləri izləyə bildiyi deyilir. Bildirilir ki, bəzi hallarda şirkət smartfon istifadəçilərinin telefon nömrələrini əldə etməyə də cəhd göstərib. Tədqiqatçılar...

Davamını oxu