Məhkəmə

Bəhruz Səmədov: “Sadəcə insanların müharibədə ölməsinə qarşı çıxmışam”

16 May, 2025

534

Foto: sosial media

Mayın 16-da Bakı Ağır Cinayətlər Məhkəməsində gənc tədqiqatçı, sülh fəalı Bəhruz Səmədovun işi üzrə növbəti qapalı məhkəmə prosesi keçirilib.

Onun vəkili Zibeydə Sadıqovanın bildirdiyinə görə, proses şahid ifadəsi ilə davam edib.

Şahid həm müdafiə tərəfinin, həm də hakimlərin suallarını cavablandırıb və B.Səmədovun daha əvvəl dediklərini təsdiqləyib.

Bəhruz Səmədov məhkəmədə yenidən vurğulayıb ki, heç vaxt Dağlıq Qarabağın Ermənistan ərazisi olduğunu deməyib və daim sülh tərəfdarı olub.

O, dövlətlər arasında müharibəyə və bunun nəticəsində insanların ölməsinə qarşı olduğunu bildirib.

Növbəti məhkəmə prosesi 13 iyun saat 16:00-a təyin edilib və şahid ifadələri ilə davam edəcək.

Çexiyanın Karlov Universitetinin doktorantı Bəhruz Səmədov Dövlət Təhlükəsizliyi Xidmətinin əməkdaşları tərəfindən 2024-cü il avqustun 21-də həbs olunub.

O dövlətə xəyanətdə ittiham edilir, Ermənistan xüsusi xidmət orqanları ilə əməkdaşlıqda, milliyyətcə erməni olan qızlara məlumat ötürməkdə təqsirləndirilir.

Bəhruz Səmədov isə ittihamı qəbul etmir, yazılanların yalan olduğunu bildirir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

10 insan haqları təşkilatı Beynəlxalq Hakimlər Assosiasiyasını Azərbaycana qarşı addım atmağa çağırıb

Fərid İsmayılov aclıq aksiyasını dayandırıb

Tramp: Gərək deyərdim Nobel Sülh Mükafatını mənə versin

Gürcü şairi "polisə sillə vurmaq" ittihamı ilə 2 il azadlıqdan məhrum edilib

"Abzas"çılar: Müstəqil media xəbərləri əvəzinə bizə "İki Sahil" və "Səs" qəzetləri verilir

Ərdoğan: Türkiyə Qəzzada atəşkəsi monitorinq edəcək işçi qrupunda yer alacaq

Redaktorun Tövsiyələri

“Abzas Media” jurnalistlərinin Lənkərana köçürülməsi qanunauyğundurmu?

Azərbaycanda rəsmi 5 faiz işsizlik göstəricisi gerçəyi əks etdirirmi?

Jurnalistlərə və QHT fəallarına qarşı “leqallaşdırma” ittihamı qanunidirmi?”

“Tribunat”: Ərəb turistlərin Şəhidlər Xiyabanındakı hərəkətlərində cinayət tərkibi yoxdur

“Toplum TV işi”: Hakimlər Prezident Administrasiyasından gələcək qərarı gözləyir"

Azərbaycanda partiya liderləri niyə “beynəlxalq ekspert”ə çevrildi?

Məhkəmə

Fərid İsmayılov aclıq aksiyasını dayandırıb

11 Oktyabr 2025

Foto: sosial media

"Toplum TV"-nin həbsdə olan əməkdaşı Fərid İsmayılov oktyabrın 6-da başladığı aclıq aksiyasını dayandırıb. Məlumatı "Toplum TV"-yə onun yaxınları verib. Bildirilir ki, bu barədə o, yaxınları ilə telefon danışığı zamanı xəbər verib. F. İsmayılov telefon danışığında bildirib ki, o artıq öz kamerasına qaytarılıb və tələbi yerinə yetirildiyi üçün aclığı dayandırıb. “İndi bir az mədəm narahatdır, günlər sonra ilk dəfə sulu yemək yedim, amma halım yaxşıdır. Hər şey qaydasındadır”, - Fərid İsmayılov yaxınlarına deyib. Jurnalist yan kamerada saxlanılan Seymur adlı məhbusun ölüm təhdidlərinin təcridxana rəhbərliyi tərəfindən etinasızlıqla qarşılandığını qeyd edirdi. Həmin məhbus qısa müddətlik başqa kameraya köçürülsə də, sonradan yenidən öz yerinə qaytarılıb....

Davamını oxu

Məhkəmə

“QHT işi” üzrə Hafiz Həsənovun məhkəməsi başlayır

10 Oktyabr 2025

Foto: VOA

“QHT işi” üzrə təqsirləndirilənlərdən biri, "Hüquq və İnkişaf" İctimai Birliyinin rəhbəri Hafiz Həsənovun cinayət işi üzrə ibtidai istintaq yekunlaşıb. “APA”-nın məlumatına görə, cinayət işi baxılması üçün Bakı Ağır Cinayətlər Məhkəməsinə göndərilib. İş hakim Eldar İsmayılovun icraatına verilib. Məhkəmənin hazırlıq iclası oktyabrın 22-nə təyin edilib. Hafiz Həsənov Cinayət Məcəlləsinin 193-1.3.2-ci (cinayət yolu ilə əldə edilmiş xeyli miqdarda əmlakı leqallaşdırma), 308.2-ci (vəzifə səlahiyyətlərindən sui-istifadə etmə, ağır nəticələrə səbəb olduqda) və 313-cü (vəzifə saxtakarlığı) maddələri ilə ittiham edilir. Onun barəsində Binəqədi Rayon Məhkəməsinin qərarı ilə ev dustaqlığı qətimkan tədbiri seçilib. “QHT işi” üzrə həbslər 2025-ci ilin martında başlayıb. İlk olaraq Vətəndaş Hüquqları İnstitutunun rəhbəri Bəşir Süleymanlı...

Davamını oxu