Manşet

“Amnesty International”: Azərbaycan və Rusiya insan ləyaqətinə qarşı tam etinasızlıq nümayiş etdiriblər 

3 İyul, 2025
122

Foto: sosial media

“Amnesty International” beynəlxalq insan hüquqları təşkilatı son günlərdə Rusiyada azərbaycanlılara, Azərbaycanda isə ruslara qarşı aparılan zorakı həbsləri pisləyib

Təşkilatın Şərqi Avropa və Mərkəzi Asiya üzrə direktoru Mari Strazersin dediyinə görə, həm Rusiya, həm də Azərbaycan hakimiyyət orqanları “insan ləyaqətinə və insan hüquqları üzrə öhdəliklərinə açıq şəkildə etinasızlıq” nümayiş etdiriblər.

“Beynəlxalq hüquqa əsasən, işgəncə və digər qəddar, qeyri-insani və ya ləyaqəti alçaldan rəftar qəti şəkildə qadağandır və bunun üçün heç bir əsas ola bilməz. Baş verənlər, milli mənsubiyyət və etnik kimlik əsasında hədəflərin seçildiyi bir sıra polis əməliyyatlarını xatırladır”, - o bildirib. 

“Saxlanılan şəxslərin hüquqları, prosessual təminatlar və insan hüquqlarına hörmət, dövlətlərarası siyasi gərginlik şəraitində belə üstün tutulmalıdır. Rusiya və Azərbaycan hakimiyyətləri qeyri-qanuni qətllər, işgəncə və digər pis rəftar iddialarını təcili, hərtərəfli, müstəqil və qərəzsiz şəkildə araşdırmalı və məsul şəxsləri ədalət qarşısına çıxarmalıdır,” – deyə Strazers vurğulayıb.

Azərbaycanla Rusiya arasında iyunun 27-də Yekaterinburqda iki azərbaycanlının öldürülməsi ilə başlayan gərginlik qızışmağa davam edir. 

Ötən müddətdə ölkələr bir-birinin səfirlərini çağırıb nota veriblər. Azərbaycanda “Sputnik” saytının əməkdaşlarına cinayət işi açılıb, 2-si həbs olunub.

Həm Azərbaycanda, həm Rusiyada zorakı həbslər davam edib. 

Azərbaycanda iyulun 1-də 8 Rusiya vətəndaşı narkotik maddələrin tranziti  dövriyyəsi və kiberdələduzluq ittihamları ilə həbs edilib. Səbail Rayon Məhkəməsi onların barəsində 4 aylıq həbs qətimkan tədbiri seçib.

8 nəfərin saxlanılmasının görüntüləri hökumətyönlü mediaya sızdırılıb. Onların xüsusi təyinatlı polislər tərəfindən, ağır cinayətlər törətmiş mütəşəkkil dəstə kimi saxlanılması diqqətdən qaçmayıb. Həmçinin, sonradan məhkəmədən çəkilən fotolarda rusların bəzilərinin üzlərində işgəncə izləri, geyimlərində qan ləkəsi gözə çarpır. 

İyulun 2-də Rusiyanın Azərbaycandakı səfiri Mixail Yevdokimov Xarici İşlər Nazirliyinə (XİN) çağırılıb. 

XİN-in məlumatına görə, xarici işlər nazirinin müavini Araz Əzimov ilə baş tutan görüşdə, Rusiya tərəfinin iki ölkə arasında münasibətlərə “xələl gətirən qeyri-dost hərəkətləri və addımları ilə bağlı etiraz” qarşı tərəfin diqqətinə çatdırılıb.


Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Manşet

Rusiya 18 tonluq Azərbaycan məhsulunu məhv edib 

14 İyul 2025

Foto: sosial media

Rusiyada Azərbaycandan idxal olunan 18 ton şaftalı və nektarin zərərverici tapıldığı iddiası ilə məhv edilib.  Bu barədə Rusiyanın Federal Baytarlıq və Fitosanitar Xidməti məlumat yayıb.  Məlumatda deyilir ki, Krasnodar şəhərində anbarda saxlanılan məhsullar Qərb çiçəyi tripsi adlanan zərərverici tapıldığına görə məhv edilib.  Bu zərərvericinin gətirilməsi və yayılması Avrasiya İqtisadi İttifaqının qaydalarına əsasən qadağandır. Rusiya Azərbaycanın əsas ticarət tərəfdaşlarından biridir.  2024-cü ildə Azərbaycanın Rusiyaya ixracı təxminən 1,2 milyard dollar təşkil edib və əsasən meyvələr, qoz-fındıq və plastik məhsullardan ibarət olub. Həmçinin, Azərbaycanın Rusiyaya meyvə-tərəvəz ixracı ötən ilin ilk 5 ayı ilə müqayisədə bu il 20% artıb.
Manşet

Ukraynalı jurnalist: “Rusiyaya işləyən azərbaycanlılar öldürülüb” 

14 İyul 2025

Foto: Ukrainska Pravda/Reuters

Ukraynalı jurnalist Yuri Butusov Ukrayna Təhlükəsizlik Xidməti (SBU) tərəfindən Rusiyaya işləməkdə ittiham edilərək öldürülən şəxslərin azərbaycanlılar olduğu haqda xəbər yayıb.  Məlumat SBU və ya digər rəsmi orqanlar tərəfindən təsdiqlənməyib.  İyulun 13-də SBU-nun yaydığı bəyanatda daha öncə SBU zabitini öldürən bir kişi və bir qadının həmin gün əməliyyat nəticəsində zərərsizləşdirildiyi bildirilib. Onların milliyəti və ya kimliyi açıqlanmayıb.  “Onların Rusiya Federal Təhlükəsizlik Xidmətindən (FSB) olan kuratoru onlara SBU zabitinin gündəlik rejimini və marşrutlarını müəyyənləşdirmək üçün onu izləməyi tapşırıb, daha sonra isə silah və səsboğanın yerləşdirildiyi gizli yerin koordinatlarını verib”, - bəyanatda qeyd olunub.  SBU zabiti İvan Voroniç iyulun 10-da Kiyevdə öldürülüb.  Ardınca...

Seçilmiş Videolar

Toplum TV loqo