Məhkəmə

Polad Aslanov 6 gündür aclıq edir

3 Sentyabr, 2025

Foto: sosial media

Həbsdə olan jurnalist Polad Aslanov 6 gündür aclıq aksiyası edir.

Həyat yoldaşı Gülmirə Aslanova Toplum TV-yə bildirib ki, jurnalist avqustun 29-da aclıq aksiyasına başlayıb.

Buna səbəb P.Aslanovun saxlanıldığı 15 saylı Cəzaçəkmə Müəssisəsinin tibb məntəqəsindəki mətbəxdən istifadəsinə icazə verilməməsidir.

Aslanovanın sözlərinə görə, həyat yoldaşı iyulun 18-də keçdiyi ultrasəs müayinəsinin nəticəsini tələb edir. Cəzaçəkmə müəssisəsinin tibb məntəqəsinin Cavanşir adlı baş həkimi isə P.Aslanovun etirazına cavab olaraq onun mətbəxdən istifadəsinə qadağa qoyub.

Həyat yoldaşı bildirir ki, jurnalistin bu barədə ərizəsini cəzaçəkmə müəssisəsinin rəisi Ramiq Nəsibov qəbul etmir.

G.Aslanova əlavə edir ki, o, Ədliyyə Nazirliyinin Tibb Baş İdarəsinə də şikayətini bildirib. Onun şikayəti həyat yoldaşının ultrasəs müayinəsinin nəticəsinin verilməməsi ilə yanaşı, onun, ümumiyyətlə, tibb məntəqəsinə buraxılmamasıdır.

"P.Aslanov ötən ilin noyabrında 15 saylı Cəzaçəkmə Müəssisəsinə köçürüləndən cəmi 38 gün tibb məntəqəsində saxlanılıb, sonra zona köçürülüb. Buna baxmayaraq, ona gündə yarım saat olmaqla tibb məntəqəsinin mətbəxindən istifadəyə icazə verirdilər. İndi isə heç ona da icazə vermirlər", - o qeyd edib.

Aslanova ultrasəs nəticələrinin gizlədilməsini məqsədyönlü hesab edir: “Polad Aslanovun sağlamlığı ilə oynayırlar. Cavabı gecikdirməklə qaraciyərindəki problemin dərinləşməsini gözləyirlər”.

Aslanova, həmçinin, Ombudsmana müraciət etdiklərini, qurumun isə şikayəti Ədliyyə Nazirliyinin Tibb Baş İdarəsinə göndərdiyini deyib. Cavab məktubunda Aslanovun 2020-ci ildə “praktiki sağlam” kimi qeydiyyata alındığı göstərilib.

Polad Aslanov 2019-cu ildə casusluq ittihamı ilə həbs olunub. O, ittihamları rədd edir və hökumətdə korrupsiya faktlarını ifşa etdiyinə görə təqib olunduğunu bildirir. Hüquq müdafiəçiləri Aslanovu siyasi məhbus sayır. Avropa Məhkəməsi də onun həbsi ilə bağlı Azərbaycana qarşı qərar çıxarıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Putin: Azərbaycanla münasibətlərdə problemlər var

Bəhruz Səmədov barədə hökm qüvvədə saxlanıb

Avstraliya İlham Rəhimova sanksiya tətbiq edib

Məhkəmə "boks"ları - "Nəfəs almaq belə mümkün deyil"

Çin "tarixinin ən böyük" hərbi paradını keçirib

Belçika Fələstini tanıyacaq

Redaktorun Tövsiyələri

Azərbaycanda partiya liderləri niyə “beynəlxalq ekspert”ə çevrildi?

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Azərbaycanda aclıq aksiyası mübarizə metodu kimi sıradan çıxıb?

Məhkəmə

Bəhruz Səmədov barədə hökm qüvvədə saxlanıb

3 Sentyabr 2025

Foto: sosial media

Həbsdə olan elmi tədqiqatçı və sülh fəalı Bəhruz Səmədovun barəsindəki məhkəmə hökmü qüvvədə saxlanılıb. Sentyabrın 3-də Bakı Apellyasiya Məhkəməsində Elmar Rəhimovun sədrlik etdiyi hakimlər kollegiyası Səmədovun hökmdən verdiyi şikayətə baxıb. Qapalı keçən prosesdə Rəhimov Bakı Ağır Cinayətlər Məhkəməsinin çıxardığı 15 il həbs cəzasını qüvvədə saxlayıb. Səmədovun yaxınları fəalın sentyabrın 4-dən etiraz əlaməti olaraq quru aclığa başlayacağını xəbər veriblər. Çexiyanın Karlov Universitetinin doktorantı Bəhruz Səmədov Dövlət Təhlükəsizliyi Xidmətinin əməkdaşları tərəfindən 2024-cü il avqustun 21-də həbs olunub. O, 2025-ci il iyunun 23-də Bakı Ağır Cinayətlər Məhkəməsinin hökmü ilə 15 il müddətinə azadlıqdan məhrum edilib. Sülh fəalı dövlətə xəyanətdə ittiham olunub. Cinayət işində...

Davamını oxu

Məhkəmə

Məhkəmə "boks"ları - "Nəfəs almaq belə mümkün deyil"

3 Sentyabr 2025

Foto: Abzas Media

"Abzas Media"nın həbsdə olan direktoru Ülvi Həsənli və jurnalistlər Sevinc Vaqifqızı, Nərgiz Absalamova və Elnarə Qasımova məhkəmələrdə saxlanma yerlərinin ("boks") vəziyyətindən yazıb. "Abzas Media"nın dərc etdiyi məktubu olduğu kimi təqdim edirik. Məhkəmələrdə təqsirləndirilən şəxslərin saxlanılması üçün “boks” adlandırılan bir otaq ayrılır. Burada dustaqlar məhkəmələrinin başlamasını və bitdikdən sonra təcridxanaya geri qaytarılmağı gözləyirlər. Həbsdə saxlanıldığımız bu günə qədər Xətai Rayon Məhkəməsinin, Bakı Ağır Cinayətlər Məhkəməsinin (BACM) və Bakı Apellyasiya Məhkəməsinin saxlanılma yerlərində olmuşuq. Bu dəfə sizə məhkəmələrin saxlanılma yerlərindəki şərait, dustaqlardan əsirgənən yol ərzaqları və onlardan alınan rüşvət barədə yazacağıq. Dustaqlar hansı şəraitdə aqibətlərini gözləyir? Xətai Rayon Məhkəməsinin dustaqlara ayrılan hissəsi...

Davamını oxu