Dünya

Vitkof: “Rusiya və Ukrayna 314 əsirin mübadiləsində razılığa gəlib”

5 Fevral, 2026

Foto: açıq mənbə

Fevralın 5-də Əbu-Dabidə görüşən Rusiya və Ukrayna nümayəndələri 314 əsirin mübadiləsində razılığa gəliblər.

Bu barədə ABŞ prezidentinin xüsusi elçisi Stiv Vitkof sosial media hesabında məlumat verib.

"Bu nəticə geniş və məhsuldar sülh danışıqları sayəsində əldə edilib. Hələ görüləsi xeyli iş qalsa da, bu kimi addımlar davamlı diplomatik dialoqun real nəticələr verdiyini və Ukraynadakı müharibəyə son qoymaq səylərini irəli apardığını göstərir. Danışıqlar davam edəcək və yaxın həftələrdə əlavə irəliləyişin əldə olunacağı gözlənilir", - o əlavə edib.

Rusiya Müdafiə Nazirliyi əsir mübadiləsinin artıq baş tutduğunu xəbər verib. Nazirliyin açıqlamasına görə, tərəflər hər birindən 157 əsiri mübadilə ediblər.

Vitkof bunun əsir mübadiləsi məsələsində son 5 ayda ilk razılığın olduğunu bildirib.

Rusiya və Ukrayna nümayəndə heyətləri ABŞ-nin vasitəçiliyi ilə Əbu-Dabidə görüşüblər.

ABŞ dövlət katibi Marko Rubio bildirib ki, danışıqlarda irəliləyişin əldə olunması bir qədər vaxt ala bilər. Bununla belə, o vurğulayıb ki, Donald Trampın administrasiyası son bir il ərzində "danışıqlar prosesində böyük irəliləyişə nail olub".

Buna baxmayaraq, tərəflər danışıqlar prosesində atəşkəs barədə razılığa gəlməyiblər və Rusiya tərəfi Kiyev və digər böyük şəhərlərdə mülki infrastruktura zərbələr endirməyə davam edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

"Meydan TV işi": Ramin Deko barəsində həbs qərarı vermiş sabiq hakimin ona vəkillik etməsini istəyib

“Ramiz Mehdiyev işi”: DTX-nin videosunda ittiham olunan müxaliflər iddialara necə cavab verdi?

Azərbaycanlı QHT nümayəndələri və ekspertlər Ermənistana səfər ediblər

AXCP fəalı Emil Səlim inzibati qaydada həbs olunub

Kimi aldadırsan, ay zalım oğlu?..

Müharibə qurbanlarını yad edən ukraynalı idmançı olimpiadadan kənarlaşdırılıb

Redaktorun Tövsiyələri

“Ramiz Mehdiyev işi”: DTX-nin videosunda ittiham olunan müxaliflər iddialara necə cavab verdi?

2025-ci ildə Azərbaycanın turizm gəlirləri azalıb: 6 illik bağlı sərhədlər sektoru zəiflədib

Prezident niyə hüquqşünasları aidiyyətləri olmayan sahələrə nazir təyin edir?

Trampın dilemması: İranı vurmalı, ya vurmamalı?..

Şivlənin yolu - Yalçın İmanov yazır

"Epşteyn faylları": Pedofil kimi tanınan şəxsin İsrailə işlədiyi haqda nələr bəllidir?

Dünya

Müharibə qurbanlarını yad edən ukraynalı idmançı olimpiadadan kənarlaşdırılıb

13 Fevral 2026

Foto: AFP

İtaliyada keçirilən Qış Olimpiya Oyunlarında Ukraynanı təmsil edən idmançı müharibə qurbanlarını yad edən dəbilqə taxdığına görə olimpiadadan kənarlaşdırılıb. Skeleton yarışçısı Vladislav Heraskeviçin yarışdan kənarlaşdırılması qərarı fevralın 12-də Beynəlxalq Olimpiya Komitəsi (BOK) tərəfindən verilib. BOK üzərində Rusiyanın işğalçı müharibəsi nəticəsində həyatını itirmiş ukraynalı idmançıların rəsmlərinin əks olunduğu dəbilqəni taxmağı daha öncə qadağan etsə də, Heraskeviç məşqlərə bu dəbilqə ilə çıxmağa davam edirdi. BOK prezidenti Kirsti Koventri fevralın 12-i səhər saatlarında ukraynalını fikrindən daşındırmaq üçün şəxsən yarışın keçirildiyi yerə gəlib. Lakin Heraskeviç güzəştə getməyib. İdmançı qərarın açıqlanmasından sonra sosial media hesabında bunu "şərəfli olmağın bədəli" adlandırıb. "Mən bu yarışda medalçılar arasında ola...

Davamını oxu

Dünya

Sözçü: "Vens Əliyevlə məhbusların azad edilməsindən danışıb"

11 Fevral 2026

Foto: EPA

Azərbaycanda rəsmi səfərdə olan ABŞ vitse-prezidenti Ceyms Vensin prezident İlham Əliyevlə görüşdə "məhbusların azad edilməsi" məsələsindən danışdığı bildirilir. "Azadlıq Radiosu"nun xəbərinə görə, bu barədə Vensin sözçüsü məlumat verib. "Onlar, əsasən, ticarət və rifah, texnologiya və diplomatik əlaqələrin genişləndirilməsini müzakirə ediblər. "Beynəlxalq Sülh və Rifah üçün Tramp Marşrutu" (TRIPP) layihəsi üzrə müqavilələr və güzəştlərdən, məhbusların azad edilməsi kimi etimadyaratma tədbirlərindən, ABŞ investisiyaları və regional iqtisadi inteqrasiya daxil olmaqla, növbəti addımlardan da danışıblar", - sözçü deyib. Açıqlamada Azərbaycanda həbsdə olan və yenicə hökm oxunmuş ermənilər, yoxsa "siyasi məhbus" kimi tanınan jurnalist və vətəndaş cəmiyyəti üzvlərindən söhbət getdiyi aydın deyil. Vens fevralın 10-da...

Davamını oxu