Məhkəmə

Hacı Vəliyevin Psixiatriya Xəstəxanasına aparıldığı deyilir

12 May, 2025

sosial media

Həbsdə olan İkinci Qarabağ Müharibəsi iştirakçısı, “Gənc Qazilər” İctimai Birliyinin sədri Hacı Vəliyev həkim müayinəsi üçün 1 saylı Respublika Psixiatriya Xəstəxanasına aparılıb.

Bu barədə mayın 11-də ictimai birliyin “Facebook” səhifəsində məlumat verilib.

Məlumata görə, Vəliyev ailə üzvlərinə gözləri ağrıdığı üçün açıq havaya çıxa bilmədiyini deyib.

O, həmçinin qeyd edib ki, təcridxanada onun üçün həkim ayrılmayıb, müayinə və müalicəsi üçün reabilitasiya mərkəzinə köçürülməsinə ehtiyac var.

İctimai birlikdən Toplum TV-yə bildirib ki, müayinədən sonra Hacı Vəliyev təcridxanaya qaytarılıb.

Mayın 12-də isə ictimai birlik Vəliyevin ailə üzvlərinə istinadən xəbər verib ki, onun gözündə irinləmə başlayıb. O deyib ki, saxlanıldığı yerdə gözünü dizinfeksiya etmək üçün yetərli tibbi şərait yoxdur və o, Zərifə Əliyeva adına Göz İnstitutuna köçürülmək istəyir.

Deyilənlər barədə rəsmi qurumlar hələki açıqlama verməyib.

Hacı Vəliyev martın 31-də Bakı Şəhər Baş Polis İdarəsinin əməkdaşları tərəfindən saxlanılıb, aprelin 1-də isə onun barəsində 22 günlük həbs qətimkan tədbiri seçilib.

O, Cinayət Məcəlləsinin silahdan və ya silah qismində istifadə olunan əşyalardan istifadə edilməklə xuliqanlıq və özgənin əmlakını qəsdən məhv etmə və ya zədələmə maddələri ilə ittiham olunur.

Vəliyev şəhid ailələrini, qaziləri, müharibə iştirakçılarının prolemlərini işıqlandırması və aidiyyəti üzrə məmurları tənqid etməsi ilə tanınır.

O, martın 18-də polisin Yasamal rayonu ərazisində küçə ticarəti ilə məşğul olan bir qrup qaziyə qarşı zorakılıq tətbiq etdiyini ictimailəşdirmişdi.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

İqbal Əbilov son söz üçün məhkəmədən vaxt istəyib

Məhkəmə “Kanal 13”-ün rəhbərini həbsdə saxlayıb

“Amnesty International” səfirlikləri “Abzas Media”nın məhkəməsinə çağırır

Jurnalistin zorakılıqla bağlı şikayəti prokurorluğa göndərilib

Taliban şahmatı qadağan edib

Zelenski: “Putini Türkiyədə gözləyəcəm”

Redaktorun Tövsiyələri

“Bakı Moskva ilə əlaqələrini Trampın siyasətinə sörə tənzimləyir”

Kartlardan pul oğurluğu: Banklar nə qədər günahkardır?

Bakı İstintaq Təcridxanasının “rüşvət rentgeni”

Norveç qəzetində Toplum TV-yə məqalə həsr edilib

Bakının tarixi məhəllələri sökülmək təhlükəsi ilə üz-üzədir

Sərhədsiz Reportyorlar: “Azərbaycanda müstəqil media qalmayıb”

Məhkəmə

İqbal Əbilov son söz üçün məhkəmədən vaxt istəyib

12 May 2025

sosial media

Mayın 12-də Lənkəran Ağır Cinayətlər Məhkəməsində talış tarixinin tədqiqatçısı İqbal Əbilovun ittiham olunduğu iş üzrə məhkəmə prosesi keçirilib. Məhkəmədə müdafiə tərəfi vətənə xəyanət maddəsi ilə ittiham olunan gənc alimə qarşı heç bir sübutun olmadığını deyib və məhkəmədən onun üçün bəraət istəyib. Əbilov isə məhkəmədən son sözünü demək üçün vaxt istəyib. Növbəti məhkəmə prosesi mayın 15-ə təyin olunub. Ötən prosesdə dövlət ittihamçısı İqbal Əbilova 19 il cəza istəyib. Əbilovun Hüquqlarını Müdafiə Komitəsi bildirib ki, Əbilova çıxarılacaq hər hansı hökm “elmin, azad sözün və etnik kimliyin cəzalandırılmasıdır”. Bəyanatda əlavə olunur ki, Əbilov heç bir siyasi fəaliyyətdə iştirak etməyib və onun yeganə “cinayəti”...

Davamını oxu

Məhkəmə

Məhkəmə “Kanal 13”-ün rəhbərini həbsdə saxlayıb

12 May 2025

sosial media

“Kanal 13” internet televiziyasının həbsdə olan rəhbəri Əziz Orucovun barəsində olan hökmdən verilən apellyasiya şikayəti üzrə məhkəmə prosesi keçirilib. Mayın 12-də Bakı Apellyasiya Məhkəməsində keçirilən prosesdə şikayət təmin olunmayıb və birinci instansiya məhkəməsinin qərarı qüvvədə saxlanılıb (APA). Əziz Orucov 2023-cü il noyabrın 27-də qanunsuz tikinti aparmaq ittihamı ilə saxlanılıb. Daha sonra ona qarşı Cinayət Məcəlləsinin 206.3.2-ci (qaçaqmalçılıq, bir qrup şəxs tərəfindən qabaqcadan əlbir olaraq törədildikdə) maddəsi ilə ittiham irəli sürülüb. Orucov ittihamları rədd edib, jurnalist fəaliyyəti ilə bağlı həbs edildiyini bildirib İbtidai istintaqın nəticəsinə əsasən həbsdə olan jurnalistə qarşı irəli sürülən Cinayət Məcəlləsinin 206.3.2-ci (qaçaqmalçılıq, bir qrup şəxs tərəfindən qabaqcadan əlbir olaraq...

Davamını oxu