Dünya

Rusiyanın Azərbaycandakı səfirliyi: “Mülki geyimli şəxslər rus vətəndaşlara fiziki zorakılıq tətbiq edib” 

3 İyul, 2025
154

Foto: APA

Rusiyanın Azərbaycandakı səfirliyi Azərbaycanda rus vətəndaşlarına fiziki zorakılıq göstərildiyi haqda bəyanat yayıb. 

İyulun 2-də yayımlanan bəyanatda deyilir ki, səfirlik son sutka ərzində Azərbaycanda olan, habelə turizm məqsədilə səfər edən Rusiya vətəndaşlarından çoxsaylı müraciətlər alıb. 

“Müraciətçilərin sözlərinə görə, yaşadıqları ünvanlara mülki geyimli şəxslər (bəzi hallarda özlərini polis əməkdaşı kimi təqdim ediblər) gəlib və onların ölkədə qalma məqsədini sorğu-sual edərək sənədlərini yoxlayıblar. Bəzilərinin görə, onlara və ailə üzvlərinə fiziki zorakılıq tətbiq olunub”, - bəyanatda qeyd olunur. 

Səfirlik, həmçinin, bildirib ki, ötən günlərdə həbs olunan iki nəfər “Sputnik Azərbaycan” əməkdaşı və narkotik vasitələrin dövriyyəsi və kiberdələduzluq maddələrilə həbs olunan 8 nəfər rus vətəndaşına konsulluq girişi təmin olunması üçün Azərbaycan Xarici İşlər Nazirliyinə nota təqdim olunub, lakin hələ ki cavab verilməyib. 

Azərbaycanla Rusiya arasında iyunun 27-də Yekaterinburqda iki azərbaycanlının öldürülməsi ilə başlayan gərginlik qızışmağa davam edir. 

Ötən müddətdə ölkələr bir-birinin səfirlərini çağırıb nota veriblər. Azərbaycanda “Sputnik” saytının əməkdaşlarına cinayət işi açılıb, 2-si həbs olunub.

Həm Azərbaycanda, həm Rusiyada zorakı həbslər davam edib. 

Azərbaycanda iyulun 1-də 8 Rusiya vətəndaşı narkotik maddələrin tranziti və dövriyyəsi və kiberdələduzluq ittihamları ilə həbs edilib. Səbail Rayon Məhkəməsi onların barəsində 4 aylıq həbs qətimkan tədbiri seçib.

8 nəfərin saxlanılmasının görüntüləri hökumətyönlü mediaya sızdırılıb. Onların xüsusi təyinatlı polislər tərəfindən, ağır cinayətlər törətmiş mütəşəkkil dəstə kimi saxlanılması diqqətdən qaçmayıb. Həmçinin, sonradan məhkəmədən çəkilən fotolarda rusların bəzilərinin üzlərində işgəncə izləri, geyimlərində qan ləkəsi gözə çarpır. 

İyulun 2-də Rusiyanın Azərbaycandakı səfiri Mixail Yevdokimov Xarici İşlər Nazirliyinə (XİN) çağırılıb. 

XİN-in məlumatına görə, xarici işlər nazirinin müavini Araz Əzimov ilə baş tutan görüşdə, Rusiya tərəfinin iki ölkə arasında münasibətlərə “xələl gətirən qeyri-dost hərəkətləri və addımları ilə bağlı etiraz” qarşı tərəfin diqqətinə çatdırılıb.


Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Dünya

Çexiyada kommunizm təbliğatı cinayət hesab olunacaq

18 İyul 2025

Foto: AFP

Çexiya Prezidenti Petr Pavel iyulun 17-də kommunizm təbliğatını cinayət kimi tanıyan qanunu imzalayıb.  Qanun “insan hüquq və azadlıqlarını açıq şəkildə boğmağa və ya irqi, etnik, milli, dini və ya sinfi ədavəti qızışdırmağa yönəlmiş nasist, kommunist və ya digər hərəkatları yaratmaq, dəstəkləmək və ya təbliğ etmək” halları üçün beş ilədək azadlıqdan məhrumetmə cəzası nəzərdə tutur. Qanunun Çexiyada kommunizm ideyaları ilə çıxış edən siyasi partiyalara necə şamil edəcəyi hələ ki aydın deyil.  Çexiyada fəaliyyət göstərən Bohemia və Moravia Kommunist Partiyası qanunu qınayıb, onu “rejimin tənqidçilərini qorxutmaq üçün növbəti uğursuz cəhd” adlandırıb.  Partiya parlamentdə yer almasa da, sorğulara əsasən xalq arasında 5%-ə qədər...
Dünya

Pakistanda daşqınlarda ölən 170-dən çox insanın yarısı uşaqlardır

18 İyul 2025

Foto: Getty Images

Pakistanın şərqində iyunun 26-dan bəri davam edən daşqınlarda ölənlərin ən az yarısı uşaqlardır.  Pakistanın Fəlakətlərin İdarə Olunması qurumunun açıqlamasına görə, daşqınlar başlayandan bəri Pəncab vilayətində ən az 170 nəfər ölüb və bunların 85-i azyaşlılardır.  Ölənlərdən 54-ü son bir gün ərzində ölüb.  Vilayətin bir neçə rayonunda fövqəladə vəziyyət elan edilib və artan sel sularına qarşı mübarizə aparmaq üçün Ravalpindi şəhərinə ordu yeridilib.  Pakistanın Meteorologiya Departamentinin məlumatına görə, güclü yağışlar Ravalpindi və yaxınlıqdakı paytaxt İslamabada yağmağa davam edir və iyulun 17-də bir neçə ərazidə yağıntının miqdarı 100 millimetrdən çox olub. İyulun 18-də də güclü yağışların davam edəcəyi gözlənilir. Pakistan geoloji quruluşu səbəbilə...

Seçilmiş Videolar

Toplum TV loqo