Məhkəmə

Vəkil: Hacı Vəliyevə karserdə işgəncə verilib

1 İyul, 2025

Foto: sosial media

Həbsdə olan İkinci Qarabağ Müharibəsi iştirakçısı və"Gənc Qazilər" İctimai Birliyinin (İB) sədri olmuş Hacı Vəliyevin cərimə kamerasında (karser) işgəncəyə məruz qaldığı bildirilir.

Bu barədə iyunun 30-da onun vəkili Aqil Layıc xəbər verib.

Layıc bildirib ki, Vəliyev iyunun 23-27-i tarixlərində karserdə saxlanılıb. Buna səbəb isə onun Bakı İstintaq Təcridxanasının rəisinin ondan daxil intizam qaydalarını pozduğu haqda sənədə imza atmasını istəməsi olub. Vəliyev sənədə imza atmaqdan imtina edib.

Fəal vəkilinə deyib ki, karserdə ona Tural adlı gizir fiziki zorakılıq göstərib. Layıc qeyd edib ki, Vəliyevin başında iki sıyrıq izi var və fəalın dediyinə görə, onlar işgəncə zamanı başı kafelə dəyərkən əmələ gəlib.

Vəkil, həmçinin, bildirib ki, Vəliyev iyunun 21-dən “ədalətsiz mühakiməsinə qarşı” aclıq aksiyası keçirir və bunun nəticəsində, demək olar ki, yeriyə bilmir.

O, Ədliyyə Nazirliyini və Ombudsmanı adekvat addımlar atmağa çağırıb.

Hacı Vəliyev martın 31-də Bakı Şəhər Baş Polis İdarəsinin əməkdaşları tərəfindən saxlanılıb.

O, Cinayət Məcəlləsinin silahdan və ya silah qismində istifadə olunan əşyalardan istifadə edilməklə xuliqanlıq və özgənin əmlakını qəsdən məhv etmə və ya zədələmə maddələri ilə ittiham olunur.

Vəliyev müharibədə həlak olanların ailələrinin, müharibə iştirakçılarının problemlərini işıqlandırması və məmurları tənqid etməsi ilə tanınır.

O, martın 18-də polisin Yasamal rayonu ərazisində küçə ticarəti ilə məşğul olan bir qrup qaziyə qarşı zorakılıq tətbiq etdiyini ictimailəşdirmişdi.

Vəliyev mayın 14-də məhkəmədə çıxışında deyib ki, o, "ictimai fəaliyyətinə, şəhid ailələrinin və müharibə iştirakçılarının sosial rifah məsələlərini dövlət qurumları qarşısında qaldırdığına və məmurları tənqid etdiyinə" görə həbs olunub.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Türkiyədə Məhəmməd peyğəmbəri təsvir etdiyi iddia edilən jurnala cinayət işi açılıb

Rusiya Azərbaycana nota verib

İmran Əliyevin işində şahidlər dindirilməyə başlanıb

DİN: “Sputnik Azərbaycan” haqqında cinayət işi başladılıb, 7 nəfər saxlanılıb

Özünü təqsirli bilirsən? - İlkin Əmrahov yazır

Avropa İttifaqı Ermənistana 270 milyon avro ayıracaq

Redaktorun Tövsiyələri

İdxalda kəskin bahalaşma: Ərzaq və geyim məhsullarında rekord qiymət artımı

Paşinyan və düşmənləri arasında son döyüş

63 milyondan çox vəsaitin ayrıldığı penitensiar müəssisələrdə ağır sanitar-gigiyena problemləri

Hökumətyönlü mətbuatın “istintaq sirləri”: Sızdırılma, yoxsa təxəyyül məhsulu?

Cəmiyyətin və hökumətin əxlaq problemi - Fariz Namazlının yazısı

Memar: “Mətbuat Bayırşəhər söküntüsünü adiləşdirməyə çalışır”

Məhkəmə

İmran Əliyevin işində şahidlər dindirilməyə başlanıb

1 İyul 2025

Foto: sosial media

İyulun 1-də “Meclis.info” saytının həbsdə olan rəhbəri İmran Əliyev, polis nəzarətinə verilən ictimai fəal Elgiz Qəhrəman və Tamella Musayevanın ittiham olunduqları cinayət işi üzrə növbəti məhkəmə prosesi keçirilib. Bakı Ağır Cinayətlər Məhkəməsində hakim Roman Ələkbərlinin sədrliyi ilə keçirilən prosesdə şahidlərin dindirilməsi mərhələsi başlayıb. İfadə verən Elçin Hüseynzadə adlı şəxs bildirib ki, ibtidadi istintaqda 1 il əvvəl dindirilib və həmin vaxt dediyi heç nəyi xatırlamır. Növbəti məhkəmə prosesi iyulun 15-nə təyin edilib. Proses şahid ifadələri ilə davam edəcək. İlkin olaraq qaçaqmalçılıqda ittiham edilən İmran Əliyev 2024-cü ilin aprelində saxlanılıb. Sayt rəhbəri saxlanıldığı zaman polislərin onu döydüyünü, bədəninə elektrik cərəyanı verərək ona...

Davamını oxu

Məhkəmə

Özünü təqsirli bilirsən? - İlkin Əmrahov yazır

1 İyul 2025

Foto: sosial media

Demokratik Təşəbbüslər İnstitutunun (İDİ) əməkdaşı, “Toplum TV işi” üzrə həbsdə olan İlkin Əmrahov istintaq təcridxanasından yazır. Növbəti “məhkəmə” prosesində Bakı Ağır Cinayətlər Məhkəməsinin hakimi Azər Tağıyev qondarma cinayət işi üzrə özümü təqsirli bilib - bilməməyimi soruşacaq. Bəli, mən özümü ondan ötrü təqsirli bilirəm ki, uşaq yaşlarından ailədə insanlara ləyaqət və hörmət göstərməyi əsas tutan tərbiyə ilə böyümüşəm. Təqsirim var, çünki, kitaba, elmə maraq göstərmişəm. Siyasi idarəetmə fakültəsində ali təhsil almışam. İnsan hüquqlarına söykənən, insana ən ali dəyəri verən demokratik - hüquqi dövlət anlayışı haqqında müəyyən qədər fikirlərim formalaşıb. Təqsirkaram, özümü inkişaf etdirmək, bilik və bacarıqlarımı artırmaq istəmişəm....

Davamını oxu